استفسار عن مخاطر عمليه ازاله المراره

السلام عليكم

ممكن تطمنونى فضلا لو حد عنده فكره عن عمليه استئصال المراره
لان ابنتى بعد عرضها على اكتر من طبيب اثنين قالوا تفتيت الحصوات
وآخر دكتور قال لى غير مفيد تفتيت الحصوات لابد من ازاله المراره بالكامل
المشكله ان ابنتى ولله الحمد على عطائه مصابه منذ ولادتها بملزمه داون وعندها 17 سنه وهى تقريبا حياتى كلها وقلقى لانها لاتعرف ان تشكوا من الالمها مثلنا ومناعتها ضعيفه
من ساعه ماقال لى الدكتور هنعمل العمليه وانا فى قلق وقال انه هيعملها بالمنظار هيفتح 3 فتحات تقريبا
فممكن فضلا من عنده معلومه اويعرف حد استئصل المراره يطمنى والوضع بعد الجراحه لانى حاسس انى هيحصل لى حاجه من التوتر والقلق

اقتباس:

---

المشاركة الأصلية كتبت بواسطة طارق _عبد السلام

السلام عليكم

ممكن تطمنونى فضلا لو حد عنده فكره عن عمليه استئصال المراره
لان ابنتى بعد عرضها على اكتر من طبيب اثنين قالوا تفتيت الحصوات
وآخر دكتور قال لى غير مفيد تفتيت الحصوات لابد من ازاله المراره بالكامل
المشكله ان ابنتى ولله الحمد على عطائه مصابه منذ ولادتها بملزمه داون وعندها 17 سنه وهى تقريبا حياتى كلها وقلقى لانها لاتعرف ان تشكوا من الالمها مثلنا ومناعتها ضعيفه
من ساعه ماقال لى الدكتور هنعمل العمليه وانا فى قلق وقال انه هيعملها بالمنظار هيفتح 3 فتحات تقريبا
فممكن فضلا من عنده معلومه اويعرف حد استئصل المراره يطمنى والوضع بعد الجراحه لانى حاسس انى هيحصل لى حاجه من التوتر والقلق

---

وعليكم السلام ورحمة الله وبركاته
أولا لا بأس طهور إن شاء الله وشفاها الله وعافاها
ثانيا أنا زوجتي استأصلت المرارة بالفعل من أكتر من 3 سنين بسبب الحصوات وكان معظم الدكاترة برده على إن لازم استئصال والحمد لله على كل حال
هي العملية سهلة خاصة المنظار لأنه بالفعل بيفتح 3 فتحات صغيرين زي ما عملوا لزوجتي بس المشكلة إنها ممكن تقعد حوالي 6 شهور بعد العملية بتشتكي من نفس الآلام اللي كانت بتجيلها قبل العملية أو أخف شوية لأنهم علشان يستأصلوها بينفخوا المنطقة اللي فيها المرارة بغاز معين علشان تسهل عليهم عملية الاستئصال والموضوع ده بياخد فترة لحد ما الجسم يتخلص من الغاز ده ويرجع لطبيعته والجرح يلتئم وطبعا بتمشي على مسكنات وبعض الأدوية علشان تخفف الألم
لكن لو المرارة متشالتش والحصوات كبرت بتبقى خطر جدا علشان في أي لحظة ممكن تسد القناة المرارية
مش عايزك تقلق من العملية خالص بس حاول تروح لأكتر من دكتور مشهور وشاطر وتتأكد من إن لازم إجراء عملية الاستئصال وإن مينفعش تفتيت الحصوات بس من غير استئصال ، لو قالولك لازم تستأصل يبقى توكل على الله ومتقلقش
بالمناسبة زوجتي عملتها في مستشفى الجهاز الهضمي اللي في جامعة المنصورة ، بيقولوا الدكاترة هناك شاطرين وكل حاجة بس المشكلة إن المستشفى تعبانة (حكومي بقى !) لدرجة إن زوجتي راحت علشان يحجزوها تعمل العملية ملقتش سراير فاضية من كتر المرضى قاموا منيمنها على كنبة !!!
لو ربنا ميسرها ليك وتعرف تعملها في مستشفى خاصة نضيفة ودكاترة مشهود ليهم برده هيبقى أفضل علشان تبقى مطمئن
أسأل الله العظيم رب العرش العظيم أن يشفيها لك شفاء لا يغادر سقما
ومتنساش تطلع صدقة بنية الشفاء

ربنا يشفيها و يعافيها و يقومهالك بالف سلامه
اهم حاجه تعملها فى مكان نظيف و معقم الادوات كويس منعا لنقل اى امراض لا قدر الله

أحب أطمنك إن قريب ليه عمل عملية إستئصال المرارة بالمنظار ( من حوالى 8 سنين ) و حالته مستقرة جدا جدا بدون آثار جانبية.
بس كل حالة و ليها ظروفها
حبيت أفيدك بمعلومة عندي و أسأل الله أن يشفي بنتك و يعافيها و يصبرك .

شفاها الله وعافاها وحفظها

اقتباس:

---

المشاركة الأصلية كتبت بواسطة أبو آسر

وعليكم السلام ورحمة الله وبركاته
أولا لا بأس طهور إن شاء الله وشفاها الله وعافاها
ثانيا أنا زوجتي استأصلت المرارة بالفعل من أكتر من 3 سنين بسبب الحصوات وكان معظم الدكاترة برده على إن لازم استئصال والحمد لله على كل حال
هي العملية سهلة خاصة المنظار لأنه بالفعل بيفتح 3 فتحات صغيرين زي ما عملوا لزوجتي بس المشكلة إنها ممكن تقعد حوالي 6 شهور بعد العملية بتشتكي من نفس الآلام اللي كانت بتجيلها قبل العملية أو أخف شوية لأنهم علشان يستأصلوها بينفخوا المنطقة اللي فيها المرارة بغاز معين علشان تسهل عليهم عملية الاستئصال والموضوع ده بياخد فترة لحد ما الجسم يتخلص من الغاز ده ويرجع لطبيعته والجرح يلتئم وطبعا بتمشي على مسكنات وبعض الأدوية علشان تخفف الألم
لكن لو المرارة متشالتش والحصوات كبرت بتبقى خطر جدا علشان في أي لحظة ممكن تسد القناة المرارية
مش عايزك تقلق من العملية خالص بس حاول تروح لأكتر من دكتور مشهور وشاطر وتتأكد من إن لازم إجراء عملية الاستئصال وإن مينفعش تفتيت الحصوات بس من غير استئصال ، لو قالولك لازم تستأصل يبقى توكل على الله ومتقلقش
بالمناسبة زوجتي عملتها في مستشفى الجهاز الهضمي اللي في جامعة المنصورة ، بيقولوا الدكاترة هناك شاطرين وكل حاجة بس المشكلة إن المستشفى تعبانة (حكومي بقى !) لدرجة إن زوجتي راحت علشان يحجزوها تعمل العملية ملقتش سراير فاضية من كتر المرضى قاموا منيمنها على كنبة !!!
لو ربنا ميسرها ليك وتعرف تعملها في مستشفى خاصة نضيفة ودكاترة مشهود ليهم برده هيبقى أفضل علشان تبقى مطمئن
أسأل الله العظيم رب العرش العظيم أن يشفيها لك شفاء لا يغادر سقما
ومتنساش تطلع صدقة بنية الشفاء

---

اشكرك ابو آسر وطهورا ان شاء الله
انا بالفعل روحت لاكتر من دكتور والاخير طبيب مشهور وكان عامل لى عمليه قبل كده
واشكرك على الدعاء ولك احسن منه ان شاء الله

اقتباس:

---

المشاركة الأصلية كتبت بواسطة blazer

ربنا يشفيها و يعافيها و يقومهالك بالف سلامه
اهم حاجه تعملها فى مكان نظيف و معقم الادوات كويس منعا لنقل اى امراض لا قدر الله

---

جزاك الله كل خير ولك احسن منه ان شاء الله

بالفعل الدكتور ده مبيرضاش يعمل عمليات غير فى مستشفى الشروق مستشفى خاصه فى طنطا مستواها كويس الحمد لله بس السعر اظنه عالى شويه بالنسبه للعمليه لكن الحمد لله

اقتباس:

---

المشاركة الأصلية كتبت بواسطة ramy87

أحب أطمنك إن قريب ليه عمل عملية إستئصال المرارة بالمنظار ( من حوالى 8 سنين ) و حالته مستقرة جدا جدا بدون آثار جانبية.
بس كل حالة و ليها ظروفها
حبيت أفيدك بمعلومة عندي و أسأل الله أن يشفي بنتك و يعافيها و يصبرك .

---

ربنا يطمنك
وجزاك الله كل خير ولك احسن منه ان شاء الله

اقتباس:

---

المشاركة الأصلية كتبت بواسطة al_qassam2003

شفاها الله وعافاها وحفظها

---

اللهم آمين
ولك احسن منه ان شاء الله

شفاها الله من كل سوء ولابأس طهور إن شاء الله
انا ولدتي الله يحفظها عملتها من اكثر من 10 سنين والحمد لله لم تشتكي من اعراض جانبيه بعدها
فتوكل علي الله ولا تقلق وادعو الله لها كثيرا

السلام عليكم
استاذ طارق اولا ربنا يشفيها شفاء لا يغادر سقما

احب اطمن حضرتك انا عامل استئصال مرارة وزايدة بالمنظار من حوالي سنة والحمد لله من بعدها مفيش اي اعراض والدكتور من بعد العملية بيومين قاللي اكل كل حاجة بس بلاش الدهون الجامدة ( اللية مثلا )
بس من وقت لاخر قد يكون هناك نوبات اسهال بدون اي سبب لمدة يوم
والعملية عبارة عن 5 فتحات منهم واحدة في السرة وحرج حوالي 1.5 سم لااكثر
بس اهم حاجة بالله عليك تكون مستشفى كويسة من حيث التعقيم والتمريض

وفي النهاية ربنا يطمنك على بنتك وتشوفها في احسن حال يارب

اخوك ايهاب يوسف

الاثر لازالة المرارة هو انها لازم تنظم اكلها بعد كدة على مدار حياتها بحيث يكون خالى تقريبا من الدهون

سلام عليكم
معلش استفسار اضافي في نفس الموضوع لو اذن لي استاذ طارق

في حالة لو اللي شال المرارة اكل دهون بيحصل ايه بالظبط ؟

انا عندي حصوة في المرارة , و لما باكل كمية كبيرة او وجبتين على بعض او حاجة تقيلة اوي بتجي لي كتمة في فم المعدة
لو نفس القصة يبقى الواحد هايشيلها ليه بقى ؟
انا قالوا لي ان الحصوة اللي عندي كبيرة لدرجة ان مافيش احتمال انها تنزل القناة المرارية اصلا , انا عايش بيها بقى لي 4 سنين تقريبا

طيب يا شباب لا قدر الله لو الحصوه نزلت القناه المراريه ايه المشكله ال هتحصل ساعدها

سلام عليكم
معلش استفسار اضافي في نفس الموضوع لو اذن لي استاذ طارق

في حالة لو اللي شال المرارة اكل دهون بيحصل ايه بالظبط ؟

انا عندي حصوة في المرارة , و لما باكل كمية كبيرة او وجبتين على بعض او حاجة تقيلة اوي بتجي لي كتمة في فم المعدة
لو نفس القصة يبقى الواحد هايشيلها ليه بقى ؟
انا قالوا لي ان الحصوة اللي عندي كبيرة لدرجة ان مافيش احتمال انها تنزل القناة المرارية اصلا , انا عايش بيها بقى لي 4 سنين تقريبا
استاذ تامر
احب اوضح حاجة لحضرتك ان المرارة غير مسؤلة عن عملية هضم الدهون انما هي عبارة عن مخزن للعصارة الصفراوية المنتجة في الاصل من الكبد ويتم تخزينها في يالمرارة لحين الحاجة لها عن طريق العدة
فبالتالي في حالة عدم وجود المرارة يتم افراز العصارة الصفراوية مباشرة الي المعدة مما يؤدي الي بعض الارتباك في عملية هضم الدهون حتى يعتاد الجسم على عدم وجود المرارة وبعد ذلك يتم ممارسة الحياة بشكل طبيعي جدا وليوجد اي مضاعفات او اعراض الحمد لله
نصيحة يا استاذ تامر توكل على الله وشيلها لو فيها حصوات والله حتفرق معاك كتير

وادعو من الله ان يديم عليمك نعمة الصحة

شفاها الله وعافاهاه من كل سوء

شفاها الله و عفاها إن شاء الله.

أنا شيلتها من أكتر من سنة....منظار برضه.....الحمد لله مفيش حاجة غريبة.....يمكن قعدت بعد العملية شهرين كنت ساعات بحس بألم شبه ألم المرارة شوية بس أخف و بيروح بمسكن عادي.....حصلتلي خلال الشهرين مرتين أو تلاتة.

غير كده مفيش.

أهم حاجة بس التعقيم و الدكتور يكونوا كويسين.......و إن شاء الله تقوم بالسلامة و تنور بيتها تاني.

اقتباس:

---

المشاركة الأصلية كتبت بواسطة تامر.محمد

سلام عليكم
معلش استفسار اضافي في نفس الموضوع لو اذن لي استاذ طارق

في حالة لو اللي شال المرارة اكل دهون بيحصل ايه بالظبط ؟

انا عندي حصوة في المرارة , و لما باكل كمية كبيرة او وجبتين على بعض او حاجة تقيلة اوي بتجي لي كتمة في فم المعدة
لو نفس القصة يبقى الواحد هايشيلها ليه بقى ؟
انا قالوا لي ان الحصوة اللي عندي كبيرة لدرجة ان مافيش احتمال انها تنزل القناة المرارية اصلا , انا عايش بيها بقى لي 4 سنين تقريبا

---

بص يا حاج تامر.......أنا مش دكتور.....بس أسمحلي أفتي

لو فيه أحتمال 1% أنها تنزل القناة المرارية يبقى أخلص منها.

لو هي كبيرة قوي و نزلت القناة المرارية لا قدر الله....هيكون الألم عنيف.

أنا مكنتش أعرف أصلاً أن عندي حصوة لحد ما حصلي ألم صعب شويتين تاني يوم رمضان 2012 ( كان فى شهر 8 يمكن).....كبرت دماغي شوية......و بعد كده حصل نفس الألم مرتين تلاتة خلال 3 شهور.....و كان ألم صعب....يعني مش بيروح بمسكنات عادية.....شيلتها فى ديسمبر 2012.

أسأل الله العظيم رب العرش العظيم أن يشفيها شفاء لا يغادر سقما

اسئل الله العظيم رب العرش العظيم ان يبعد عنكم الشرور والامراض وان يبارك لكم فى صحتكم وفى ذريتكم جميعا
جزاكم الله كل خير على الدعاء

بخصوص استفسارك ا / تامر
تقريبا الدكتور شرح لى نفس الموضوع وقال ان المراره تحتفظ بالعصاره الصفراويه بها اثناء عدم الاكل وعند الاكل تقوم بضخ العصاره تانى الى المعده فى حاله وجود الحصوات ممكن يحصل التهاب وممكن الضخ ده يسبب خطوره لو وصلت الحصوات الى البنكرياس فهنا مكمن الخطوره (الحصوع عند ابنتى حجمها اكبر من 2 سم قليلا)

وقال لى ايضا لو المراره بدأت المشاكل بحصوات والتهابات فالافضل ازالتها بالكامل لانها لن تعود كما كانت وسيظل المريض يشكوا منها دائما وممكن تصل لخطوره على حياته
والدكتور ده ماشاء الله عليه انسان خلوق ومشهور بان اخر شىء يفكر فيه موضوع الجراحه لو اقتضى الامر يجرى الجراحه
ربنا يتم شفاك ان شاء الله استاذ تامر ولكن لو هى تعباك الافضل تهتم بالموضوع حرصا على سلامتك