ممكن تحكلينا أكتر عن الموديلات اللى كانت موجودة؟ بالذات أعلى فئة لو تكرمت مواصفاتها ايه
عرض للطباعة
بص يا باشا بالتوفيق اولا ثانيا لو هاتشتري خليك في الوكيل او في اي حاجة بتنزل بمواصفات خليجي (رواس او هاي تريد او اي حاجة منهم )اهم نقطةخليك في في الخليجي او الوكيل ده لانهم بنفس المواصفات المناسبة لمصر بدليل ان اللي بتيجي للوكيل هي هي اللي بيجبها الرواس وهاي تريد والفرق مابينهم هو الضمان بتاع دايموند وفرق امكانيات لصالح الخليجي وانت وشطارتك بقي في انك تدور علي العربية اللي مناسبة ليك وعلي فكرة ابقي فاصل مع المعرض طالما هتشتري كاش (ايوة زي ما سمعت كده فاصل تنزل 500 ولا 1000 جنيه انت اولي بيهم)
ربنا يجازيك خير يا بسمهندس محمد على ردودك والله لانسر شارك دى عربيه محظوظه بيك بخصوص الضمان انا كنت سالت معرض سمير ريان عن طريق صفحتهم على الفيس عن الرواس وهاى تريد وقالى هو هو نفس ضمان الوكيل ضد عيوب الصناعه وان كنت اظن ان الموضوع مازال محتاج توضيح وخبرة فى التعامل مع هذه ةلتوكيلات لان الامور افى مصر لا توكد الا من خلال خبره التعامل
الموديلات مختلفة متل الرواس بينزل 3 فئات و الوكيل 4 و هاى تريد 4 و الشرق اوسط بدون ضمان حوالي 3 فئات برضو
الفكرة ان كل عربية فيها عدد اوبشنز مش موجود فى التانية ........ على سبيل المتال اللي انا شوفتها وعايز اجبها (ضمان هاى تريد) فيها التالي
- ebd & abs
- 2 اير باج
- جنوط
- كونسول + هاند رست + مخادع امامية وخلفية
- دلايات + باكتات + كفر موتور + كيوت مبطن
- شبكة نيكل + فوانيس شبورة
- 2 اباجورة قراءة
دي سعرها 150,000
عندك مثلا الشرق اوسط بدون ضمان لو نفس الاوبشنز اللي فوق زيادة عليعا
- نواكل خارجية + فامية + كاميرا خلفية + كاسيت تاتش + طارة مالتي + طارة وفتيس جلد
هيكون تمنها 158,500
انا الصراحة مانصحكش بالشرق اوسط لانها مطابقة لموصفات الاردن انما كل الباقى مطابق للسعودية ورأي ان ظروف الجو فى السعودية اقصى من الاردن و الاهم ان ليس لها ضماااااااااان
انا كمان بشكرك جدا يا بشمهندس محمد على رددودك ونصايحك
الفكرة زى ما د. أحمد بيقول افرض فى اى مشكلة عيوب صناعة ظهرت فى العربية (ودة وارد جدا) هل في الحالة دى هاي تريد او الرواس ملزمين انهم يصلحوهالك او يبدلولك الحاجة المعيوبة ؟؟ وكمان لو وقعت فى اى مشكلة معاهم هل جهاز حماية المستهلك هيعترف بضمانهم ليك ولا يقولك دول مش الوكيل المعتمد عشان تطالب بحققك منهم؟؟
انا فعلا محتار جدا خاصة ان فرق السعر والاوبشنز افضل بكتير عن الفئات اللي من خلال الوكيل دايموند
ياريت تساعدونى اوصل لقرار
الله يبارك في حضرتك وفي الجميع والله انا عارف الواحد في وقت الشراء بيبقي محتاج لاي نصيحة لاني كنت في الموقف ده علشان كده بحاول انصح اي حد علشان يدفع فلوسه في حاجة هو مقتنع بيها ويكون مستريح وواخد القرار وهو مطمن بالنسبة لموضوع الضمان ملخص الكلام كله هو ان التوكيلات المعتمدة ميتسوبيشي او غيرها (تيوتا كيا هيونداي الخ) بيطلعو عين اي حد صاحب شكوي ما بالك بقي بالخيجي اللي هو مش وكيل معتمد يعني لو حضرتك حبيت تبعت ايميل لميتسوبيشي اليابان وتشكيلهم من الرواس في مصر مثلا هيقوقولك مالناش دعوة ولا نعرفه خلاصة الكلام برده العربية دي من اكتر العربيات المحظوظة لان ماشاء الله مشاكلها نادرة (مشاكل عيوب الصناعة) لذلك انا لو منك مش ههتم بموضوع وكيل ولا خليجي لان والله كله محصل بعضه ونادرا لو لاقيت مشكلة صناعة وبالمقابل هتاخد اوبشن ازيد في الخليجي (رغم ان انا عربيتي وكيل) لكن لو زي مابتوع سمير ريان ردو عليك فده كده اطمئنان اكتر لو كان ليها ضمان
انا الحمد لله ربنا وفقني بعد الاستخاره و جبت شارك 2015 اول فئة و كيل ب 134 الف من دياموند ابو رواش الفئة السعرية دي كانت ممكن تجيب صني او ريو او ار بي لاني مفكرتش ف الاوروبي ، العربية ما شاء الله زي الفل موضوع العزل و الشنطة لحد دلوقت مش حاسس انهم عيب مؤثر خالص العربية ماشية معايا 600 كم ارتفاع العربية ممتاز استهلاك البنزين فولت بعد 600 كم كان لسه فيها شوية بس المؤشر كان ابتدي يطلب ريفل ، الار بي ام موصلش معايا ل 3 غير مرة او مرتين السرعة وصلت ل 120 مرة واحدة تقريبا الثبات ف الملفات ممتاز المميزات اللي مكتوبة من الناس المشتركة بعد توفيق ربنا هي اللب خلتني اخد القرار ربنا يكرمكو ، بالنسبة لل aux ممكن يتوصل ب ام بي ثري و صوته ما شاء الله تحفه