اقتباس المشاركة الأصلية كتبت بواسطة ahmadtantawy مشاهدة المشاركة
السلام عليكم

أولاً أحب اشكر كل الأعضاء المحترمين على المعلومات المفيدة جداً المتداولة، مجهود رائع و جزاكم الله خير.

أنا نويت إنشاء الله اشتري فلونس و كان عندي شوية استفسارات:
١- التكيف ال-dual zone ، لو أنا عايز أثبت درجة الحرارة فالعربية كلها، ممكن من التكيف نفسو ولا لازم أخلي درجة حرارة الناحيتين زي بعض ؟
٢- ال-Parking Sensors، فين فالتابلو بيبان المسافة ؟ و هل بتبين مسافة ولا مجرد مؤشر؟
في حد عند صورة للعدد موضح المؤشر؟
٣- إيه المعارض الممكن الائي عندها ألوان ؟ أنا بفكر في اللون ال-Oyster Grey بس عايز أشوفو على العربية الأول

شكراً
أنا هقدر أجاوب حضرتك على سؤال رقم 2 لأنى شفته بنفسى
ال Parking Sensors بيظهروا فى التابلوه فى لوحة العدادات الوسطى تحت السرعات لما تجيب R
فيه شكل عربية بيظهر و هى نفس رسمة العربية اللى بتظهر للتحذير لو فتحت الباب أو الشنطة أو كده
العربية دى بيظهر وراها 4 مناطق.....منطقة تمثل كل سنسور حدة......
منطقتين فى الوسط تمثل ال 2 سنسور اللى فى المنتصف و 2 منطقة سنسور فى الأجناب تمثل السنسورز الجانبية.....
كل منطقة من ال 4 مناطق عبارة عن 3 شرط سوداء ورا بعض
التنبيه عبارة عن صوت متقطع و بيان ال3 شرط: كلما أقتربت من العائق، قلت شرطة من الشرط و زادت سرعة و حدة التنبيه حتى تختفى الشرط و يصبح التنبيه صفارة طويلة متصلة عندما يصبح العائق على بعد أقل من 20 سم من خلف السيارة.....

الميزة الجميلة اللى فيه هو حساسيته للمسافة (20 سم) و ليس 30 سم زى اللى فى السوق و كمان أنو متقسم أربع مناطق منفصلة بتغطى خلف العربية كله....

يعنى لو العائق واخد سنسور جانبى و أوسط مع بعض هتلاقى منطقتين ظاهرين خلف السيارة و كل واحدة بتبين بعد العائق عنها قد أيه....

هسيب باقى الوحوش يجاوبوا حضرتك على السؤالين التانيين و بالتوفيق أن شاء الله.....