الموضوع: هو ده الباشا بتاعكوا اللي اسمه طناني

اكيد انت اللي فهمت العنوان غلط علي فكره انا مش قصدي وحش

كان عندي مشكله في الموتور بيطلع دخنه بيضا زي بتاعت التفويت بالظبط بس لما بقرص علي العربيه و الفتيس كان فيه رزعه جامده في المارشيدير و نصحني اخونا الاستاذ محمد طناني اني ازوره في المركز بتاعه في المعادي اخدت منه الوصفه من الدائري و تهت طبعا عشان نزلت نزله غلط المهم اني الحمد لله وصلت بالسلامه للمركز ربنا بملاه بركه و يوسع رزقه كمان و كمان ان شاء الله
كان في مشوار بيجيب قطع غيار و قاللي اقابل واحد هناك اسمه المهندس احمد بسم الله ما شاء الله علي البني ادم ده شاب محترم و زوق و ادب ربنا يبارك فيه و زي ما بيقولو الطيور علي اشكالها تقع سواء الاستاذ محمد او الاستاذ احمد اللي محصلش نصيب اني اقابله يوميها عشان مشيت بدري قبل ما يوصل المركز و اتفقت اني هارجعلهم تاني يوم الاثنين عشان نبتدي تشتغل

و كلمت الاستاذ طناني و قلتله اني ها رجعله تاني الاسبوع اللي جاي قاللي لو ينفع اني اجيله مره تانيه عشان اقيس كبس البساتم عشان نقدر نحدد بالظبط هل هو كاوتش صبابات و روديه و كلام الكبير ده و لا طقم شنبر عشان استاذ طناني هو اللي هايكشف بالجهاز قولتله هاجيلك بكره و اتفقنا اروحله بعد الساعه 2:00 المهم تاني يوم

انا رايح في الطريق العربيه عملت معايا الدنيئه و الريدياتير ضرب مني و جاب المياه اللي فيه و و اتنكدت طبعا و في مكان نعرفش ايه ظروف الصنايعيه فيه و مفيش واحد عايز يطلع معايا صنايعي يفك الردياتير عشان الصلحه او حتي يديني عده افكه انا و اركب واحد ( عشان عملت الموضوع ده كتير في عربيتي و عربيات ناس اصحابي المهم اتصلت بالاستاذ طناني اعتزرله اني مش هاينفع اجيله عشان اللي حصل معايا ليته بيقولي انا ريدياتير جديد و هاجيلك المكان اللي انت فيه اركبهولك دليفري بس قولي انت فين قولتله نعم انت بتهرج هاتجيلي وسط البلد ناحيه عابدين من المعادي الساعه 3:00 العصر و وقت خروج الموظفين قاللي اقفل و انا هاكلمك و انا في الطريق و فضلت مستني الباشا وانا كنت كلمت واحد قريبي قولتله قاللي طيب انا هاجيلك اقطرق لايه المركز اللي بنتعامل معاه بس قدامي حاجات هاسلمها و اجيلك اتصلت بيه اقوله خد وقتك و اناخلاص اتصرفت بس تابعني علي التليفون عشان تيجي تقابلني عند الباشا في المركز
المهم وصل الباشا و معاه احمد من الناس اللي شغاله في المركز شاب زي الفل و دمه خفيف و شهل فكوا مع بعض و كل ما احاول امد ايدي يقولولي خليك علي جنب يا عم الله يكرمك مش انت اللي عنلت كده في العربيه متمدش ايدك هنا عليها تاني و ابتدينا رحله العذاب قصدي الرجوع الي المركز الساعه 5:00 المغرب من وسط البلد و التحرير مقفول و هوب يمين و هوب شمال لغايه ما وصلنا لقيت البيه المحترم المهندس احمد مسيحلي في المركز كله انه قاللي من امباراح ان الريدياتر عايز يتغير و اني عطلت

نكمل بعدين عشان انا اتهديت اليوم ده و بوظت اليوم بالكامل عليا و علي قريبي اللي جه و علي الاستاذ طناني