الموضوع: موعد اول صيانه للفلوانس فيس ليفت

صيانة الاف ياباشا تكون خلصت تليين ولو ليك اي ملاحظات قولهالهم وبتهيالي بتبقي مجانا وربنا يباركلك فيها ويكفيك شرها

مبروك أولا وربنا يرزقك خيرها ويكفيك شرها بإذن الله
مفيش صيانة ألف لأن العربية كدة كدة بتيجى متلينة ... أول صيانة بتبقى 5000 كيلو ودى تشيك على الزيت واملية والحالة العامة ولو ليك اى شكوى تقولها لهم ودى مجانية وبتاخد اقل من ساعة
أول صيانة كبيرة هى صيانة ال 10 آلاف كيلو

صيانة ال 10000 هي الاساسية .. لكن صيانة ال 5000 بتبقي تربيط عفشة ولو حضرتك ليك اي ملاحظات علي حاجة في العربية

شكرا للاعضاء الافاضل على الرد السريع ... انا كان معايا كورولا 2014 وبعتها وهى عامله 4000 كيلو واشتريت الفلوانس بجد فرق رهيب بما تحمله الكلمه من معنى وميزة الكورولا الوحيده هو التصميم الخارجى من الامام غير كده الفلوانس سياره رائعه .

المشاركة الأصلية كتبت بواسطة eng.mohamed

شكرا للاعضاء الافاضل على الرد السريع ... انا كان معايا كورولا 2014 وبعتها وهى عامله 4000 كيلو واشتريت الفلوانس بجد فرق رهيب بما تحمله الكلمه من معنى وميزة الكورولا الوحيده هو التصميم الخارجى من الامام غير كده الفلوانس سياره رائعه .

الف مبروك وربنا يباركلك فى العربيه ويكفيك شرها
بس كنت عايز اسال حضرتك ليه بعت الكورولا ال 2014 وهى لسه عامل 4000 كيلوا
ياريت تقولنا الاسباب اللى خلت حضرتك تبيعها وكمان الاسباب اللى خلتك تشترى الفلوانس
وايه الفروق بين العربيتين وخصوصا حضرتك جربت العربيتين

شكرا جزيلا لحضراتكم ... التويوتا سياره فقيره جدا داخليا بالنسبه لاول فئه مثلا مفهاش غير كاسيت والسياره واااااطيه جدا جدا مع اقل حموله احيانا اعطال تافهه بالكهرباء لكن ممكن بالاستعمال تزيد وبالتالى انا فكرت ان السياره الكورولا كبيرها سنتين خصوصا مع شوارعنا المصريه ودواسة البنزين حساسه جداا باللمس وده اعتقد غير مناسب لطرقنا المزدحمه غير ذلك السياره شكلا ممتازه وده اكتر شى كان شاددنى ليها ...

اما الفلوانس فهى سياره اوربيه رائعه من ساعة ما جبت السياره محكتش معى فى اى مطب مع اى حموله وده بيريح السائق ... شكلها الجديد الفيس ليفت روعه وداخليل تحفه مع اوبشنز رائعه تحس انك راكب سياره محترمه ..... الواحد فينا لما يعوز يشترى عربيه اهم شى :-

1- تكون مرتفعه بما لا يؤثر على الاتزان ( فلوانس )
2- اسعار قطع غيار ( فلوانس )
3- خامات وتقفيل ( فلوانس )
4- اوبشنز ( فلوانس )
5- شكل خارجى ( كورولا )
6- انتريور ( فلوانس )
7 - ماتور وفتيس ( كورولا وفلوانس )
8 - عفشه ( فلوانس )

بجد السياره الفلوانس سياره ذكيه جدا ومحترررررررررمه وكل جنيه يدفع فيها مش خساره وانا حتى حاولت ابيعها اليومين دول علشان اجيب الهاى لاين لون سكرى .

مع تحياتى

يافندم ربنا يباركلك في العربيه
بس فئة ال e3 هي افضل فئه في الفلوانس سعر وكماليات
ليه تدفع من 168 الف الي 188 الف يعني 20 الف في
سينسور خلفي
فرش جلد كامل بدل نصف فرش جلد
فتحة سقف
زينون وبخاخات فوانيس بدل فوانيس هالوجين عدسات
6 ايرباج بدل 2 ايرباج
وكمان في اعادة البيع السعر هيكون متقارب
بس انت عملت الصح في تغيير الكورولا لفلوانس
انا شايف افضل 3 عربيات هذا العام
فلوانس وix35 واوبل انسجنيا