عايز تقييم شامل جامع مستفيض

**محمد الشربيني** · 10-07-2007 01:45 AM

عايز تقييم شامل جامع مستفيض عن الزلموكة وخاصة ان واحد عزيز عليا جدآ

عايز يشتري مرسيدس زلموكة لكن متردد بينها وبين السيفيك

يعني يوم يقول ياعم الالماني الماني الواحد يجيب الزلموكة مرسيدس

لو غير كم قطعة غيار حتعمر
يعني الحكاية كلها شوية صرف في الاول وخلاص لكن في المقابل عربية قوية وسريعة وثبات جبار وموتور 2000 سي سي

وشوية مفيش احسن من الزيرو والزيرو زيرو
ياريت تقارنوا بين السيفيك والزلموكة مقارنة جامد ة

**khalid_adel** · 10-07-2007 02:24 AM

انا شايف ان مافيش اي وجه مقارنة بين الاتنين :roll:
المهم هو عايز ايه ومحتاج العربية ليه وممكن مثلا المرسيدس ماتبقاش لايقة علية ( الناس تقول ده وارثها من ابوه ) او هو اصلا محتاج مرسيدس للوجاهة او اي غرض هو ادرى بيه
المهم انا لو مكانة اجيب السيفيك طبعا عشان انا بحبها اوي وكمان عشان انا سني ميديش اني اركب مرسيدس زلموكة ( حاحس اني عجوز اوي :P)
المهم هو يشوف احتياجة ايه من العربية وهو اللي يقرر في الاخر

**ابوحميد** · 10-07-2007 02:46 AM

انا شايف نفس وجهة نظر الاستاذ عادل
لو انت شاب فى بداية عمرك وسبور وعاوز عربية تلبى متطلباتك يبقى اكيد السيفيك
لكن لو بتحب الوقار وملكش فى النطنطة يبقى مرسيدس

**fahd_628** · 10-07-2007 05:58 AM

انا رأى السيفيك مهما كان الجديد جديد برضة !

و الزلمكة دية هيا E موديل تقريبا 90 او حاجة كدة مش فاكر بيسموها كدة فى مصر

**memo_hefnawy** · 10-07-2007 08:00 AM

والله يا أستاذ محمد هايرجع لإستخدامه و هل هو بيحب يغير كثير ولا ؟ وهل هو من هواة القوة و المتانه و الطراز القديم أم بيحب الشياكة أكثر و الروشنه :)

شوف الزلموكة مش عايزه كلام زلموكة مرسيدس فيها أوبشنز بالعبيط رغم إنها بقالها بتاع 18 20 سنه و مع ذلك لايمكن تركب تقول دى عربية عتيقه لأنها مرسيدس و غير كده قيمتها فيها يعنى مش بترخص -- ثبات -- 2000 سىسى لو هى 200 مش أكثر -- صاج مش هاتكلم عليه:) -- عفشة مريحة جدا -- من الآخر مرسيدس

السيفك عربية شكلها وهم -- موتور عفى -- عفشة أكيد مريحة -- واطية حبه للأرض -- قطع غيار السيفك معمرة جدا (توكيل بس) -- حتى الآن سعر إعادة البيع جامد

هاقترح عليك إقتراح تانى :) ممكن يسقط الزلموكــة من حساباته (إللى هى E200 موديل 88 لحد 95 على ما أقتكر) و يدخل مكانها -- c180 موديل 99 الشكل إللى قبل العيون مباشرة يبقى برده مرسيدس بس عمرها أحدث و تقريبا بتتكلم فى نفس سعر الزلموكة

ده مجرد رأى شخصى أتمنى إنى أكون أفدتك بعض الشئ

**hazem_khidr** · 11-07-2007 04:19 AM

كلام الاخ ميمو افاد طبعا
بس ليا تعليق الزلموكه من موديل 85 الي 94 .
التابلوه عتيق شويه لكن برضه شكله تحفه و ركوبه مالهاش حل لكن تكييفها مش قوي اوي .اتهلاك بنزين طبعا اعلي من السيفيك لكن بريستيجها اعلي من السيفيك طبعا (لو كانت نضيفه بعا و جسمها مضبوط)
بس علي فكره متهيالي الزلموكه اغلي من ال 140 الف بكتير يعني بتعمل حوالي 160 النضيف منها .