لمبه فرامل اليد

**الهواء** · 07-01-2014 11:33 PM

سؤال مهم الطنابير الخلفيه لما تتشطف فى المخرطه التيل لازم يتملى بس ولا عادى الواحد يركب تيل خلفى جديد عادى احسن الراجل صمم انه يملى التيل القديم بحجه ان التيل المملى احسن فى السمك للطنابير عشان الطنابير اشطفت فى المخرطه الكلام ده صح وبعدين بعد ماملا التيل الخلفى الفرامل بقىت لماادوس فرامل جامد تزحف العربيه بسيط واللمبه بتاعه فرامل اليد اللى بتظهر فى التبلوه لما بترفع فرامل اليد اقطعت بعد كده ، فى واحد كهربائى قالى ده بسبب ان التيل اللى ورا اتملى ايه رأيكم..

**Hesham.H** · 08-01-2014 12:21 AM

اولا لمبه فرامل اليد مالهاش علاقه بالتيل ... ليها علاقه باليد فقط
ثانيا حوار انك تملى التيل ده على ما اسمع انه مش عملى بس ما جربتوش بصراحه .. وموضوع انك تدخل الطنابير المخرطه ده عادى بس مش معنى ان الطنابير خفيفه انك تكبر التيل ... المفروض كان زود الرجلاش شويه من الترس مش اللى عمله ده خالص
تحياتى

**eng.salama93** · 08-01-2014 01:10 AM

هو ملو التيل دا فعلا موضوع عملي و شغال بيه بقالي 10 سنين
بس كان الأفضل انه يظبط الرجلاش من العجله

**الهواء** · 08-01-2014 09:49 PM

المشاركة الأصلية كتبت بواسطة hesham.h

اولا لمبه فرامل اليد مالهاش علاقه بالتيل ... ليها علاقه باليد فقط
ثانيا حوار انك تملى التيل ده على ما اسمع انه مش عملى بس ما جربتوش بصراحه .. وموضوع انك تدخل الطنابير المخرطه ده عادى بس مش معنى ان الطنابير خفيفه انك تكبر التيل ... المفروض كان زود الرجلاش شويه من الترس مش اللى عمله ده خالص
تحياتى

واحد كهربائى هو اللى قالى ان التيل الجديد بيبقى فيه حاجه بتلمس مع فرامل اليد تقريبا فى البرشام بتاع التيل ولما التيل بيتملى بيروح الموضوع ده مش عارف ده صح ولا غلط لان اللمبه بتاعه فرامل اليد فصلت بعد ماالتيل اتملى ، الرجلاش من الترس بتاع الفرامل الراجل بتاع الفرامل قالى امشى شويه وتعالى بعد كده ارجلشلك على الفرامل، بس لي سؤال الراجل بتاع الفرامل بعد مابعت الطنابير الخلفيه للمخرطه قالى الافضل تملى التيل وماتجبش جديد عشان السمك بتاع التيل مع العلم ان بتاع الفرامل طبعا هواللى هايملى التيل من عنده وانت فاهم بقى،، الكلام ده صح
لو فى حد فى الحرفيين بتاع فرامل كويس قوللنا عليه ولكم الاجر والثواب

**eng.salama93** · 08-01-2014 10:35 PM

بص يا باشا انا بقالي حوالي 10 سنين بملي التيل الخلفي ف 3 عربيات و عمرهم ما لمبة فرامل اليد بطلت تقيد

**kokowasfy** · 08-01-2014 11:06 PM

لمبة الفرامل ملهاش علاقة ابدا بل تيل دى كهربا

**MOHAMEDEBAID75** · 09-01-2014 03:58 PM

لمبة اليد ليس لها علاقة بالتيل لان لمبة اليد لها مفتاح تحت اليد زى مفتاح كهرباء الصالون بتاع الباب زيه بالضبط وليست على حساسات على التيل

**Hesham.H** · 09-01-2014 04:24 PM

المشاركة الأصلية كتبت بواسطة mohamedebaid75

لمبة اليد ليس لها علاقة بالتيل لان لمبة اليد لها مفتاح تحت اليد زى مفتاح كهرباء الصالون بتاع الباب زيه بالضبط وليست على حساسات على التيل

الله ينور عليك .. ممكن الميكانيكى يقصد حساسات التيل اللى فى البى ٢ .. بس هى فى الأمامى فقط ولما التيل بيخلص بتنور لمبه فى شاشه البيانات بعيد خالص عن لمبه الفرامل وشكلها مختلف ... بس حتى الحساس ده مش بيكون موجود فى العجل الخلفى

ممكن لمبه فرامل اليد تنور فى حاله نقص زيت الفرامل وساعتها بتنور وتطفى بشكل متقطع