الموضوع: محتاج مساعدتكم ضروررررررررررررررى

صحرا كالعادة :)

موديلات الفورد تورس العيون تبدا سنة 1996 وتنتهي 1999 ولم يستوردها التوكيل الا ابتداء من موديل 1997 ويوجد منها 3 محركات الأول فولكان 3000 سي سي 6 سلندر وقوته 145 حصان وسرعتها القصوى 180 كلم في الساعة والثاني ديوراتيك 3200 سي سي 6 سلندر وقوته 200 حصان وسرعتها القصوى 200 كلم في الساعة والثالث ياماها 3800 سي سي 8 سلندر وقوته حدث ولا حرج وسرعتها القصوى 230 كلم في الساعة ولكن لا يوجد في مصر سوى المحركين الأولين. طبعا كل موديلات السيارة تتميز بتجميعها السريع بالرغم من أن كل موديلاتها أوتوماتيك وهي نقطة ضعفها الوحيدة حيث أن الفتيس الأوتوماتيك بتاعها حساس جدا لنوعية الزيت الموصى باستخدامه ويجب الإلتزام بالصيانة الدورية له وإلا فإن حدوث أي مشاكل به لا يتم تصليحه في مصر بل يتم تغييره بواحد آخر مستعمل وتتدفع فرق في حدود 2000 إلى 2500 جنيه حسب حالته.
السيارة قطع غياره أغلى من قطع غيار الفور الأوروبي بقليل ولكن من مميازاتها أن يوجد كل مسمار لها بالاستعمال بالهرم (سمير أمريكاني - فوزي الخواجة - حامد القبيصي وغيرهم) بالإضافة إلى الجديد في التوكيل وبعض المحلات بشارع شمبليون (حمادة الخولي وغيره). على سبيل المثال المساعد الخلفي في التوكيل 930 جنيه، سير إدارة 250 جنيه، طقم بويجهات بلاتينيوم 120 جنيه، فلتر هواء 135 جنيه، حساس سرعة 750 جنيه،طلمبة بنزين كاملة بالعوامة 1800 جنيه، حساس تي آر للفتيس 912 جنيه. أما عن بعض أسعار المستعمل : كباس تكييف 700 جنيه، 2 فانوس خلفي 500 جنيه، حساس كامة 300 جنيه، طقم جنوط سبور 16 بوصة 1200 جنيه، عدادات كاملة 1000 جنيه، بوابة كاملة بالحساس 500 جنيه، حساس حرارة 150 جنيه، قاعدة موتور 700 جنيه، مساعد كبوت 70 جنيه، ركبة أمامية كاملة بالمساعد 500 جنيه، قربة فتيس 500 جنيه، زرار مرايات 250 جنيه، 2 مراية جنب 400 جنيه.
سعر السيارة يتراوح من 35 ألف إلى 45 ألف حسب حالتها.
استهلاك السيارة المزودة بالمحرك 3000 سي سي 125 كيلومتر لكل 20 لتر داخل المدينة و180 كيلومتر لكل 20 لتر على الطريق السريع، والمحرك يتميز بأنه مزود بكاتينة حديد (لا تتغير) ويأخذ 4 وربع كيلو زيت بالرغم من سعته الكبيرة.
أرجو أن تكون هذه المعلومات كافية ومفيدة

اكييييييييييييييييييييييد افدتنى يا استاذ جهاد و شكراااااااااااااا جدا على الرد اصلى بفكر فى العربيه دى و كنت عايز اعرف عنها حجات كتير بس حضرتك افدتنى كتير كدا فاضلى بس اسعار شويه حجات زى مساعد امامى وخلفى الجوز بكام جديد و مستعمل تيل فرامل ادام و ورا و الترخيص و اكون شااااااااااااااكر جدااااااااااااااااااااااا اااااااااااااااا لو افدتنى فيهم وشكرا مره تانيه على المعلومات دى

جوز المساعدين الامامي الجداد (مش اصلي) فيه 400 جنيه وفيه بـ 700 جنيه أما الاصلي بالتوكيل بـ 1980 أما الجوز الخلفي بـ 1840 بالتوكيل ، المستعمل : الركبتين الأماميتين (شاملة الطنابير وتيل الفرامل واليايات وبستم الفرامل والمساعد والبطاحة) 1000 جنيه وكذلك نفس السعر للركبة الخلفية، تيل الفرامل الجديد ب 480 جنيه. الترخيص : الضريبة 1200 جنيه في الستة والتأمين تقريبا 250 جنيه. (ملحوظة : كل اسعار التوكيل يضاف لها 10% ضريبة مبيعات).

شكرا جداااااااا على المعلومات القيمه دى هو حضرتك من ملاك التورس ؟؟؟ ولو معاك اخبارها ايه معاك وشكرااااا بجد استفدت كتير جدااااااا

انا عندي فورد تورس جي ال 1996، والتورس سيارة قوية يعتمد عليها (يكفي أنها حصلت على لقب السيارة الأكثر مبيعا في أمريكا عام 1996 متفوقة على منافسينها المباشرين تويوتا كامري وهوندا اكورد وباقي السيارات الأمريكية) ولا يعيبها سوى ارتفاع مصاريف تشغيلها مقارنة بالسيارات الفورد الأوروبي ولكنك تأخذ مقابل ذلك سيارة واسعة وسريعة وشنطة عملاقة، ومن مميزات التورس أن عفشتها معمرة وهذا مفيد في بلد زي مصر ولكن عيبها الأساسي ان الفتيس حساس جدا ويجب الإلتزام بمواعيد الصيانة له من تغيير الزيت المناسب له كل 30 ألف كم ومن النوعية التي توصي بها الشركة مع تغيير فلتر الفتيس، عموما ربنا يوفقك في شراء تورس مناسبة ولكن أي سيارة تجربها وتجد نتشة أو خبطة في الغيار الأول أو الثاني ابعد عنها لأنها من علامات خراب الفتيس. بالتوفيق.

شكرا بجد على المعلومات القيمه دى بس انا الى قلقنى الترخيص و البنزين بس