الموضوع: اعتذاااااااااااار واجب للـ2107 مع ملحق غرائب وطرائف

اقر انا واعترف وانا اتواري خجلا واحتراقا وحزنا انني قد اخطأت في الحكم علي كل انواع اللادا وقمت بعدم التفرقة بين الـ2105 و الـ2107 رغم اني مازلت اعترف بان الاتنين متخلفين بس هناك فرق الـ2107 اكثر ثباتا وجوده

واليكم التجربة:-

ايام مكنت بعشق اللادا كنت طالب من واحد معاه لادا روسي 2007 2107 انجيكشن ان يبيعلي عربيته

وبصراحه الراجل كان مدلعها في كل حاجه يعني الار بي ام ميعلاش عن 2200 ويكون جايب الغيار اللي بعده وكل كام يوم يفتح الموتور علي 3500 لفه لثواني

بنزين 92 ولما ملاقاش حط 95

نضافه من كله وترييح علي المطبات وروشنه السنين والله مش قادر اوصف

المهم العربيه عامله 75 الف كيلو

والله ماتورها صوته احلي من صوت التويوتا ام تربو

والعربيه سوقتها علي الدولي وللعلم دي اول مره في حياتي اسوق في شارع رئيسي ههههه

العربية قمه في الثبات والاتزان بس طبعا البوش موجود للدركسيون التحفه ده

بس احسن بكتير اوي من 2105 والين في اللف اثناء الوقوف

وطبعا انا كنت بلعب علي الدولي صلح يمين وشمال وادي اشارة شمال واقوم طالع يمين وطبعا ده كان بيخلي السواقين جنبي يشكرولي كتير شويه

المهم الراجل نزلني عشان خاف علي حياته وقالي شاطر بكره نكمل الحصه ونعلمك ازاي تدوس علي الكلاكس

قولتله بس اكيد حنحتاج حصه زيادة عشان تعلمني اشغل المساحات

قالي اه بس دي خليها قبل ما تطلع الرخصه عالطول عشان متنساش

المهم العربية حلوه وانا حخدها منه علي شهر مايو كدا - وهمتكم معايا في تعديل علبة دركسيونها

المهم بالليل ركبت مع سواق تاكسي وقولتله تمرني قالي ماشي - والله حتت يوم كوميدي فطسني ضحك

السواق شاب روش شويه واخدنا علي بعض بسرعة

اول حاجه اخدت العربيه سواقه ميعلم بيها االا ربنا سرعه في الطلوع والتوقف والدوران استغفر الله العظيم

سريع في اوقات السرعه مش حلوة وبطئ علي الشوارع السريعه

المهم بدأنا المغامرات طبعا ال2107 التاكسي اقل بكتير من الملاكي لما العربيه بتبطئ لمبه البطاريه والدينامو بتنور - تقريبا السير بيتزحلق وعاوز يتغير

الدركسيون بوش اعلي والعربيه بطلت مني كتير اوي بسبب السلانسية الضعيف اوي

المهم الراجل دخلني نص شوارع اسكندرية ولاقاني بهييس

قالي تعالي علي الزراعي اسرع واوسع طلعنا

قالي بص وقف هنا حنزل افك ميه ونزل

قمت مدور العربيه وطاير ساب التجربة الكميائية بتاعته وقعد يجري ورايا شويه حلوين وبعدين وقفتله وركب وصباح الضحككككككككك

الموقف التاني واحد زنق عليا عشان كنت قافل عليه الطريق فقام هوا منورله وخلصت

انا عجبتني الفكرة قولت انور لاي حد عشان اعتزر عن اخطائي المتلاحقه

المهم سايق في امان الله وعاوز اخد واحد غرزه فقولت انورله الاول عشان يوسعلي

خير اللهم اجعله خير بنور بالدراع لاقيت ميه طلعالي من الرشاشات اتاااااااااااري انا نسيت ان دراع النور في الشمال مش في اليمين

طبعا سواق التاكسي حس انه مركب واحد مجنون بس ان طبعا كنت حنفجر من الضحك برضة

وبعدين عملت عمله قام منزلني وموصلني بيتي وانهي الحصه دخلت في بركه ميه والدنيا كانت ضلمه ومشوفتهاش

بس اللي اعرفه اننا بعد موقفنا الميه كانت نزله من السقف علي البرزبيز وهوا كان فاتح شباكه واتظبببببببببط

بس الشهادة لله الـ2107 الملاكي دي بتاعتي وششششششششششش

عاوز اقتراحتكم بقي في تعديلها وتحسينها

بالمناسبة لما كنت بدور الـ2107 النضيفة دي كان صاحبها بيقولي خليك معلق التكه اللي قبل المارش لحد ما تسمع تكه ؟؟ ايه دي مش فاهم كانت جايه من اقصي يمين الكبوت؟؟!!!

المشاركة الأصلية كتبت بواسطة hassanin_lada

حصل خير بس ماتعملهاش تاني

علبة الدركسيون قولنا نغيرها بعلبة التيوتا 82

شكلك متضايق

ايوا عارف بس لو حزود باور في اقتراحات اخري؟

المشاركة الأصلية كتبت بواسطة hassanin_lada

لا ياباشا خالص واللهي بس هي فعلا الادا مش ثابته

عموما لو ليك في الجري علبة التيوتا هتبقي انضف من البور عشان البور علي كلام بعض الاعضاء انه مش بيفصل

عموما لو اخرك جوه البلد يبقي ركب بور وهتستريح اوي في العربية

مع تاكيف ساندن ياباني هتعيش ولا كأنك راكب مرسيدس بس اعم حاجه تعزل كويس عشان التكيف يشتغل بكفاءة

اه موضوع فصل الباور ده بحاول ادورلة علي حل

بالنسبة للعربية انا ناوي اغيرلها فرش داخلي كامل وعزل طبعا

لو ينفع اعمل توسعه داخل الصالون ياريت حد يقولي

بس عاوز اعرف اجيب فرش لادا ولا لانسر زي ما بعض الاعضاء قالوا

وحركبلها سنتر وزجاج كهرباء لاني بعتبرهم من عوامل الامان برضه مش للعب وخلاص

والتكييف برضه بس خايف يضعف السحب؟؟!

تكييف وباور مع اللادا كده افتراااااااااا

وجنوط سبور

بس تعرفوا خايف اوي من حرامية البطاريات مش عارف اعمل ايه للكبوت لكي احميها