60000 الف يجيبوا عربية اوتوماتيك مستعملة نوعها ايه

**lordlato** · 11-01-2014 10:58 AM

السلام عليكم شباب

ممكن مساعدتكم فى شراء سيارة مستعملة فى حدود 60000 الف و تكون اوتوماتيك

يا ترى المبلغ ده يجيب ايه و تكون حالة نضيفة ؟؟

**Yousef.Kamel** · 11-01-2014 11:53 AM

ممكن صني 2003 ياباني حالة نظيفة

**lordlato** · 11-01-2014 01:40 PM

متشكر جدا على الرد بس العربية سواء الصنى او الجين تو أوتوماتيك ؟ خصوصا الجين ؟ و يكون عدادهم اد عامل اد ايه ؟

**ahmedalaahosny** · 11-01-2014 02:03 PM

سيبك من حوار العداد ده المهم الحاله ما العداد سواء عادي ولا ديجيتال بيتلعب فيهم اهتم بالحالة اكتر دوكو خوارج ودواخل و عفشة وفرش ومكنة يعني في اعلان علي كونتكت كار عن واحده 2007 اوتوماتيك فابريكه ب62 الف عاملة 109 الف كيلو طبعا سيبك من العداد دلوقتي المهم الحالة بس وبرده سيبك من اسعار الاعلان ساعة الدفع ممكن تيجي باقل من كده وعامة خدلك لفة كده كونتكت كار ولا دوبيزل واتفرج علي الاسعار بس اعمل حسابك انها ف الاخر بتدفع تمن غير المكتوب ده باقل من 3 الاف ع الاقل وبالتوفيق ان شاء الله

**ahmedalaahosny** · 11-01-2014 02:06 PM

اهم حاجة اشتري من‎ 2007‎‏ فما فوق يعني هتلاقي 2006 بخمسينات سيبك منها كان فيها شوية عيوب واتظبطت ف 2007

**Ayman_Amer** · 11-01-2014 02:15 PM

ممكن بريليانس frv 2009
اتوماتيك جميع الكماليات

**Yousef.Kamel** · 11-01-2014 02:28 PM

المشاركة الأصلية كتبت بواسطة lordlato

متشكر جدا على الرد بس العربية سواء الصنى او الجين تو أوتوماتيك ؟ خصوصا الجين ؟ و يكون عدادهم اد عامل اد ايه ؟

طبعا اتوماتيك ....... ولو عاوز نصيحتي ممكن تزود من 5 الي 7 الاف تاني وتجيب 2005 افضل من 2003 بسبب ان الموتور 1600 لكن 2003 دي موتورها 1300 بس منصحكش انك تجيب بعد 2005 لان كل اللي بعديها ده تقفيل مصري وكله شكاوي وانا من وجهة نظري شايف انها افضل بمراحل من جين 2 ولا تقارن بها اصلا

**lordlato** · 11-01-2014 02:43 PM

متشكر على مساعدتكم....انا اللى عاوزه عربيه تكون اعتمادية و مصاريف تشغيلها كويسه من قطع غيار و خلافه...انا لا بتاع جرى و لا شد عايز عربية اقضى بيها مشاويرى و اسافر بيها مره و لا اتنين فى الشهر تكون عفشتها كويسه و تستحمل مطبات عشان انا من الزقازيق و الطرق عندنا عبارة عن مطبات و فيها طرق..و اهم حاجة مالفش بيها على الميكانيكية انا خايف من المستعمل بسبب الموضوع ده بس الجديد غالى جدااااا