ساعدونى يا هونداويه فى علبه الدركسيون

**abo_yossef** · 08-01-2014 12:25 PM

عربيتى هوندا سيفيك93 العربيه عندى بتشرب زيت الباور يعنى في الأسبوع بتاخد علبه
فكنت عايز اعرف هل هى هتحتاج طقم اصلاح ولا تغيير علبه الدركسيون والأسعار ايه وتتعمل
عند مين مع العلم ان العربيه عندى مفيش اى بوش في الدركسيون
ولكم منى جزيل الشكر

**AHMED_HAMDY** · 08-01-2014 12:28 PM

جديده الي موجود تايواني والسعر تقريبا من 1500 ل 2000 والله اعلم

استيراد بتعمل من 700 ل 1000

والي سمعته من الناس طقم الاصلاح مش عملي وبترجع تبوظ ثاني

**SAMEH_FOUAD** · 08-01-2014 12:39 PM

معلش ياباشا تسريب زيت الباور ممكن مايكونش اصلا من علبة الدركسيون , وغالبا مش منها

فلازم الاول تكشف على

1- خرطوم الباور

2- خزنة الباور

3- طلمبة الباور نفسها

لو لقيت كل دول تمام يبقى تكشف على العلبة وتشوف التسريب منين

لكن تحدد ان العيب من علبة الدركسيون كدة بدون كشف , ماينفعش

وان شاء الله هتتطلع حاجة بسيطة

**SAMEH_FOUAD** · 08-01-2014 01:06 PM

لو تقدر تنزل الحرفيين هيكون افضل

( جاسم - عصام )

**MultiThreading** · 29-06-2014 02:59 PM

بعد اذنك يا باشا عشان أنا عندي نفس مشكلتك بالضبط وهي ان علبة الدركسيون بتجيب زيت جامد ولما بلف التارة بسمع صوت تزييق وأنا كشفت وعرفت انها من علبة الدركسيون ... كنت عايز أعرف جاسم خد منك كام مصنعية في فك العلبة وتركب ليها طقم اصلاح وأيل سيل ليها وهل المشكلة هتتحل ولا شوية وهتبوظ تاني... أشتري واحدة جديدة وخلاص.
وكمان يا سامح باشا كان عندي الفتيس بيجيب زيت ولما كشفت عصام قال لي لازم نحل الفتيس وجاسم قال لي ده أيل سيل عايز يتغير

فـكنت عايز أعرف هاتكلفني اد إيه الموضوعين دول من قطع غيار ومصنعية.

**ahmadalsabban** · 29-06-2014 07:15 PM

اتاكد الاول ان العيب مش من الخراطيم ال الطلمبة، لو علبه الدركسيون مافيهاش بوش يبقى خساره تغيرها في طقم اصلاح ليها بيتباع ممكن تشتري ويركب عند العفشجي بتاعك اودامك، انا كنت عملت كده في عربيتي ومحصلتش المشكله ده تاني

**MultiThreading** · 30-06-2014 02:43 PM

ألف شكر يا باشا على ردك.. أنا متأكد ان مشكلة تسريب الزيت من أيل سيل علبة الدركسيون بس هي مابتخبطش ولا فيها بوش فـلو ركبت طقم اصلاح هيظبط الدنيا ولا اغيرها كلها أحسن وتكلف مصنعية اد إيه هي و تغير أيل سيل الفتيس