الموضوع: ده أحنا كنا راكبين كنب يا جدعان

المشاركة الأصلية كتبت بواسطة wel781

انا كنت حاجز بيجو 301 هاى لاين موكا من يوم 12 أكتوبر

المهم كلمونى وقالى فى رمادى جاهزة قلتله ديه بتعتى خلاص.

الصراحة فى الاول كنت مضايق من اللون بس بعد كده الصراحة كل الالوان عليها جميلة

الحمدلله انا روحت وأستلمت العربية إمبارح, وفعلا ماندمتش على اللون ردماى.

أنا يدويك سقت العربية من المعرض فى المهندسين لبيتى فى حدائق اكتوبر.

أيه ده انا كنت راكب كنبة يا جدعان (أقصد البيكانتو)

العربية ماشاء الله ناعمة جدا ، السحب جميل بس انا ماشدتش الصراحة بس كنت حاسس تحت رجلى إن العربية مستعدة تجرى فى أى لحظة.

أنهاردة بقى اجازة نزلت قعدت فيها وفضلت أجرب كل حاجه فى العربية.

ماشاء الله الصراحة كل حاجه فيها جميلة و فخمة.

انا بس مش عارف ليه كل ما اجى اعمل مكالمة من بلوتوث العربية الخط يتقفل ومايكملش ثانيتين
سواء إرسال او استقبال.

الصراحة من الاخر العربية ديه مش فاضلها إلا فتحة سقف.

بس بغض النظر بقى عن كل الهرى اللى فوق ده انا اول ما بشوف المفتاح وعلامة الاسد عليه بنشكح أوى
و أدرك أنى بقيت من مالكى و محبى بيجو.

بجد ربنا يبارك لكل اللى جبها ويكفه شرها. واللى ما استلمش يستلم قريب

مبروك يا wel استلام العربية
ربنا يديك خيرها و يكفيك شرها و يحفظهالك من العين اللي طايحة في ال٣٠١ دي
هي فعلا كل الالوان جميلة عليها. انا شفت كل الالوان علي الطبيعة لان العربية انتشرت و بقيت بشوفها كتير طول ما انا ماشي و كل الالوان عجبتني ماعدا الموكا الصراحة عشان انا مبحبش اللون دة من الاول :)
متنساش بقي تظبط الضغط بتاع الكاوتش و خد بالك و انت بترخص بص مع الراجل اللي بياخد البصمة ؛)

المشاركة الأصلية كتبت بواسطة medori

مبروك يا wel استلام العربية
ربنا يديك خيرها و يكفيك شرها و يحفظهالك من العين اللي طايحة في ال٣٠١ دي
هي فعلا كل الالوان جميلة عليها. انا شفت كل الالوان علي الطبيعة لان العربية انتشرت و بقيت بشوفها كتير طول ما انا ماشي و كل الالوان عجبتني ماعدا الموكا الصراحة عشان انا مبحبش اللون دة من الاول :)
متنساش بقي تظبط الضغط بتاع الكاوتش و خد بالك و انت بترخص بص مع الراجل اللي بياخد البصمة ؛)

تسلم يا medori
اه والله ربنا يستر لحسن ده هيا تاخد لقب العربية المحسودة لسنة 2013 ، 2014 بجدارة

فعلا انا نسيت موضوع ضغط العجل ده بس الصراحة وانا راجع من المعرض ماحسيتش باى مشكلة.

على فكرة انا حكيت للمندوب وانا بستلم العربية على موضوع الراجل اللى بياخد البصمة ده.

المشاركة الأصلية كتبت بواسطة akram.gamal

مبرووووووووووووووووك مبروك مبروك هانى رمزى استايل

بجد فرحتلك و الله
ان شاء الله تتربى فى عزك قصدى تكون فاتحة خير عليك و ربنا يباركلك فيها
و يبعد عنك الحسد و شر العين و مش هوصيك قراءة الرقيه الشرعيه http://www.nilemotors.net/nile/384898-a.html


,و على فكره ال انت عملته ده صح الصح
و الرمادى عليها تحفه و خصوصا فى الهايلاين
و عقبال ماترخص و تشد تجيب الامبير

هههههههه

الله يخليك وانا كمان فرحتلى :d
انا طبعت موضوع الرقيه الشرعيه بتاعك على فكرة وهو معايا ;)

إن شاء الله

ماتعرفش أيه موضوع التليفون ده ؟

المشاركة الأصلية كتبت بواسطة nonalaziza

ألف مبرووووك الاستلام ربنا يديك خيرها و يكفيك شرها.
هو حضرتك كنت حاجز كذا لون ولا هما كلموا حضرتك علشان يخيروك؟؟؟

الله يبارك فيكى

كنت حاجز موكا إختيار أول و شامبين إختيار تانى

بس هما قالولى فى رمادى :d

ان شاء الله الظروف تتحسن عندك وتستلمى قريب