الموضوع: ده أحنا كنا راكبين كنب يا جدعان

بسم الله الرحمن الرحيم
[marq="3;right;1;scroll"]مبرووووووك [/marq]
وبالتوفيق يارب

المشاركة الأصلية كتبت بواسطة wel781

انا كنت حاجز بيجو 301 هاى لاين موكا من يوم 12 أكتوبر

المهم كلمونى وقالى فى رمادى جاهزة قلتله ديه بتعتى خلاص.

الصراحة فى الاول كنت مضايق من اللون بس بعد كده الصراحة كل الالوان عليها جميلة

الحمدلله انا روحت وأستلمت العربية إمبارح, وفعلا ماندمتش على اللون ردماى.

أنا يدويك سقت العربية من المعرض فى المهندسين لبيتى فى حدائق اكتوبر.

أيه ده انا كنت راكب كنبة يا جدعان (أقصد البيكانتو)

العربية ماشاء الله ناعمة جدا ، السحب جميل بس انا ماشدتش الصراحة بس كنت حاسس تحت رجلى إن العربية مستعدة تجرى فى أى لحظة.

أنهاردة بقى اجازة نزلت قعدت فيها وفضلت أجرب كل حاجه فى العربية.

ماشاء الله الصراحة كل حاجه فيها جميلة و فخمة.

انا بس مش عارف ليه كل ما اجى اعمل مكالمة من بلوتوث العربية الخط يتقفل ومايكملش ثانيتين
سواء إرسال او استقبال.

الصراحة من الاخر العربية ديه مش فاضلها إلا فتحة سقف.

بس بغض النظر بقى عن كل الهرى اللى فوق ده انا اول ما بشوف المفتاح وعلامة الاسد عليه بنشكح أوى
و أدرك أنى بقيت من مالكى و محبى بيجو.

بجد ربنا يبارك لكل اللى جبها ويكفه شرها. واللى ما استلمش يستلم قريب

ياااااااااااااااااااه الف مليون مبروك يا استاذ ويل
انا استلمت عربيتى يوم الجمعه اللى فاتت بس والله كأنى استلمتها من اول وجديد لما شوفت موضوعك
انا منزل الرقية الشرعية على الموبايل ومن ساعة ماستلمتها مقفلتهاش فى العربية
وبالمناسبة انا عندى نفس مشكلة الموبايل ده هو نوعه سونى اكسبيريا زد بس جربت موبايل اخويا اى فون 5 اس اشتغل عادى جدا واتكلم منه وموصلتش لحل لحد دلوقتى
انا اسف طولت على حضرتك وعلى السادة الاعضاء بس الفرحة للناس بتاخد الواحد وفى النهاية ربنا يباركلك ويرزقك خيرها ويكفيك شرها

بيكانتو اية يا راجل دى علبه كبريت

مبروك انضمامك للوحش الاسود

ربنا يكفيك شرها ويسترها معاك من العين

انت شفت الاسد وفرحت كلها كام يوم بالظبط وتحس انك الاسد اللى واقف ده

بتاكل الناس اللى ماشية انا اسد يا ولاد ال........ مبروك يا كبير

الف الف مبروك
المفتاح فعلا تحفة زى كل حاجة ف العربية
لون الموكا مش حلو ف الشارع زى شكله ف الاعلانات
ربنا يبارك لك فيها و يحفظهالك

المشاركة الأصلية كتبت بواسطة د عمرو العمرجى

الف الف مبروك
المفتاح فعلا تحفة زى كل حاجة ف العربية
لون الموكا مش حلو ف الشارع زى شكله ف الاعلانات
ربنا يبارك لك فيها و يحفظهالك

والله يا دكتور عمرو انا كنت زيك كده بالظبط كان عاجبنى لون الموكا لما شوفت صورتها وعجبتنى اوى ولما شوفتها على الحقيقة معجبتنيش اوى بس لما شوفتها عن قرب وركزت فيها لقيتها جميلة جدا لحد ماستلمتها الحمد لله وكله اختلاف اذواق
وعلى رأى المثل لولا اختلاف الأذواق لبارة المزز

المشاركة الأصلية كتبت بواسطة m.emam

وعلى رأى المثل لولا اختلاف الأذواق لبارة المزز

او بارة الدركسيون مش هتفرق :d

والله انت زي العسل :d انا قاعد بضحك من ساعتها :d