مش لاقية ال compound بتاع الخدوش فى اى حتة !!!!!

**MoToRiZeR** · 23-09-2008 05:35 PM

فيه معلومات هنا أكتر

http://www.properautocare.com/whatdif.html

**ENG\AHMED** · 23-09-2008 06:33 PM

Noha-M
هو خدش فى البوية نفسها ولا لون عربية تانية على عربيتك؟؟؟

البولش اللى بتقولى علية شوفتية فى البنزينة بيبقى بولش و واكس وبيبقى معاة قلم صغير "زى قلم الروج" علشان التجريحات لأن التجريحات العميقة ميدو مبيعملش معاها حاجة :) انا شوفتة قبل كدة ودورت علية فى كذا مكان بس مش لاقى منة الكحلى , مش فاكر اذا شوفت منة اسود ولا لأ

**Noha.M** · 23-09-2008 06:39 PM

المشاركة الأصلية كتبت بواسطة NoNaMe

Noha-M
هو خدش فى البوية نفسها ولا لون عربية تانية على عربيتك؟؟؟

البولش اللى بتقولى علية شوفتية فى البنزينة بيبقى بولش و واكس وبيبقى معاة قلم صغير "زى قلم الروج" علشان التجريحات لأن التجريحات العميقة ميدو مبيعملش معاها حاجة :) انا شوفتة قبل كدة ودورت علية فى كذا مكان بس مش لاقى منة الكحلى , مش فاكر اذا شوفت منة اسود ولا لأ

العربية عندي للاسف اتملت خدوش على كل لون و كل شكل للاسف و في منها اللى البوية بتاعة العربية التانية علم عليها و في متهيالى بوية اتشالت و اخيرا جرح بطول العربية من اول الفانوس الامامى لحد الخلفي , فعشان كدة عاوزة اى حاجة و انا اعد الغوص فى الخدوش دى واللى يطلع يطلع بأة

**ENG\AHMED** · 23-09-2008 07:05 PM

بصى هو فى كذا حل
-بالنسبة للمناطق اللى فيها لون من عربية تانية ليها حل تانى غير الكمباوند علشان مش لاقياة (ومحدش يضحك :)) الموضوع دة عرفتة بالصدفة البحتة بعد ما واحد ابن ناس طيبين وقع على العربية بواقى مانجو وفضلت لحد مانشفت (طبعا بقى لا ميدو ينفع ولا عيلة ميدو حتى ) .. بللى طرف فوطة مية وضعى عليها تراب ناعم "اللى بيبقى جنب الرصيف :) بس تراب ميبقاش فية حبيبات رمل" مش تردميها تراب لأ حاجة بسيطة وامسحى بالراحة من غير ضغط هتلاقى البوية طلعت (عاملة زى الصنفرة الناعمة بتاعة الدوكو) ... ملحوظة: متجربة فى الوان فاتحة والنتيجة تمام الالوان الغامقة مجربتش علشان محدش يقول انا السبب :)

- بما انك بتقولى العربية اتملت خرابيش وخدوش وخدش بطول العربية وخصوصا انك يستحسن تعملى بولش بعد الكمباوند (مش معقولة هتقفى تعملى العربية كلها وخصوصا الموضوع مرهق وممل ) اى حد بتاع دوكو يعملهالك وهيجيبلك البولش والكمباود من عندة .. تلميع العربية كلها بالمكنة (فرشاة كهربة ) 150 جنية واحسن من القطنة.. لو بالقطنة ارخص بس مش عارف كام بالظبط

-يااما تنفضى وتسيبيها زى ماهيا وخصوصا احنا فى مصر بلد العجائب

**theking2690** · 24-09-2008 02:50 AM

ماشى يا باشا انا موافق بس عاوزك تبقى معايا بس و انا بعمله لأن شكله موال على ما بتعمل بس كل الريفيوهات بتشكر فيه

**Ahmed Samy** · 24-09-2008 03:27 AM

انا الفيزا بتتجدد و المفروض استلم الجديده اول نوفمبر

اول ما تيجي نطلب سوا

**Noha.M** · 24-09-2008 03:29 AM

طيب ما تشوفونى معاكو

**Ahmed Samy** · 24-09-2008 03:48 AM

مش عـــــــــــارف !!!

ايه رأيك يا مصطفى ؟؟ نلعبها معانا و لا نلعب لوحدينــــــــــــــــا

هههههه

حضرتك تأمري ان شاء الله نطلب تلاته

**Noha.M** · 24-09-2008 03:51 AM

المشاركة الأصلية كتبت بواسطة Ahmed Samy

مش عـــــــــــارف !!!

ايه رأيك يا مصطفى ؟؟ نلعبها معانا و لا نلعب لوحدينــــــــــــــــا

هههههه

حضرتك تأمري ان شاء الله نطلب تلاته

ههههههههههه

شكرا يا سامي عشان هتلاعبونى معاكوووو

بجد الف شكر :)

**theking2690** · 24-09-2008 05:10 AM

لا مش مشكله لعبها معانا يا باشا اعمل خير و ارميه البحر و اهى اونا سابقا مننا و علينا برضه بس مقولتليش هبعتلك الفلوس ازاى وبالنسبه لموضوع المثلث انا اسف يا باشا انى متأخر فيه لحد دلوقتى بس والله الدنيا عندى متلخبطه انت عارف اول اسبوع فى الجامعه و كده بس وعد فى اقرب فرصه هفضى هنزل اسألكوا عليه و اجيبلكوا الخبر المتين انت ان مشكلتهم انهم ما بيبقوش فاتحين بعد الفطار فعلشان كده عاوزين يوم من الصبح هحاول ارحلهم على الخميس او الجمعه كده و اسف على التآخير ده مره تانيه

الموضوع: مش لاقية ال compound بتاع الخدوش فى اى حتة !!!!!

LinkBack

أدوات الموضوع

عرض

العرض المتطور

- انشر الموضوع فى :

-

-

-

-

-

-

-

المواضيع المتشابهه

قلم الخدوش و معجون quixx لازالة الخدوش

compound سكنى باسعار رخيصة

فكره : أخفاء الخدوش بستخدام المنيكير بتاع المدام

كيفية إستخدام ال compound

كمبيوتر الفكتيرا مش لاقية

الكلمات الدلالية لهذا الموضوع

المفضلات

المفضلات

ضوابط المشاركة