الف مبروك يا باشا هو فعلا الكاسيت اللي بينزل في الخليجي بيكون كينود هو ممتاز طبعا بس العيب الوحيد انه اصغر من الفتحة بتاعة التابلوه لكن اللي بيجي مع عربية دايموند بيكون عريض اكتر
عرض للطباعة
السلام عليكم
ازيكم يا شباب. رمضان كريم
بصراحه انا ناوي اجيب عربيه ومعنديش خبره جامده في العربيات وكنت بفكر فى الشارك بس الناس خوفتني منها بس محدش قالي سبب كله كلام زي وحشه مشاكلها كتير هتقئرفك بس محدش قال مشكلتها ايه. المهم انا عايش في الإمارات رحت سألت على البوما قالوا خلاص معدتش بتنزل وبعدين دخلت هنا عالموضوع ما شاء الله عليكم غيرتو فكرتي عن الشارك خالص وهنويت عليها أن شاء الله هسالكم على حاجه بحكم اني عايش في الإمارات والجو الحر اووووي اللي هنا أخبار تكيفها وينفع مع جنهم اللي عايش فيه هنا ولا لا
الله اكرم يا ميدو
هيا حاجة غريبه اوى يقولوا وحشه ومشاكلها كتير بس محدش يقولك هيا ايه مشاكل العربيه اكتر من ضيق الشنطه والعزل ملقتش مشاكل جديه تخليك تكره العربيه
اخوك إبراهيم
هيه الفئه الثالثه فيها جى بي اس ولا الهاى لاين بس انا كنت سمعت ان الكاسيت التاتش فيه جى بى اس وهل ممكن يركب فى التوكيل وبكام؟
كل سنة وحضراتكم طيبين كلام حضرتك منطقي جدا والله وكذلك كلام الاستاذ ميدو انتو سالتوا علي عيوبها فالناس بدون علم تقول وحشة طب ايه الوحش اللي فيها يقولك وحشة وخلاص علشان الناس بتقول كده ولو حد بقي حب يزود علي كلمة وحشة هيقولك وحشة وعزلها سئ طب انا اللي اعرفه بقي يا جماعة ان كلمة العزل دية بتشمل حاجتين عزل حرارة وعزل صوت طب بالنسبة لعزل الحرارة ده بيظهر تاثيره علي التكييف لما تشغله انا عن نفسي ملاحظتش ان في فواقد بتحصل طب بالنسبة لعزل الصوت ده بيظهر تاثيره لما تقفل الزجاج كله انا عن نفسي برده لما بقفل الزجاج مش بسمع الاصوات الخارجية باثتثناء حاجتين اولا صوت الموتور لانه مصمم انه موتور رياضي وده صوت ممتع علي فكرة بيحسسك بقوة العربية وده في اول طلعة بس وبعد كده بيبقي عادي يعني من الاخر بيظهر مع الكيك داون وزي ما قلت لحضرتك ده مش عيب ده ميزة لانه موتور رياضي والصوت التاني اللي ممكن يكون بيوصل اثناء غلق الزجاحج هو صوت العجل بس ده بيحصل بس لما بيكون الاسفلت خشن لو ناعم ولا هتحس بحاجة وده لان الكاةتش اللي راكب نوعه دانلوب ودي علي فكرة فردة ممتازة ما شاء الله عليها باستثناء انها ناشفة فبيطلع الصوت مع الاسفلت الخشن لكن لو ركبت الدانلوب علي اي عربية هيظهر الصوت ده برده فانا بقي بترجي اي حد بيقول ان العزل سئ يثبتلي هو اكتشف الموضوع اللي الناس كلها عمالة تردده ده منين بالنسبة بقي لقوة التكييف اللي حضرتك كنت بتسأل عليه التكييف ما شاء الله عليه ممتاز