عاملين ايه في مصاريف دخول المدارس؟

**OlaOsman** · 23-09-2008 05:35 PM

عندنا في الشغل اليومين دول هو مصاريف دخول المدارس و غلو كل شئ و طلبات المدرسة و الباص اللي غلي و الكتب اللي سعرها اتضاعف و زيارات سمير و علي المستديمة الخ.. الخ.. الخ.

اللي عندهم أطفال في مدارس هنا في المنتدى عاملين ايه في الحوارات دي؟ تعالوا نتشارك الخبرات في الموضوع ده يمكن حد يفيد حد بحاجة

الله يعين جميع الآباء و الأمهات على أيام دخول المدارس دي.

**Dr.A.Nabil** · 23-09-2008 08:54 PM

انا لسه ماخلفتش !!!

ربنا يسهل لما أخلف تكون المدارس رخصت والعربيات كمان رخصت

ربنا يستر
اللي جاي يدوب بيكفي مصاريف

انا شايل هم لما اخلف ان شاء الله هاربيهم ازاي واصرف عليهم ازاي !!

**osamaesm** · 23-09-2008 11:02 PM

ابني في kg1 في مدرسه مناره الايمان رحت سمير وعلي عشان اجيب الحجات زي ما المدرسه طالبه دفعت 300 تقريبا
مصاريف المدرسه 6000 علي قسطين 4000 وفي 11/2008 2000جم
والباص 1500 واللبس تقريبا 1200حم
وراح المدرسه من يوم الاربع وكل يوم يرجع اقله عملت ايه يقلي غنينا ولعبنا
تقريبا لسه مش بداو دراسه
مش عارف انا دافع تقريبا 9000جم قول عشر بالحركات والذي منه اقل واجب عشان يروح المدرسه يغني ويلعب

SS · 24-09-2008 03:08 AM

المشاركة الأصلية كتبت بواسطة osamaesm

وراح المدرسه من يوم الاربع وكل يوم يرجع اقله عملت ايه يقلي غنينا ولعبنا
تقريبا لسه مش بداو دراسه
مش عارف انا دافع تقريبا 9000جم قول عشر بالحركات والذي منه اقل واجب عشان يروح المدرسه يغني ويلعب

ياسيدى سيبه يلعب ....لو ملعبش دلوقتى هيلعب امتى ...محدش عارف الايام الجاية فيه....و بعدين ايه موضوع سمير و على ده؟؟؟

**WalidAdel** · 24-09-2008 04:08 AM

المشاركة الأصلية كتبت بواسطة SS

ياسيدى سيبه يلعب ....لو ملعبش دلوقتى هيلعب امتى ...محدش عارف الايام الجاية فيه....و بعدين ايه موضوع سمير و على ده؟؟؟

سمير و علي دي حضرتك صرح عظيم من الادوات المكتبيه من ال KG1 لحد المكاتب الهندسيه و الشركات الكبري بتشتري من عندهم بردوا كل حاجه و اي حاجه

ربنا يعين الجميع

**OlaOsman** · 24-09-2008 05:10 AM

المشاركة الأصلية كتبت بواسطة SS

ياسيدى سيبه يلعب ....لو ملعبش دلوقتى هيلعب امتى ...محدش عارف الايام الجاية فيه....و بعدين ايه موضوع سمير و على ده؟؟؟

عندك حق.. سيب الولد يلعب شوية يا أسامة، أصلا كي جي مش المفروض يكون فيها مذاكرة اوي يعني.. هي أصلا كلها سنتين تلاتة و هايتطحن مذاكرة لحد ما يتخرج من الكلية.

إلا هي فين مدرسة منارة الإيمان دي؟ و هل هي أزهري لغات؟

**Nour_Peugeot** · 24-09-2008 05:25 AM

انا لسه دافع لي اخوية 3000 جينة مصاريف المدرسة و الاتوبيس علشان احنا لينا خصم علشان العيله كلها في المدرسة ههههههههههه و جبنالو الكتب و الكراريس و كده يعني قول 4000

و الله انا كنت في المدرسة دي كانت ب 1200 جينة ب الاتوبيس

واخويا في 5 ابتدائي و في مدرسة مدينة نصر الخاصة

**blazer** · 24-09-2008 05:38 AM

محدش يجبلى سيره سمير وعلى خالص
هو انا صحيح معندش اولاد انما بعانى والله برده
اصل انا فى كليه فنون تطبيقيه كل شويه اروح اجيبلى حاجه هايفه من هناك تعملها قد 100 جنيه
يعنى امبوبه اللون بتبقى كام مللى بتخلص فى كام لوحه بشتريها ب 13-16 جنيه ليه يعنى !!!
واكيد مش برسم بلون واحد !!
و طبعا دا غير الاقلام الرصاص الفيبر كاستل اللى اصلا مبقتش الاقيها واللذى منه
و المثلثات اللى بتتكسر و حروفها بتتبرى!!!

**fady.bekatcho** · 24-09-2008 05:45 AM

9000 جنية فى كى جى 1

دا انا كنت فى مدرسة خاصة فى بنى سويف هنا عندنا

متخيالى بالباص بكلة لغاية 3 اعدادى ما دفعتش ال 9000 دول

ربنا يكون فى عون كل واحد عندة اطفال بجد