اسئله عن السيات ابيزا 1994

**chihab18** · 23-09-2008 11:53 PM

معلش سؤال نا قدامي سيات ابيزا 1994 ب 26 الف ؛ وكنت عاوز اعرف كل شيء بالتفصيل عن العربيه دي ؛ وهل تستحق الشراء ولا حتغلبني في قطع الغيار ؟
وهل صيانه الميكانيكا والعفشه بتاعتها كويسه ولا بتفتح بقها جامد ؟
هل قطع الغيار اصليه جديده بكرتونتها ولا مستعمله استيراد من الخارج ( مفكوكه من عربيه اخري ؟) لان بصراحه استويت من شراء قطع الغيار استيراد الخارج ؟فلذلك عاوز حاجه قطع غيارها سهله الشراء ورخيصه .
واخر سؤال هل العربيه دي نازل منها اوتماتيك ؟

**MotorX** · 24-09-2008 12:01 AM

المشاركة الأصلية كتبت بواسطة chihab18

معلش سؤال نا قدامي سيات ابيزا 1994 ب 26 الف ؛ وكنت عاوز اعرف كل شيء بالتفصيل عن العربيه دي ؛ وهل تستحق الشراء ولا حتغلبني في قطع الغيار ؟
وهل صيانه الميكانيكا والعفشه بتاعتها كويسه ولا بتفتح بقها جامد ؟
هل قطع الغيار اصليه جديده بكرتونتها ولا مستعمله استيراد من الخارج ( مفكوكه من عربيه اخري ؟) لان بصراحه استويت من شراء قطع الغيار استيراد الخارج ؟فلذلك عاوز حاجه قطع غيارها سهله الشراء ورخيصه .
واخر سؤال هل العربيه دي نازل منها اوتماتيك ؟

26 الف جنيه في ابيزا 94 ده سعر غريب جدا ، اما بالنسبة لقطع الغيار فهي متوفرة جدا استيراد و جديد والاسعار بتتفاوت حسب النوع والصناعة بس في معظمها اسعار متوسطة.

تحياتي

**Mohamed_Ibiza** · 24-09-2008 05:24 AM

ابيزا ب 26 الف بس .. طيب هاتلي معاك اتنين

بص ياباشا انا هكلمك الاول على العربة الابيزا 1994

من غير تحيز والله يا باشا العربية دي عشقى الاول والوحيد وان شاء الله عمري مهغير ابيزا حتى لو ربنا كرمني وبقى معايا فلوس هجيب ابيزا موديل السنة

طبعا العربية 1300 سي سي وثبات ع الارض مقولكش وميغركش حجمها الصغنن بس هي اسد وثبات عالي عالي عالي على السرعات العالية

بالنسبة لقطع الغيار زي مقال motorx هتلاقي قطع الغيار بالهبل و زي مانت عايز

هتلاقي الصيني والاسباني والالماني والايطالي والبرازيلي وهتلاقي قطع غيار جديدة ومستعملة واستيراد وكل حاجة

نيجي بقى لاعم حاجة اللي انا الصراحة مش مطمن خالص .. وهو موضوع ال 26 الف ده

بص ياباشا مفيش ابيزا 94 اقل من 30 الف

يعني انا شوفت واحدة ب 30 بس رايحة في داهية عايزة شغل جامد

لكن موضوع 26 الف وكمان فيه كلام مش معقول هيقولك سعؤ وانت تشتري من غير متنزل معاه حاجة

فانت لازم تشوف اساسيات العربية كويس

شاسيهات سليمة عاملة حوادث لقدر الله وموتور هل الموتور ده بتاع العربية ولا متغير ولو متغير هل هو مترخص وورقه سليم ولا لا

انا الصراحة ياباشا مش مقتنع تماما بالسعر ده ومتحاولش تقنع نفسك انها لقطة

من رايي متخدهش

**ramyfawzy** · 24-09-2008 05:55 AM

فعلا يا Casper
انا ماشوفتش عربية ابيزا بالسعر ده
الا لو كانت كوبيه (2 باب) ومن غير كماليات
يمكن هيا كده فعلا

بالمناسبة يا Chihab18 العربية دي 2 باب ولا 4 باب
اوعى تكون كوبيه ولونها رمادي ومتجنطة ؟؟؟؟؟

رامي (ابو احمد و يوسف)

**Mohamed_Ibiza** · 24-09-2008 06:13 AM

رامي باشا بنفسه دخل وشكلهعارف العربية وكمان بيوصفهالك

عى فكرة رامي بيه ده ابيزاوي قديم اوي

**ramyfawzy** · 24-09-2008 08:27 AM

العفو يا باشا
انا جربت اتنين ابيزا ولاتنين موديل 94
بس واحدة طلعت جوووووود
والتانية طلعت قرعة
فانا خوفي لا تطلع العربية ديه القرعة وحد زحلقهاله

رامي (ابو احمد و يوسف)

**mohamed ibiza** · 24-09-2008 08:29 AM

المشاركة الأصلية كتبت بواسطة ramyfawzy

العفو يا باشا
انا جربت اتنين ابيزا ولاتنين موديل 94
بس واحدة طلعت جوووووود
والتانية طلعت قرعة
فانا خوفي لا تطلع العربية ديه القرعة وحد زحلقهاله

رامي (ابو احمد و يوسف)

هي شكلها قرعه فعلا D:D

**chihab18** · 25-09-2008 01:08 AM

هي اربع ابواب لم ترش برة ولا جوة وفيها سنتر لوك وماتور بلادها والشاسيه سليم ؛ وصوت الماتور عادي ؛ هي اول مالك لها كانت لمعوق وهي منيوال وتم فك الحظر عليها هذا العام .وقام بسداد ضريبيتها وعاوز يبيعها .وصالونها فرشه ممتاز
واما بالنسبيه لاوراق السيارة سيتم البحث عنه في المرور بعد التأكد التام من حاله السيارة
لذلك كانت اسئلتي مركزة علي قطع الغيار وهل لو كانت حالتها ممتازة هل يعتبرها سعرها النهائي 26 الف كويس ؟
وبعدين بفكر اذا اشتريتها او اشتيرت زيها هل طلع من الموديل ده فتيس اوتماتيك لاني من انصار الاوتماتيك مهما كلف سعره ولا افضل اليدوي ابدا .
وبصراحه انا بشكركم كلكم علي سرعه الرد وربنا يجلعنا فايده لبعض لان موال العربيات ده موال طويل وخصوصا اني ملدوغ منه

**ramyfawzy** · 25-09-2008 04:31 AM

اتأكد من ورقها الاول
بالنسبة لسعرها يعتبر كويس جدا بس برضه لازم تروح تكشف عليها عند واحد متخصص
الابيزا الاتوماتيك بدأت تقريبا من موديلات 2006 (تقريبا) ومفيش قبل كده
لو انت عايزها تبقى اتوماتيك - دي بقه قصة يطول شرحها
واي خدمة يا مان

رامي (ابو احمد و يوسف)

**Mohamed_Ibiza** · 25-09-2008 05:28 AM

ياجماعة انا مش داخل دماغي خالص موضوع 26 الف ده

بس لو عموما الكلام ده حقيقي فاكيد هتكون لقطة والسعر اقل بكتير من المتوقع بالنسبة لعربية ابيزا بالمواصصفات اللي حضرتك بتقول عليها دي انها سليمة ولم ترش وممتازة

بس برضه انا مش مقتنع مش عارف ليه

بس عموما ربنا يقدم اللي فيه الخير

الموضوع: اسئله عن السيات ابيزا 1994

LinkBack

أدوات الموضوع

عرض

-

-

-

-

-

-

المواضيع المتشابهه

حكايتي المفصلة مع السيات ابيزا

السيات أبيذا 1994 تعمل كام ؟؟

انخفاض هائل لسعر السيات ابيزا

بيجو207ولا السيات ابيزا

مشاكل السيات ابيزا 2008\09

الكلمات الدلالية لهذا الموضوع

المفضلات

المفضلات

ضوابط المشاركة