انا مشيت علي 160 كانت كويسة جدا وكانت لسه بتسحب اكتر من كده بس مزودتش
والتجميع بتاعها حلو اوي وبتسحب بسرعة
عرض للطباعة
انا مشيت علي 160 كانت كويسة جدا وكانت لسه بتسحب اكتر من كده بس مزودتش
والتجميع بتاعها حلو اوي وبتسحب بسرعة
السلام عليكم
أحب أشكر صاحب الفكرة و كافة المشاركين في هذا الموضوع , فكرة جميلة جدا و ناس محترمة و ذوق , ربنا يبارك فيكم و يكرمكم .
كان لي استفسار بخصوص اني مقبل علي الشراء , العربية هتبقي للوالدة و عاوزين نجيب ياباني ونبعد عن الكوري .
في البداية كنا مقبلين علي تويوتا ياريس و لقينا فيه منها 2014 و 2015 , الفرق في الموتور , 2014 1300 سي سي و 2015 1500 سي سي , لكن 2014 فيه منها قئة أعلي بكاماليات أكتر زي بصمة و زرار ستارت و تكيف تاتش و جنوت و فوجات و خلافه و سعرها نزل بما انها بتتصفي . لكن في وسط الفرجة لقيت اللانسر الشارك و لقينها ما شاء الله عالية و واسعة لكني ماليش تجربة مسبقة باللانسر , بما اني معايا كورولا 2004 1300 سي سي و من قبل كده عارف التويوتا كويس . بس أنا مش عارف نظام الوكيل و الصيانة بتاع الميتسوبيشي .
لكن بالنسبة لقيمة المبلغ و ما تحصل عليه في المقابل , تنصحوني باللانسر و لا الياريس , و ما يتعلق بصوت العربية و التكيف و مركز الصيانة و توافر قطع الغيار خصوصا زي ماقولت انها للوالدة .
أفيدوني جزاكم الله خير .
حضراتكم شايفين لانسر شارك هاف سبورت والا شيفي كروز احسن , بالنسبة للوكيل ولشوارع مصر ؟
انا دى اول عربية عاوز اشتريها , ومحتار بين الاتنين دول...
الحمدلله والشكر لله رب العالمين على نعمه التى لا تعد ولا تحصى
أكرمنى الله عز وجل بشارك موديل 2014 الفئة الثالثة وكيل بعد تفكير عميق ومقارنات بينها وبين السيارات الخليجى الى قلبى كان مقبوض منها لسبب مش عارفه مع انى كنت شارى من كام سنه عربية سيراتو خليجى بدون ضمان بس المرة دى مكنتش مطمن معرفش ليه
فأستقريت على الوكيل واخترت الفئة الثالثة لن كان فيها كل الكماليات الى انا عاوزها
العربية لونها فيرانى وفرشها اسود فى بيج وبصراحة البيج مع الاسود مع الابنوس الاسود عامل شغل جامد بس مشكلة البيج النضافة بس بصراحة شكله روعه
بس قلت اركب فرش جلد علشان احافظ على الكراسى وجبت فوم من كارفور وانا راجع بس نوع نضيف انتاج اتحاد اوروبى مخصص لتنضيف الفرش البيج والتابلوة والفبر البيج
العربيه جبتها من سمير ريان ومعاملتهم كويسه جدا ومندوبة المبيعات الى كانت معايا كانت صبورة مع انى غلبتها معايا لغاية ما رسيت على اللون
ان شاء الله اجيب الورق بتاعها بكره او بعده وارخص يوم الخميس بإذن الله
ادعولى كده ربنا يكملها بالستر ويبعد عيون الحاسدين عنى ويحفظ العربية من كل سوء
الف مليون مبروك
اولا تحية طيبة لكل ملاك الشارك
ارجو المساعدة منكم لانى بصراحة بفكر اشترى عربية جديدة بعد لما حدث ليا حادث مؤلم بعربيتى النيسان صنى وتقلبت بيا من حوالى شهرين تقريبا والعربية هلاك كلى بس بصراحة الواحد مش قادر يعيش فى البلد دة بدو ن سيارة علشان كدة فكرت فى لانسر شارك2015 والكروز 2015 بس ليا بعض الاستفسارات من ملاكها المحترمين
1- هل الشارك افضل ام شفرولية كروز ام نيسان سنترا ؟
2- هل يوجد فى الفئة التالتة فرامل abs علشان لما دخلت موقع التوكيل وجدت ان الفئة الرابعة فقط هى اللى فيها فرامل مانعة الانزلاق ودة من مقارنة للاربع فئات ؟
3- بالنسبة للبنزين هل هى فعلا بتشتغل ببنزين 95 فقط ولو استخدم فيه بنزين 92 هل له تاثير مستقبلى على الماتور؟
4- انا سالت امبارح عليها فى معرض الطارق قالى ان الموجود دلوقتى موديل 2014 ولسة شوية على 2015 صراحة كلامه لم يقنعنى لان احنا داخلين على شهر اكتوبر ومن المفترض ان 2015 نزلت فهل الرجل دة كلامه صح ولا ايه؟
والف شكر للجميع
ياباشا ربنا يعينك ويوفقك للاصلح بس بصراحة والله وبدون تحيز الياريس لا تقارن بالشارك لان الشارك شكل ووسع وفخامة وموتور افضل بكتير هتحس بكده لما تدخل وتعد في الشارك بسم الله ما شاء الله عليها الميزة الوحيدة في الياريس بالنسبة ليا هي انها 1300 وده هيوفر بنزين لكن ال1500 مش هتفرق كتير عن 1600
شكرا أستاذ محمد سمير علي الرد و لاهتمام , بس الصراحة أنا متخوف من مركز الصيانة و الوكيل لأني قرأت و سمعت عنهم حاجات مش كويسة ,و الواحد زي ما بيدور علي عربية ككويسة بيدور برضه علي ما بعد البيع , إيه رأي حضرتك في الوكيل و الصيانة بخصوص الشارك بكل موضوعية ؟ و جزاك الله كل خير يا باشا