تليين الكورولا 2014

**mamado56** · 10-01-2014 09:41 AM

اعمل ايه ؟؟ 1-اقرص و اكبس من الاول عادى 2-مش هادى اوى ولا اقرص اوى 3-امشى زى مالكتالوج بيقول عالهادى اول 1000 كم.........علما بان العربية زيرو

**abofandy** · 10-01-2014 09:52 AM

بص يا صديقى
امشى سواقتك العادية خالص لو عايز تجيب 140 .. 180 هات بس بدووووون قرص او تجيب اخر الدواسة مرة واحدة .. كيك دون ..
يعنى خلى العربية تجمع سرعتها واحدة واحدة ولو عايز تشغل التكييف مفيش مشاكل خالص
انما الحذر انك تقرص على العربية ف الغيار او تدوس اخر دواسة البنزين تخلى العربية تسرخ تحت رجلك

**abofandy** · 10-01-2014 10:06 AM

لالا ... مفيش حاجة اسمها الموتور يفتح معاك دى
الموتور الجديد اى نعم بينزل متجرب ومتلين برة بودى العربية باختبار pdi
ولكن
الموتور الجديد زى الطفل الجديد بشويش علية ف الاول لما عضمة يجمد وبعد كدة ابقى شد علية اضربة مش هيقولك حاجة .. انما تقرص علية من الاول ابقى قابلنى بقى لو جابة اخرة معاك بعد كدة وتحس انه بيوصل لسرعة معينة ومبقاش يجيب سرعة معاك تانى

**Mohamed.Hany** · 10-01-2014 01:29 PM

بص انت هتاخد وقت شوية عقبال متتعود علي الفتيس ال cvt ، و انت اصلا لو عاوز تشد تو تجرى مش هتحتاج تدوس جامد هو يدوبك العربية لما بتلمس الدواسة بتديك العزم المناسب و ده ميزته.
شغل التكييف و اعمل اللي انت عاوزه بس متحرقش علي النقلة او بمعني ادق متشغلش سبورت موود فقط الي 1000 كم.