تغيير زي الباكم فى النوبيرا

**mr_kenawy** · 23-09-2008 10:30 PM

السلام عليكم سيارتى نوبيرا 2006 عاملة 25000 كم , و انا من ساكنى اسيوط , و اثناء زيارتى للقاهرة الشهر الماضى دخلت بنزينة موبيل اللى عند نفق الدقى امام نادى القضاة علشان اغير زيت , و فوجئت بشخص فكرنى بالكاميرا الخفية جه و بدون اى احم او دستور فتح تانك زيت الباكم و نزل جواه حاجة طويلة شبه الترمومتر و بعدين طلعها و حذرنى من خطورة الوضع القائم فى سيارتى و انى لازم اغير زيت الباكم فورا لانه متشبع ببخار المية , فانا قلتله ماشى غيره , و الحمد لله رد عليا بان التكلفة 60 جنية , و بالسؤال عن التفاصيل تبين ان ثمن الزيت 12 جنيه و الباقى مصنعية!!!!!
طبعا نفدت بجلدى و قلت اغيره فى اسيوط لان الصنايعية عندنا على قد الايد , لكن لفيت على كافة ورش اسيوط لتغيير زيت الباكم و كلهم فهمونى ان زيت الباكم بيتزود و ما بيتغيرش و ان بنزينة القاهرة بتشتغل الناس , افيدونى بالاصح هل زيت الباكم فعلا بيتغير و لا بنزينة موبيل بتشتغل الناس؟

**nobody** · 23-09-2008 10:47 PM

هو حضرتك الصح إن زيت الباكم بيتغير كل سنتين أو كل 40 ألف كيلو متر
لكن ده من باب الاحتياط فقط لكن لو الفرامل عندك كويسة يبقى لاداعي لتغيير زيت الفرامل اطلاقا
صانعوا السيارات ينصحون بتغييره لتسرب رطوبة الهواء بعض الشيء الى الزيت و أيضا مع الفرامل الشديدة اللتي تؤدي الى سخونة زيت الباكم الى اكثر من 200 درجة مئوية التي تعمل على فقدان الزيت بعض خواصه و تكون غازات داخل الزيت وهذا لايحدث الا مع سيارات السباق فقط لكن سيارتنا العادية هذه لاتصل الى هذه الدرجة المرتفعة من الحرارة
ايضا مع تطور زيت الفرامل اصبحت درجة غليانه تفوق 250 درجة مئوية زي Dot 4
الخلاصة لا أنصح حضرتك بتغيير الزيت الا اذا واجهت مشكلة مع الفرامل

**blazer** · 23-09-2008 10:54 PM

كل انواع الزيوت فى العربيه بتتغير زى زيت الفتيس و زيت الباكم بتاع الدبرياج و الفرامل
ودا بعد مرور فتره زمنيه معينه او عدد كيلو مترات معينه تقطعها السياره
ودا لان خواص الزيوت دى بتتاثر بلحراره
بي المبلغ اللى هو قاللك عليه دا غالى غيره عند اى حد تانى هياخد منك 10 -20 جنيه بلكتير

**Sherif Khalifa** · 24-09-2008 12:04 AM

الزيت دا فى الغالب مش بيتغير علشان دا من وظائفه الضغط الهيدروليك و ليس التزيت

**MMamdouh** · 24-09-2008 11:48 AM

زيت الفرامل بيتغير لانة بيفقد خاصية مقاومة الغليان بسبب تشبعة بالرطوبة

فترة التغيير الصحيحة هى كل عامين او 40 الف كيلو

الدايو ممكن تاخد DOT3 او DOT4 و انا انصح باستعمالل DOT4 لان درجة غليانة اعلى من DOT3

MMamdouh

**mr_kenawy** · 24-09-2008 10:32 PM

شكرا للجميع عل الرد , لكن استكمالا للفائدة ياريت محمد بك ممدوح و باقى الاخوة يفهمونى يعنى ايه dot4 ده نوع و لا ايه بالضبط , يعنى لما اجى اشتريه اسأل على dot4 و لا ده مواصفة من المواصفات و النوع حاجة تانى , معلش اعذرونى لجهلى و اهو احنا بنستفيد و جزاكم الله خير.

**mr_kenawy** · 24-09-2008 10:35 PM

على فكرة انا مش قادر افهم التعليق بتاع الاستاذ احمد عزت , يعنة ايه 999999999999؟

**ahmedezzat78** · 24-09-2008 11:55 PM

المشاركة الأصلية كتبت بواسطة mr_kenawy

شكرا للجميع عل الرد , لكن استكمالا للفائدة ياريت محمد بك ممدوح و باقى الاخوة يفهمونى يعنى ايه dot4 ده نوع و لا ايه بالضبط , يعنى لما اجى اشتريه اسأل على dot4 و لا ده مواصفة من المواصفات و النوع حاجة تانى , معلش اعذرونى لجهلى و اهو احنا بنستفيد و جزاكم الله خير.

مافيش جهل و لا حاجه ......... احنا هنا عشان نفيد بعض
DOT = Department of Transportation
الفرق بين DOT3 & DOT4 زى محمد ممدوح ما قال هوه درجه الغليان
ممكن هنا تشوف شرح مفصل شويه هتلاقى برضو درجات الغليان لكل نوع و شرح ان زيت الفرامل بيمتص الرطوبه من الجو و بالتالى خفض درجة الغليان و تقليل كفائة الفرامل و ده موضوع مهم لسيارات السباق بالذات

http://en.wikipedia.org/wiki/DOT_3

المشاركة الأصلية كتبت بواسطة mr_kenawy

على فكرة انا مش قادر افهم التعليق بتاع الاستاذ احمد عزت , يعنة ايه 999999999999؟

يعنى أؤيده فى الراى تماما

**blazer** · 25-09-2008 12:19 AM

طيب بلنسبه لباقى انواع السيارات نفس الزيت !!ولا بيختلف
و مقلتوش هو بيتغير بكام عشان الواحد يتاكد من الرقم اللى عنده :)

-

الموضوع: تغيير زي الباكم فى النوبيرا

LinkBack

أدوات الموضوع

عرض

-

-

-

-

-

-

المواضيع المتشابهه

تغيير أضائة النوبيرا بالكامل

استشارة بخصوص تغيير كاوتش النوبيرا

تغيير زيت الباكم (زيت الفرامل)

تغيير اضاءة عدادات النوبيرا و الاوبترا

تغيير سيور النوبيرا

الكلمات الدلالية لهذا الموضوع

المفضلات

المفضلات

ضوابط المشاركة