كرولا للبيع موديل 1995 لظروف السفر

**mooooh_egy** · 08-01-2014 03:40 PM

السلام عليكم
للبيع كرولا 1995 هيدروماتيك رخصة حتى 10 2014
زيتى 4 زجاج كهرباء
شركة جوة رشة بره
هيدروماتيك
عفشة وعمرة جديدة
تليفون 01008182289
السعر 47000 نهائى وبدون تفاوض
محافظة قنا

**Gelgel2004** · 08-01-2014 04:33 PM

طب يا سيدى علشان بدون تفاوض دى
ممكن الصور و ماشية اد ايه و المعاينه فين و الموتور ال1300 و الا 1500
ممكن تملا استماره البيع
الف شكر

**hilock** · 14-01-2014 06:44 PM

tooooo much

**starlanos** · 14-01-2014 06:50 PM

المشاركة الأصلية كتبت بواسطة ah-elgendy

موديل 95 وب 47 الف جنيه وبدون تفاوض صلاه البنى ااااااااااااااحسن
واضح ان موضوع اسعار النت ده بقى فيرس ده انا ع كده هاعيد النظر فى سعر عربيتى لو ديه اتباعت بالسعر ده

عيد النظر ياعيد
بالتوفيق للجميع

**khaled_rafea** · 14-01-2014 06:57 PM

لو 1600 يبقى سعر قليل يا شباب, لا تبخسوا الناس اشيائهم, و لو 1300 برده ده سعرها العادى, ابن عمى بايعها بحاجة و خمسين من سنه ايام الرخص, و يشهد الله انى معرفش صاحب العربية نهائى

**ah-elgendy** · 15-01-2014 09:59 AM

المشاركة الأصلية كتبت بواسطة khaled_rafea

لو 1600 يبقى سعر قليل يا شباب, لا تبخسوا الناس اشيائهم, و لو 1300 برده ده سعرها العادى, ابن عمى بايعها بحاجة و خمسين من سنه ايام الرخص, و يشهد الله انى معرفش صاحب العربية نهائى

ابن عمك ده معلم لبس الراجل خازوق محترم

**khaled_rafea** · 15-01-2014 11:14 AM

المشاركة الأصلية كتبت بواسطة ah-elgendy

ابن عمك ده معلم لبس الراجل خازوق محترم

والله يا باشا العربيات حالة, و انا و الله العظيم بقالى اكتر من شهر بدور على عربية سليمة نضيفة لغايه 90 و مش لاقى حاجة عدلة, مفيش حد بيبيع عربية الا فيها حاجة, و اللى انا فاكره ان اللى اخد العربية كان تاجر و عارف حيبيعها ازاى و بكام, و ابن عمى كان شاريها اغلى من ما باعها

**aboomar22** · 15-01-2014 01:13 PM

العربية دى كده سعرها كويس لو حالتها فعلا كويسة مش عالى ولا حاجة الكرولا الملكة مطلوبة جدا والحالة النظيفة بتعمل اكتر من كده ودايما سعرها ماشى مع سعر الكريستالة

**Mohamed.Mohsen** · 15-01-2014 03:40 PM

السعر رخيص جدا جدا سعر موديل الملكة موديلات من 93-97 وبشرط تكون بحالة سليمة بدون حوادث اي شاسية سليم تماما وقوايم طبعا دواخل فابريقة كلها بدون اي استعدالات رشه خارجي 1300 مانيوال /اتوماتيك بتعمل من 48-52 وال1600 اوتوماتيك من 58-65 .. وممكن اعلي من كده للفابريقة بالكامل ..وأول يد .
هي سوقها كده ..والموضوع والاسعار للحالات المحترمة المبهدل منها يقل عن الاسعار دي ويلعب في رينج من اول الاربعينات فالموضوع حالة .العربية .
وللعلم طبعا اللي عارف العربية دي وعارف امكانياتها كويس وعارف انه كده خد اعلي قيمة مقابل فلوسه ..مقابل الارتفاع الكبير جدا لاسعار المستعمل شوف لو عايز يشتري لانوس او فيرنا او نوبيرا سليمة هيدفع كام وشوف اداء كورولا التسعينات وتحملها وصيانتها يفوقهم بمراحل ..
مثال للاسعار الخيالية كورولا 2004-2007 مش غالي عليها من 90-130 الف ..؟؟؟ هي دي مصر ..