الموضوع: تقرير [بالصور ] لتغيير نص بالكامل لرينو كليو 2003 من الحادثة حتى الاصلاح ..

المشاركة الأصلية كتبت بواسطة ahmed_ramadan

مبروك العربية ... ممكن أعرف عملت الشغل ده فين ؟

في ورشه في الدويقة للاسف مش فاكر مكانها لكن ممكن اديك رقم واحد يوصفلك مكانها لو حضرتك حابب علي الخاص

المشاركة الأصلية كتبت بواسطة تامر.محمد

معلش انا اسف مشاركتي هاتبقى غلسة شوية
بس فعلا مش قادر

بس رش دواخل ايه اللي حضرتك بتتكلم فيه و تقليل سعر عربية ايه و العربية نصين ملحومين في بعض ؟
كمان حضرتك كلفتها حوالي 20 الف , لو جمعنا عليهم ال9000 اللي كانت هاتجيبهم يبقى المجموع 30 الف تقريبا , هل العربية بحالتها الحالية , مغيرة نص كامل , تسوى 30 الف جنيه لو اتباعت بالحق ؟


ربنا يعوضك و يخلف عليك ان شاء الله

استاذ تامر اولا مشاركتك مش غلسه ولا حاجة ده فعلا تساول في محلة تماماً ,, والله هي كانت ساعتها وجهة نظر ان احنا لو مخلناش صنايعية يحلوا المتور ويترش من الجوه ويرجعوه تاني فهيعكوا فيه ومش هيرجعوه زي ماكان فقلنا نخليه بحالته احسن , ومن الواضح انها كانت نظرية غلط لان فعلا زي ماحضرتك قلت الموضوع مش مستاهل الواحد يقلب العربية كلها عشان ميرشش الحوض .. الواحد كان بيتعلم بقى وبيخبط :)

بالنسبة للسعر انا معرضتهاش للبيع لكن في ناس كلمتني ان العربية لو هتتباع بالحاله دي فهي هتوصل 30 كحد اقصى , لان الفبريكة بالامكانيات اللى فيها دي هتبقى في حدود 45 .. فانا بالنسبالي اكيد هيبقى فيه خسارة كده كده لكن كانت اقل الخسائر اني اصرف عليها 20 الف وابقى الاسم معايه عربيه موديل 2003 ومقضيه الغرض الحمدلله :)