الموضوع: استفسارات في تعديل فيكترا بي ١ ٩٩

المشاركة الأصلية كتبت بواسطة apoissa

السلام عليكم الاول طبعاً انا جيبت العربيه متظبطه من بره بس مش عاجبني التابلوه من جوا مع انوا كلوا سلبم مفيش غيز فبرة الطاره مشروخه ودي قاللي ب ٥٠ جنيه استيراد تعالوا نفكر مع بعض واحده واحده ايه ممكن نعملوا من جوا :

١- التابلوه انا عندي بكر عادي في التابلوه فكرت اجيبوا تاتش مع العلم انا كل حاجه عندي شغاله بس لو جيبت الوش التاتش هيشتغل ولا فيه تعديل انا قدامي وش وهدخلوا في اللي معايا الوش كلوا شغال علي كلاموا وهجرب بردوا هوا كان بيتكلم في ١٥٠ فرق بس انا هاحاول اخدوا وادفع ٥٠ بس (السؤال المهم هيشتغل علي طوول ولا في تعديلات ومصنعية الكهربائي فيه كام ومين انضف واحد يعملوا ؟!! )

التكييف التاتش مش معمول حسابه في الدفيره عندك . لازم هتعدل في الدفيره ومنصحكش ..
ممكن تغير الفبره السودا بفبره ابانوس بتاعه ال2000 سي سي هتبقي اشيك بس كده

٢- التاره كدا كدا عندي هجيب صليبة دركسيون بس حاسس العربيه فقيره كدا من جوا ممكن التاره الملتي تحييها شويه وحتي كمان التاره دي هتكون جايه بفبرتها بكل حاجه فيها ودرعاتها علي كلاموا شغاله هشيل واركب كان هياخد مني فرق ١٠٠ بس التاره من غير الصليبه ممكن استني شويه واجيبها من عندوا بس بصليبتها وساعتها هيحكي في ٢٥٠ ولا حاجه ( مع العلم اني ناوي اجيب شاشة اعطال الكبيره اللي هيا ٤ سطر وبالتالي هحتاج دراع تقليب هيكون معايا في التاره الجديده هوفر تمنوا وهحاول اجيب الشاشه ب ٣٥٠ ولا حاجه ايه رأيكوا في الكلام دا !!)

شكل الطاره دي يحكمها الزوق اللي بيختلف من واحد للتاني انا شخصيا بتعجبني الطاره النجمه الثلاثيه اللي عندك . التانيه دي بحسها ضخمه ودايما زراير الكلاكس بتبوظ!!- غير الشاشه بس
واشتري معاها دراع التقليب.

٣- الفرش ناوي اجيب بتاع ال cdx او اشد الفرش انتوا رأيكوا ايه انا كل البيبان عندي فرشها سليم ماعدا باب السواق فرش الباب متبهدل ومكان السماعه مكسوور اللي هيا البلاستيكه دي ( اشد الفرش احسن بتاع البيبان واحاول اظبط باب السواق دا وخلاص وفرش الكراسي هظبطوا بس هوا حالتوا كويسه دا كدا يتكلف كام ومين احسن واحد يعمل الليله دا ويكون حنيين بردوا !؟
انا سمعت ان في واحد في المنصوره اسموا شعيب بياخد الفرش بتاع الباب وبيرجعوا جديد تاني وبيشد عليه جلد وبغرزه كمبيوتر اللي هيا زي اللي في الالماني الجديد ود الباب بياخد عليه ١٥٠ جنيه اصلوا بيوديه مصنع اسموا الاستاذ بس انا حاسس ان دا كتيير

روق الفرش اللي عندك احسن واوفر.. فرش السي دي اكس اللي بييجي غالبا بيبقي متبهدل ومقطع وهتشتريه ب2500ج ! -شعيب ده اللي في عبد السلام عارف ؟ انا لسه شاري منه فرش
سقف للاوكتافيا..مصنع الاستاذ ده ممكن انت تروح له مباشر هو في اول طريق المنصوره - دمياط
الزراعي . الفرش كله بالابواب هيكلفك حوالي 1200ج , جلد سكاي طبعا بس نوع جيد وغرزه بارزه واللي انت عاوزه هيعمله. عاوز حاجه احلي بس هتدفع يبقي جينز كار في مدينه نصر اعتقد

٤- التابلوه ناوي اغير النور اللي في العدادات وبقالي كام يوم كدا بدوور هنا علي حد معدل العداد ولاقيت حاجات كتير جميله هحاول العب فيه برده

لو هتغير نور العدادات (وهما لمبتين كبار بس) هتغير كل الانوار بنفس اللون حتي نور الراديو لو عندك الاصلي بتاعها !!

٥- زرار الدفايه كدا كدا مش شغال هخليه يبقي للسنتر اقفل وافتح منوا كنت قريت ان دا ممكن يتعمل هجرب اعملوا

اللي هو سخان الازاز؟ خساره .. علي العموم من غير زراير . لو نزلت مسوجر بابك وانت راكب السنتر هيقفل ولما تشده لفوق السنتر هيفتح ..

وهزود زرار في التابلوه يبقي لفتح الشنطه بالمره كان طناني عامل الموضوع دا من كام سنه كدا وعجبتني الفكره هعملوا بردوا

انت هتشغل الشنطه بالكهرباء؟ تمام وممكن بواير سلك وتشتري دراع فتح بتاع هيونداي وتركبه
جنب كرسيك.
لو انا ناسي حاجه قوللولي عليها اعملها انتوا رأيكوا ايه !!

ربنا يوفقك. لما تخلص ورينا شغلك