سؤال محيرنى هو الصينيين وصلوا لكدة ازاى وتقدموا شعب لا يؤمن بالهة وعندما تتعامل معهم تحس بانهم موش عباقرة او اذكياء
لية نحن وصلنا لكدة ازمة ضمير طيب همن اية الذى نما الضمير عندهم واحنا لية كدة شعب ذكى لماح ومبدع ذو حضارة متدين مسيحى او مسلم
عرض للطباعة
سؤال محيرنى هو الصينيين وصلوا لكدة ازاى وتقدموا شعب لا يؤمن بالهة وعندما تتعامل معهم تحس بانهم موش عباقرة او اذكياء
لية نحن وصلنا لكدة ازمة ضمير طيب همن اية الذى نما الضمير عندهم واحنا لية كدة شعب ذكى لماح ومبدع ذو حضارة متدين مسيحى او مسلم
عشان بيشتغلو من غير لك وعجن كتير.
عشان
بيحبو ويخافو علي \بعض وعلي بلدبهم مش علي الكرسي
بيحبو العمل والاجتهاد
واحد كافر بيعرف يعوم ومتعلم السباحه جيدا
واحد مؤمن لايجيد السباحه وفشل في تعلمها
راكبين مركب واحده المركب غرقت
مين اللي هاينجو من الغرق
علشان حرصهم على الدنيا وعلى المادة خلاهم يتقنوا عملهم وينظموا وقتهم ويتيقنوا من إن لكل مجتهد نصيب واللي عايش بالفهلوة آخرته بيتوكس ومش بيفلح
واحنا ديننا بالرغم من إنه أمرنا بعدم الالتفات للدنيا وعدم جعلها أكبر همنا إلا أنه أمرنا أيضا أن نعمرها ونأخذ بأسباب الحياة لكن بالتوازن بين الأمرين يعني منهتمش بجانب على حساب التاني ، يعني لا نعمل للدنيا فقط وتبقى أكبر همنا ونبقى عايشين زي الحيوانات ناكل ونشرب ونشتغل وننام وفي نفس الوقت لا نقصر في دنيانا وأعمالنا ومصالحنا ، فالمسلم الذكي اللي بيطبق دينه صح بيجمع بين الأمرين بلا إفراط ولا تفريط ، وزي ما كان من الصحابة من كان يقوم الليل ويصوم النهار ففي نفس الوقت كان يتاجر ويكسب ويصل إلى درجة الثراء والغنى ولا تثريب عليه
اعمل لدنياك كأنك تعيش أبدا .. واعمل لآخرتك كأنك تموت غدا
أما نحن الآن فكثير منا إلا من رحم الله وعصم لا طال دنيا ولا آخرة ! فلا هو فالح في شغله وعمله ولا بيتقنه ولا بيجتهد ويجد ويتفانى ، وفي نفس الوقت لا يكترث بآخرته ولا يهمه أأكل من حرام أم من حلال وعايش زي البهايم ياكل ويشرب وينام وكل شغله بالفهلوة والرشاوي والنصب والسرقة وأكل مال اليتامى ، خسر الدنيا والآخرة ذلك هو الخسران المبين
الدوله دي انا عملت عليها بحث في الكليه
شوف ياسيدي
تعليميا:
بلغت نسبة الأمية عام 1949 م حوالي 80 % من السكان ، وهو عامل قوي كان يكفي لتحطيم كيان أي دولة ، ولكنها في خلال ربع قرن انتقلت مرة أخرى في تاريخها الذي يعود لأكثر من 5000 سنة لتصبح قوة عظمى تنافس الولايات المتحدة الأمريكية على سيادة العالم
إقتصاديا:
منذ تأسيسها عام 1949 وحتى أواخر عام 1978 ، بني اقتصاد جمهورية الصين الشعبية على النموذج السوفياتي من الاقتصاد المخطط المركزي. لم تكن هناك شركات خاصة وانعدمت الرأسمالية. قام ماو تسي تونغ بدفع البلاد نحو مجتمع حديث شيوعي صناعي من خلال القفزة العظمى للأمام. بعد وفاة ماو وانتهاء الثورة الثقافية بدأ دينج شياو بينج والقيادة الصينية الجديدة بإصلاحات في الاقتصاد والانتقال إلى اقتصاد مختلط موجه نحو السوق تحت حكم الحزب الواحد. يتميز اقتصاد الصين بكونه اقتصاد سوق قائم على الملكية الخاصة. انحلت السياسة الزراعية التجميعية وتمت خصخصة الأراضي الزراعية لزيادة الإنتاجية.
كيف أصبحت؟؟
تعليميا:
في عام 1986، حددت الصين هدفاً بعيد المدى بتوفير التعليم الأساسي الإلزامي لفترة تسع سنوات
وبحلول عام 2007 كان هناك 2236 مؤسسة تعليم عالي في الصين
اعتبارا من عام 2007، شمل محو الأمية 93.3% من السكان فوق سن الخامسة عشر
أما معدل محو الأمية بين الشباب الصيني (سن 15-24) فوصل إلى (99.2% للذكور و98.5% للاناث) في عام 2000.
في مارس من عام 2007 أعلنت الصين قرار جعل التعليم "أولوية استراتيجية" وطنية، حيث ستتم مضاعفة الميزانية الوطنية المركزية للمنح الدراسية ثلاث مرات في سنتين كما سيخصص مبلغ (28.65 مليار دولار أمريكي) من التمويل الإضافي من الحكومة المركزية في الخمس سنوات المقبلة لتحسين التعليم الالزامي في المناطق الريفية.
وبعد التحسن في نظام التعليم الصيني لم تكتفي الصين بهذا فقط وانما واصلت ابتعاث الطلاب الصينيين الى الخارج حتى وصل العدد الى 1.9 مليون طالب
وبالطبع سيستمر نقل العلوم والتكنولوجيا الغربيه الى داخل الصين عن طريق هؤلاء الطلبه
إقتصاديا:
لقد استطاعت الصين أن توظف العامل البشري توظيفاً جيداً والذي يبلغ 1.5 مليار نسمة ، من خلال المشروعات الصغيرة والقروض طويلة الأجل ، وبالتالي تحولت المنازل إلى ورش عمل صغيرة في وقت يوجد وكيل للتسويق ، وبالتالي انخفض العجز وقلت نسبة البطالة وازدادت نسبة التنمية ، معطية العالم درسا مهما وهو أن عدد السكان ليس عائقا أمام التقدم والنمو وأن الثروة البشرية هي أغلى ما تمتلكه الشعوب ، التجربة الصينية فريدة من نوعها ، فالصين دولة كبيرة واستطاعت تشغيل أياديها العاملة وفق خطط ذكية ، وتؤكد الإحصائيات أنها تمكنت من تخليص ربع سكانها من دوامة الفقر والتخلف.
وبالطبع فعلى عكس مايشاع عن رداءه المنتج الصيني, يوفر لك التاجر هناك التصنيع بالخامات التي ترغب بها وبالسعر الذي تريده, وعلى باقي الدول وضع اشتراطات سلامه على البضائع الداخله اليها.
الأزمه الماليه العالميه:
حسب تقرير لصحيفة واشنطن بوست الأميركية نشر بمجلة كوريي إنترناشيونال الفرنسية في العدد رقم 960 في مارس/آذار 2009 كانت وسائل الإعلام الصينية الرسمية تتناول ظاهرة الأزمة العالمية بوصفها "فرصة لا يمكن أن تحدث إلا مرة واحدة كل قرن".
وبالفعل تعاملت الصين مع الأزمة باعتبارها معطى لتمديد نفوذها الاقتصادي.فقد لوحظ بدءا من شهر فبراير/شباط الماضي نشاط متزايد للمؤسسات والشركات الصينية،
- تركز في شراء أسهم مؤسسات اقتصادية عملاقة في روسيا وإيران والبرازيل وفنزويلا وأستراليا وفرنسا.
- الاستحواذ على مقدرات ومؤسسات اقتصادية حيوية، وخاصة تلك التي تشتغل في قطاع المعادن والمقدرات الطبيعية التي تنهض عليها الحياة، وذلك بثمن مخفض بسبب الأزمة المالية العالمية وإحجام البنوك عن الإقراض الأمر الذي جعل الفاعل الاقتصادي الصيني بلا منافس بسبب احتياطيه المالي الهائل.
- توسيع نفوذها الدولي من خلال إعادة نسج وتوثيق علاقاتها الاقتصادية الدولية، تمهيدا لتمكين علاقاتها السياسية، حيث قدمت –وهي التي تملك أكبر احتياطي من العملة الأجنبية في العالم- مساعدات مالية مهمة لمجموعة من الدول كما قام وزير الاقتصاد الصيني شين ديمينغ يصطحب تسعين من مديري كبريات الشركات الصينية بزيارات عمل لألمانيا وسويسرا وإسبانيا وبريطانيا أسفرت عن توقيع عقود اقتصادية بلغت 10 مليارات دولار. ولوحظ أن أغلب هذه العقود تركزت في قطاعات اقتصادية حيوية.
-
ويستفاد من النقاش الدائر في المنتديات الاقتصادية الصينية حاليا أن ثمة تفكيرا جديا للانطلاق نحو الاستحواذ على قطاع صناعة السيارات الذي يعاني اليوم من كارثة مالية واقتصادية لم يشهد لها مثيلا من قبل، الأمر الذي يجعله فريسة سهلة للرأسمال الصيني المندفع نحو الإمساك بأهم مقدرات الاقتصاد العالمي.
هكذا يلاحظ أن الصين تستغل اليوم الأزمة المالية التي كبلت القطاع المصرفي العالمي لتعزيز نفوذها الاقتصادي، حتى إن حجم استثمارها في شهري يناير/كانون الثاني وفبراير/شباط بلغ ضعف استثمارها في عام 2008.
وكأمثله على الشركات التي اشترتها الصين
مصنع سيارات هامر الأمريكيه
شركة فولفو السويديه
شركة mg الانجليزيه لتصنيع السيارات
مع العلم أن
حكم الاعدام يمثل اكثر من ثلثي الادانات
القانون الجنائي ينص على تنفيذ هذه العقوبه في حوالي 70 جريمه
هي دوله حظرت استخدام الفيس بوك, تويتر, واليوتيوب, وغيرها من مواقع التواصل الاجنبيه
وفي عام 2005 صنفت منظمة مراسلين بلاحدود جمهورية الصين في المركز ال 159 من ضمن 169 في المؤشر الدولي لحرية الصحافه
لما طلعوا في مظاهره هناك داسوهم بالدبابات (فعلا مش مبالغه)
هناك ال (كل بيشتغل) مافيش هناك حقوق سياسيه وشوية المقشفين اللي هنا دول
اللي بيفكر هناك بيفكر ازاي يشغل الناس
وطبعا كان في كلام كتير بس انا اختصرت
احنا ينقصنا التعليم ثم التعليم ثم التعليم لو اهتمينا بالتعليم هنشوف نهضة حقيقية للبلد فى ظرف 20 سنة بالكتير بس تقول لمين هنفضل محلك سر
هل يوجد امل فينا و لا خلاص واية الحلول يعنى كدة التعليم ثم التعليم طيب هو صعب مثلا اننا نجيب المناهج من الدول المتقدمة و نعمل كوبى و بيست للمناهج
معنى كدة اننا سوف ننتظر سنين طويلة لتطوير التعليم
صديقي المواطن
الموضوع بسيط الكسل والتواكل وإنعدام الضمير والخلق والتواكل والعلل اﻹجتماعية وغياب التربية وغياب القدوة وغياب الحاكم القوي العادل وعدم سرعة المحاكم في رد الحقوق وشيوع كلمة معلش فقولا واحدا دي أسباب فشلنا وإستمرارنا بالفشل ونحن مستمرون بالفشل وإلى الفشل ماضون
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
العامل هناك بيبقى واقف (مافيش كرسي لأن ممنوع القعاد) القطع بتعدي امامه على سير - القطعة الي المفروض بيخلص شغله فيها في 30 ثانية بتقف امامه لمدة 35 ثانية فقط - في المراجعة لو فيه قطعة شغله ماتعملش فيها بتخصم اجر قطعتين من الي عملهم
مافيش حاجة اسمها مرتبات ويا حكومة ارفعيلنا الأجور والكلام الفاضي ده
مافيش ياحكومة دعمي والذي منه
احكام الإعدام قبل مابتتنفذ بيجربوا فيهم العققاقير الطبية (علشان كدة هم متقدمين في الطب جدا)
مافيش لا حقوق انسان والا اي كلام فاضي من ده
على فكرة ده مش رايي الشخصي والا معنى كدة اني موافق على الكلام ده بس انت سألت وانا بجاوب
و هي دي محتاجه سؤال
نظام دكتاتوري صاااارم و تطبيق حازم للقوانين
بس شغال في اتجاه صح
و من الاخر احنا مينفعش معانا غير كده
طيب فية امل انة الحال ينصلح ياترى امتى نشوف بلدنا متقدمة الواحد لما بيشوف افلام قديمة او صور مثلا لشكل بلاد زى انجلترا او غيرها بيقول ازاى الناس دى قدرت تتقدم بهذا المقدار و احنا لسة واقفين مكاننا كانة عجلة الزمان و قفت
طيب فين تاريخنا وفين حضارتنا و فين العقلية المصرية التى منها زويل و مجدى يعقوب والباز ومابراهيم سمك وغيرهم كتيييييييييييييييير
أمل ؟
لأ مافيش طبعا مش هنضحك على بعض
تاريخ وحضاره ؟
ممكن نبللهم ونشرب مايتهم :36_1_1[1]:
الحاجه الوحيده (ودي من عند ربنا طبعا)
يا كارثه طبيعيه توقف الناس كللها مع بعض
يانظام ديكتاتوري مستنير وعادل ويمسكوا الناس الفاهمه في كل مجال وخصوصا الاقتصاد
طبعا مع اغلاق الوظائف السوداء (اللي مش داخله في نظام الدوله)
زي التوكتوك واللي بيفرش بخضار في اي حته......الخ
عشان قافلين فيس بوك وتويتر واللي بيحاول يخرج بره المنظومه بيتقتل.
عامل البشرى
هنا فى السعوديه جميع جنسيات بس عايز تخد شغل صح
هات واحد هندى او بكستانى او بنغالى بيشتغل 8 سعات زى الكتاب مبيقول
مستحيل يغيب
مستحيل تلقيه وقت الشغل بيرغى مع اصحابو
مستحيل ميسمعش كلام او يكسل
تعليمو على قدو لتكن شعله نشاط
هات واحد مصرى بيغيب فى الشهر 5 6 ايام و لو جيه بيتلع عنيك شان يشتغل
الا من رحم ربى
دور على الفكر فكرى انى اراعى ربنا فى اكل عيشى احلل القرش البخدو
اكسب الشركه البتقبضنى كل دى مصطلحات نادره مع المصرين الا من رحم ربى و للاسف انا منهم انا كنت مهمل كتير فى شغلى و لحاول اصلح
التعليم و المبدا
نفسى اقابل واحد مصرى عندو مبدا
لاكن كولو ماشى
regrds....
الموضوع من وجه نظري هي ارادة سياسية لنهوض بالدول
يعني علي سبيل المثال محمد علي لم حب ينهض بمصر حتي يسطيع عمل دولة بديلة للدولة العثمانية
اعتمد علي شعب مصر بعد تجارب ووجة كل شي في البلد لخدمة هدف النهوض من البلد من استقدام خبراء اجانب وبعثات الي الخارج و توجية الزرعة مم ادي الي ظهور المصانع التي ادت الي انشاء المدارس فسطع في اقل من 30 سنة مجابة الدول العظمة وكانت مصر في قمة التخلف لحوالي 700 قرن لان كان عندة ارادة شخصية انكسة علي الدولة ام كلام الاستهلاك المحلي من شعرات واغاني وانجازات كباري وانفاق ومدن وهمية بدون خدمات وتعليم دون المستوي البشري و صحة محتاجة صحة يبقي مفيش تقدم يعيني المشكلة مش في الشعوب بحد ذاتة المشكلة في ارادة سلطة للتقدم ام الاعتماد علي المنح و القروض و الهبات يبقي اشتغل لية من كددة كدة ضامن اكلي وشوربي ومذاجي .
علم + عمل
لان ناس كتير من المصريين (الا من رحم ربى ) لا عندهم الالتزام الصحيح بالدين الحنيف
فيقودهم للازدهار و لا عندهم الاجتهاد ف العمل زى اللى ما بيؤمنوش الا بالدنيا
تلاقى الواحد من دول مصدق ان ربنا هو الرزاق , لكنه فاكر ان الرزق هيخبط ع بابه
م الاخر ,, دا لا فاهم الدين صح و لا فاهم الدنيا صح
[justify]معتقدش خاااااااااااااااااااااااا ااااااااااااالص و لا حتى شايف بصيص [/justify]
علشان الالتزام الالتزام بالقانون وتطبيقة وهما عندهم من جواهم الجزء دة بيحبو ميبقوش مخالفين او خارجين عن القانون
الاهم ان كل الشعب متعلم وبيهتمو بصحتهم اساسيات مفيش نسبة امية وشحاتين زينا حتى العاوز يكسب بطريقة افضل انه يمارس موهبة او يتعلم حاجة يقدر يقدمها لعرض فى الشارع علشان ياخد مبلغ او هو مشرد والدولة برضة بتهتم
الالتزام بيبدأ من اول احترام داخل الاسرة وبعدها الاحترام داخل المبنى السكنى وبعدها الشارع والمنطقة المدرسة الجامعة وبالتالى بيخرج للمجتمع انسان قادر يفيد وصالح فى تسلسل ماشيين بية مفيش حد ماشى يرمى زبالة فى الشارع ولا فى حد صوتة عالى بيحترمو بعض احنا هنا بناكل فى بعض الحب والالفة دة تلاقيها داخل العيلة او ما بين الاصحاب ومش كل العائلات ولا كل الاصحاب كدة الوحش كتير
البنية التحتية كل يوم فى تطور بيطورو من نفسهم معندهمش افكار وعقول وبدون تنفيذ لا فى اهتمام باى اختراع وبيتطبق سهل تنفذ وتنشىء شركة وسهل تعمل اى حاجة برة فى حدود قدراتك و ابداعك والامكانيات المتوفرة والدولة بتهتم
عندهم طموح مفيش حاجة ميقدروش يصنعوها عندهم اخلاص رهيب للعمل وبيقدرو قيمة الوقت جداً اتربو على كدة وبقت طباع شعب بأكملة وصلو لدة كلة مش فى يوم وليلة لا جهد سنين وحافظو علية
السؤال هنا مش لية الصين احنا لية بقى حالنا كل فترة للاسواء الموضوع مش تدين وبس اللكل واحد بيترجمة على رغبتة او وجهة نظرة بالتالى حال البلد زى ما انت شايف .
هدف + عمل + رقابة
يا ساتر يارب دة كدة مافيش تفائل خالص
هو احنا مافيش حاجة او بادرة امل تقول انة ممكن نكون متفوقين فى اى مجال يعنى كم من بلاد مافيهاش تعليم جيد و لكن مثلا ناجحين فى الزراعة او الصناعة او الصيد من البحار او المحيطات
الواحد حزين على الذى و صلنا لة طيب ازاى الناس تخاف غلى البلد وتبقى مخلصة و امينة فى عملها ازاى
طبعا انا معنديش اى اضافه بعد الكلام اللى قاله الاخوه الاعضاء
لكن انا شايف ان مش الصين بس هى اللى ملفته لانها خدت وقت كبير فى النهوض مقارنه بدول كتير فى الوقت الحالى زى تركيا اللى فى 10 سنين بقت قوه اقتصاديه كبيره او البرازيل اللى اتنقلت من دوله فقيره اقل مننا لقوه صناعيه واقتصاديه عملاقه او حتى اليابان اللى فى وقت ما كنا احنا متقدمين عنهم بعد حادث هيروشيما وسبقونا واحنا فمكانا ولا اخر حادث بتاع تسونامى شوف بشهور قليله جدا اتعافو من جديد
الفكره فى الوقت اللى الدول دى خدته علشان تنهض متخيليلن يعنى ايه فى 10 سنين تركيا توصل للمكانه دى ولا البرازيل؟؟ واحنا بقالنا قرون من الزمن زى ما احنا
احنا محتاجين محمد على من جديد
والفيلم ده هديه منى ليكو عن محمد على ونهوضه بمصر
Moh'd Ali Part 1-محمد علي باشا - YouTube
moh d ali 2-محمد علي باشا الجزء الثاني - YouTube
أختلف مع حضرتك تماما
عهد محمد علي هو بداية عهد التبعية والتقليد والتخلي عن تراثنا واستقلالنا وحضارتنا وهو بذرة لما وصلنا إليه الآن من جهل وفقر وتخلف وانحطاط ولهاث خلف الأمم
أنصحك بقراءة بعض الكتب التاريخية (الصحيحة) فما أكثر الكتب التي زورت وشوهت تاريخنا
من هذه الكتب (التي أنصح بها) :
كتاب "ودخلت الخيل الأزهر" لمحمد جلال كشك وكتبه الأخرى أيضا
وكتاب "رسالة في الطريق إلى ثقافتنا" لمحمود شاكر
وكتب محمد علي الصلابي مثل "الدولة العثمانية: عوامل النهوض وأسباب السقوط"
وكتاب "موقف العقل والعلم والعالم من رب العالمين وعباده المرسلين" لآخر مفتيي الدولة العثمانية مصطفى صبري
فعلا سمعت اراء كتير من نفس وجه نظر حضرتك لكن الفكره هنا فى واحد عرف مقدرات الشعب ده والبلد دى وقدر يعمل منها قوه عظمى فى الاول وفى الاخر كل نظام وليه مزايا وعيوب لكن لما نيجى نقارن كده بين اخر قرنين نقدر نطلع منهم بان محمد على هو سبب فى انجازات كتير اوى دخلت البلد على الاقل مجاتش من واحد مننا احنا بقى اللى دمرنا كل شىء والسىء زودناه سوء اكتر ومش بنتعلم من التاريخ علشان كده هانفضل متاخرين
وانا ان شاء الله هاقرأ الكتب اللى حضرتك قولت عليها
اقراها وهتدعيلي وهتكتشف حقائق كانت مغيبة عنا عشرات السنين وهتكتشف إن بعض الرموز اللي بعض الناس وصلت لدرجة تقديسها ما هم إلا مجموعة من المرتزقة والعملاء والجواسيس وهتعرف ليه احنا مش محتلين عسكريا لحد دلوقتي لأننا في الواقع محتلين فكريا وثقافيا ... مش عايز أحرقلك باقي القصة :) اكتشف انت بنفسك
وانا متشوق اقراهم
انا لقيت على اليوتيوب جزء من سلسله اسمه ودخلت الخيل الازهر يعنى هاتفرج عليه وبردو هاقرا الكتاب
حضرتك شوقتنى الصراحه
لو قصد حضرتك على ده
www.youtube.com/watch?v=xdmJaw81gmM
فهو غالبا ملوش علاقة بالكتاب ، هو فيلم وثائقي من أفلام الجزيرة الوثائقية لتوثيق الاحتلال الفرنسي ودخول الفرنسيس للأزهر بالخيول
وعلى الرغم من أن أفلام الجزيرة الوثائقية ماتعة ورائعة إلا أني لا أنصح أيضا بالاعتماد عليها اعتماد كلي في معرفة التاريخ القديم والمعاصر
علشان شعب محترم عارف الي لية والي علية
ممكن مايكونش مستوااهم الذكائي عالي بس بيجتهدوا
انا اتعاملت مع كتير منهم غير كدا شعب محترم جدا وتحس ان ماعندهمش كراهية وبيحبوا الخير لبعض ..
تلاقي الواحد فيهم شغال وطالع عينة وبيودي كل فلوسة لتعليم ابنة او ابنتة احسن تعليم علشان يفيد المجتمع بعد كدا ..
عيب تقول كدة ، إحنا شعب متفوق طبعا :
عندنا أكبر عدد مقاهى موجود فى دولة على مستوى العالم
نخترع أفضل نكهات المعسل فى التاريخ
أفضل طرق فى العالم تحقق لك الإنتقال للعالم الآخر فى سهولة و سرعة
أفضل شعوب العالم فى القدرة على الحياة وسط أعلى معدلات التلوث
و حاجااااااات كتير جدا برع فيها المصريون عن غيرهم
الدولة العادلة تنتصر وانت كانت كافرة
والدولة الظالم اهلها تنهزم ولو كانت مسلمة
الخلاصة احنا محتاجين ديكتاتور عادل