عربيتى هوندا سيفيك93 العربيه عندى بتشرب زيت الباور يعنى في الأسبوع بتاخد علبه
فكنت عايز اعرف هل هى هتحتاج طقم اصلاح ولا تغيير علبه الدركسيون والأسعار ايه وتتعمل
عند مين مع العلم ان العربيه عندى مفيش اى بوش في الدركسيون
ولكم منى جزيل الشكر
عرض للطباعة
عربيتى هوندا سيفيك93 العربيه عندى بتشرب زيت الباور يعنى في الأسبوع بتاخد علبه
فكنت عايز اعرف هل هى هتحتاج طقم اصلاح ولا تغيير علبه الدركسيون والأسعار ايه وتتعمل
عند مين مع العلم ان العربيه عندى مفيش اى بوش في الدركسيون
ولكم منى جزيل الشكر
جديده الي موجود تايواني والسعر تقريبا من 1500 ل 2000 والله اعلم
استيراد بتعمل من 700 ل 1000
والي سمعته من الناس طقم الاصلاح مش عملي وبترجع تبوظ ثاني
معلش ياباشا تسريب زيت الباور ممكن مايكونش اصلا من علبة الدركسيون , وغالبا مش منها
فلازم الاول تكشف على
1- خرطوم الباور
2- خزنة الباور
3- طلمبة الباور نفسها
لو لقيت كل دول تمام يبقى تكشف على العلبة وتشوف التسريب منين
لكن تحدد ان العيب من علبة الدركسيون كدة بدون كشف , ماينفعش
وان شاء الله هتتطلع حاجة بسيطة
انا كنت اكتشفت ان الزيت بينقص لما بلف الدركسيون جامد
وممكن تقولى اروح اكشف عند مين وانا متشكر لأهتمامكم
لو تقدر تنزل الحرفيين هيكون افضل
( جاسم - عصام )
بعد اذن سامح باشا طبعا انا كان عندى مشكله زيها ممكن تكون السبب برده فى خرطوم تحت عند العلبه موازى للعلبه بالعرض رفيع زى خرطوم المساحات راكب من عند كاوتشه التراب البارات الداخليه (كاوتشه المازيكا) اليمن للشمال ممكن يكون مقطوع كان بيخلص علبه الزيت عندى ممكن تشوفه كده :new:
انا متشكر جدا لأهتمامكم
ان شاء الله هاروح لجاسم انا اعرفوا بس افتكرت انوا شغل ميكانيكا بس
وهاقولكم على اللى تم ان شاء الله
بعد اذنك يا باشا عشان أنا عندي نفس مشكلتك بالضبط وهي ان علبة الدركسيون بتجيب زيت جامد ولما بلف التارة بسمع صوت تزييق وأنا كشفت وعرفت انها من علبة الدركسيون ... كنت عايز أعرف جاسم خد منك كام مصنعية في فك العلبة وتركب ليها طقم اصلاح وأيل سيل ليها وهل المشكلة هتتحل ولا شوية وهتبوظ تاني... أشتري واحدة جديدة وخلاص.
وكمان يا سامح باشا كان عندي الفتيس بيجيب زيت ولما كشفت عصام قال لي لازم نحل الفتيس وجاسم قال لي ده أيل سيل عايز يتغير
فـكنت عايز أعرف هاتكلفني اد إيه الموضوعين دول من قطع غيار ومصنعية.
اتاكد الاول ان العيب مش من الخراطيم ال الطلمبة، لو علبه الدركسيون مافيهاش بوش يبقى خساره تغيرها في طقم اصلاح ليها بيتباع ممكن تشتري ويركب عند العفشجي بتاعك اودامك، انا كنت عملت كده في عربيتي ومحصلتش المشكله ده تاني
ألف شكر يا باشا على ردك.. أنا متأكد ان مشكلة تسريب الزيت من أيل سيل علبة الدركسيون بس هي مابتخبطش ولا فيها بوش فـلو ركبت طقم اصلاح هيظبط الدنيا ولا اغيرها كلها أحسن وتكلف مصنعية اد إيه هي و تغير أيل سيل الفتيس