تخيل لو انت بقه معاك مليون جنيه ، هاتعمل بيهم إيه وهتصرفهم إزاي ؟ واول حاجة هاتشتريها إيه هيه ؟
عرض للطباعة
تخيل لو انت بقه معاك مليون جنيه ، هاتعمل بيهم إيه وهتصرفهم إزاي ؟ واول حاجة هاتشتريها إيه هيه ؟
بيتهيألى فى زماننا ده، الحلم يبتدى من 20 - 30 مليون على الأقل علشان الواحد يقدر يحلم. :D :D :D :D :D علشان الواحد مايبقاش مزنوق فى الحلم كمان.
يا عم بس يجي المليون الاول وبعدين ربك يفرجها :Dاقتباس:
بيتهيألى فى زماننا ده، الحلم يبتدى من 20 - 30 مليون على الأقل علشان الواحد يقدر يحلم. علشان الواحد مايبقاش مزنوق فى الحلم كمان.
المليون جنيه صحيح ماتحققش احلامنا دلوقتي...قول من 3 مليون ماشي يمكن يعملوا حاجه :lol:
لو بتحلم بمرسيدس s 500 من غير حاجة تانى يبقى المليون ما تكفيش ، شوف بقة انت لو بتحلم جنبها بفيلا مثلا أو شاليه فى الساحل الشمالى يبقى انت عاوز كام ، لو تمشيها مليون دولار يبقى انا موافق :lol: :lol:
خلينا نقوم 1000,000 USD $$ عشان الواحد ياخد حقة فى الحلم
بنص التمن افتح شركة تعديل سيارات 8) بس طبعا مش فى مصر
و بالنص الباقى الا شوية 8) اشترى شقة فى منهاتن و اأجرها
و الباقى صرررررررررررررررررررررررر رررررررررررف
انا بقي لو معايا مليون دولار...هجيب حتي ميني كوبر سبشيل اوردر بي كذا الف cc :lol:
و حتي ram تعبانه كده....و ممكن جنبيها اي حاجه برضوا نص كم علشان البهدله سيفيك الجديده مثلا
اما بقي الاستثمار فانا نفسي اشتغل في السيارات ....افتح ورشه ذي برنامجpimp my ride :lol:
و اجيب ارض في حتي حلوه كده و ابني فيلا علي قدي
خلينا نبص من زاوية تانيه اذكر بها نفسي واياكم
انت عارف المليون جنيه هتوقف كام سنة يوم القيامة علشان تتحاسب عليها من اين حصلت عليها وفيما انفقتها ؟؟؟؟؟؟؟
اللهم ما أحفظنا وارحمنا برحمتك يا كريم
يتم استثمارها عقاريا.........
تشترى أرض + تتفق مع مقاول يبنيها ثم تباع الوحدات السكنية وتوزع الربح بينك وبين المقاول = بقى معاك 2 مليون ، تعملها تانى وتالت ورابع لحد ماتزهق ، وطبعا لو الواحد معاه فلوس كتير الشيطان هيوزه ما يصرفش فى الخير علشان يحوّش و (مايفتقرش تانى) ودى هتبقى مهمة صعبة ، يعنى اللى يقدره يبقى من الجوادين وهو معاه المبلغ ده هيلاقى بركة وخير أكتر مما يتوقع..
وعموما دا ردى على سؤالك لكن بصراحة بصراحة أنا مش عايز مليون جنيه
انا لى رأي مختلف: لو معايا مليون جنيه معملش إيه ، لأانى شايف ان المليون جنيه مش كافية علشان الواحد يعمل اللى هو عايزه لك ممكن يكون كافيه ا الواحد يبطل يعمل شوية حاجات هو مش عايز يعملها
لو معايا مليون جنيه هشترى شقة فى دور منخفض ويكون لها جراج فى أى مدينة جديدة وسيارة تمشى الحال من ام 60 الف جنيه (يعىن قول كله حسبة 300 ألف)واحط الباقى فى البنك واعيش بفوايدهم ودة هيخلينى معلمش الآتى:
1- مش هاصحى الصبح مسروع كل يوم على صوت المنبه اسب والعن علشان الحق اليوم قبل ما يروح
2- مش هلبس هدومى واحلق دقنى وافطر واشرب الشاى كله فى وقت واحد علشان معاد الشغل
3- مش هانزل السلم وانا بربط الجزمة وازرر الحزام واظبط الكرافته
4- مش هتخانق مع البواب اللى صنفرلى بوية العربية وطبقلى صاجها بدعوى تنظيفها
5- مش هكافح وسط غابة من الميكروباصات وسيارات الجيش والشرطة والبلوى الجديدة التى ابتلينا بها(المينى باص الأخضر) والتى ثبت علميا انها عبرة عن طفرة جينية مشوهة وراثيا من الميكروباص
6- مش هايطلع عينى ادور على ركنه تكون نسبة الأمان فيها عالية وبعيدة عن النواصى والملفات ولا هيطلع عينى اغطى العربية منعا من الشمس والمفكات العابرة مع بعض الزيت على الغطاء منعا من جلوس الصبية والمشردين عليها
7- مش هحتاج اعتذر عن التأخير فى الوصول لمكان العمل
8- مش هايطلع عينى طول النهار لمحاولة التوفيق بين الموارد المتاحة فى مكان عملى والمطالب التى لا تنتهى لعملائى وتحمل زعيق وسباب هؤلاء لمطالباتى التى يرونها مبالغ فيها وأولائك لتاخيرى فى تنفيذ رغباتهم
6- مش مضطر ادفع جنيه لا لزوم له لكائن ارزقى بلطجى قرر انه يفرض سطوته على المكان الذى تنتظر فيه سيارتى ، ولازم ادفعله لأنى بركن فى نفس المكان كل يوم ولو مدفعتش النهارد سهل جدا انى اجى الاقى العربية مطبقة بكرة وما اسهل انه يقول مشافتش حاجة
7- مش مضطر انى اتحمل الإهانة والبهدلة من السوقة والرعاع فى الشارع خوفا على سيارتى من ان يتلفها احدهم لو ابديت اى رد فعل على تغابيه على فى القيادة او اهاناته
8- مش هاضطر انى انام تاركا فيلمى المفضل فى منتصفه حتى احصل على قسط كافى من النوم لكى الحق بيوم العمل التالى
شفتم بأه ان الفلوس ممكن الدنيا ممكن تخلى الدنيا جنة لو فكرنا فى الحاجات اللى الفلوس ممكن تخلينا منعملهاش، اكتر من الحاجات اللى الفلوس ممكن تخلينا نعملها
ايه يا أ/سبعاوى، انت شاطر فى كل حاجة كده، خليت الواحد شكله طماع. :oops: :oops: :oops:اقتباس:
المشاركة الأصلية كتبت بواسطة sab3aawy
خلاص يا أسلام باشا، مش لازم 20 مليون زى ما كنت انا فاكر، العملية ممكن تتقضى بمليون واحد، يا ترى هتسلمنا أمتى؟ :lol: :lol: :lol: :lol: :lol:
مع احترامي لرأيك يا بشمهندس سبعاوي....بس ماجبتش خالص فكره الشغل...
و اعتمدت علي فوائد البنك و ده في نفس الوقت يعتبر حاجتين غلط
مع احترامي يعني كده الواحد يكون عاطل :shock: و مش بيعمل اي حاجه مفيده
و فوائد البنك تعتبر ربا.....
المفروض الواحد يكون ليه طموحات نفسه يحققها غير السكن و العربيه مثل مشروع كان يحلم بيه.....
ما دول مشاريع بيحلم بيهم ملاين الشباب، بس احنا المش واخدين بالنا منهم.اقتباس:
المفروض الواحد يكون ليه طموحات نفسه يحققها غير السكن و العربيه مثل مشروع كان يحلم بيه.....
مليون جنيه كفايه اوي الصراحه.
اول حاجه حجيب مثلا عشر عجول ولا حاجه و ادبحهم و اوزعهم علي الفقراء و اطلع فلوس لله كمان.
تاني حاجه اشتري خمس ماكينات كمان و اكبر المصنع بتاعي ساعتها بقي الفلوس حتجيب فلوس حيجيلي اضعاف اضعاف المبلغ دا اقدر اعمل اللي عاوزه
مين قال كده يا نادر....دا لو انت بصيت من كذا ناحيه هتلاقيها انها غلط 100%
ده بس لما الواحد بياخد الاجازه ...مافيش اسبوعين بالكتير و الواحد بيزهق و بيكون عايز يعمل حاجه....
غير ان ربنا ما قلش اننا نوعد فاضيين مش بنعمل حاجه ...دي حتي حرام
و غير موضوع الفوائد...يعني انا بصراحه مش متاكد من الكلام ده لو انا معايا مليون جينه
بس معظم الناس عارفه ان الفوائد حرام و تعتبر ربا....و علي قدر الامكان تحاول تشتغل علي الاقل ذي ما بيقولوا سلي نفسك بحاجه بتكون بتحبها
يا عمرو انا ببص للموضوع من زاوية تانية، مش بتكلم على ان الواحد يقعد في البيت ولا لأ، هو حد لاقي شغل اصلاً :D ،"في ملايين راكنة في بيوتها وفي القهاوي"، ظروف الناس وحشة جداً، مش علشان انا ولا انت معندناش مشكلة يبقى الناس كلها عيشة في رخاء ومش فارق معاها مليون جنية مثلاً، لأ في فعلاُ ناس كتير تتمني 10000 تدفعهم في شقة ايجار قديم في منطقة شعبية و5000 تدفعهم في فرش الشقة.
اما بالنسبة لفوائد البنك فدي قضية اخرى يطول النقاش فيها :D .
فى كلام كتير على الموضوع دهاقتباس:
المشاركة الأصلية كتبت بواسطة 3mr Farrag
و فى بنوك اسلامية, و مصرح بشرعيتها من جهة دار الافتاء
ده غير سبل كتير باستثمار الفلوس دى بطريقة سليمة شرعا, و تعود بفوائد
انا بقى مش هقول هعمل ايه, غير لما اخد المليون بتاعى :lol:
على رأي النكتة بتاعت زماااااااااااااااااااان .............. أول حاجة اعملها.......أعدهم 8)
بما ان الاقربون اولى بالمعروف وبما ان بلدنا معظمهم اقاربى فهوزع على المحتاجين منهم ربع المبلغ الى معايا وومكن اشترى شقة فى الاسكندرية او بورسعيد والباقى يتحط فى البنك ومش محتاج من الدنيا اكثر من هذا, معتقدش ان اى مبلغ ممكن يخلينى ابطل اشتغل او ابطل اسعى لتحقيق احلامى حتى ولو كان مليار مش مجرد مليون, انما العمل عيادة ولكن اعتقد ان الواحد ممكن يستريح شوية فى مشروع خاص بيه ويصبح مدير نفسه وربنا يكفينا شر الشيطان ويثبتنا عند السؤال...
انا طول عمرى بأحلم بحاجه غريبه مش مفيده بس نفسى فيها من زمان نفسى فى يخت 3 حجرات كده على قد حاله كل مأروح مارينا أو بورتو مارينا يجى لى جنان من اليخوت اللى هناك
واقتباس:
يخت 3 حجرات
:D طيب ازاي بقى ؟؟!اقتباس:
كده على قد حاله
يعنى هو الواحد عمره حيكون معاه مليون اهه كلام :lol: :lol:
ربنا يرزقنا جميعا "بالحلال" يا دكتور ويديم علينا نعمة القناعة :Dاقتباس:
يعنى هو الواحد عمره حيكون معاه مليون اهه كلام
امين يارب العالمين
انا عن نفسى حشترى شقة على البحر فى الأسكندرية و فى دور عالى ( العاشر مثلا ) و اجيب عربية كويسة مثلا مازدا 3 اعلى موديل :) او سوبارو امبريزا ( بفتحة سقف و سبويلر ) او ممكن اجيبها WRX ههههههههه ( ولا فى الاحلام ) و احط الباقى فى البنك :)
انت كده مش هتحط الباقى فى البنك، أنت كده هتحتاج قرض من البنك. :D :D :D :Dاقتباس:
المشاركة الأصلية كتبت بواسطة fahd_628
طب مش هندفع الا لما تقول :lol: :lol: :lol: :lol: :lol: :lol:اقتباس:
المشاركة الأصلية كتبت بواسطة معاذ الشرباصى
خلاص احنا كدة عرفنا الملايين فين :wink:اقتباس:
طب مش هندفع الا لما تقول
اقتباس:
المشاركة الأصلية كتبت بواسطة Nader
أنا و الحمد لله عندى مليارات ما تتعدش، عارف فين، بص فى الصورة اللى تحت و أنت تعرف :D :D :D :D :D
ربنا يحفظها لك ويبارك لك فيها.اقتباس:
أنا و الحمد لله عندى مليارات ما تتعدش، عارف فين، بص فى الصورة اللى تحت و أنت تعرف
انا طموحى الوحيد يتمثل فى انى اتمنى ان تكون لدى القدرة المادية على الإنعزال عن هكذا مجتمع وهو دة اللى حاولت اعبر عنه ، من خلال تصويرى لمشاهد يومية مزعجة من حياه كل واحد يتمى ان يؤتى القدرة على تجنبها وانا شفت ان المليون جنيه تحققلى الطموح ده فكتبت عن طموحى، ومتهيألى ان السؤال كان عن ايه اللى ممكن اعمله بمليون جنيه، مش إيه اللى ممكن اعمله بمليون جنيه على ان يرضى جميع الأطرافاقتباس:
المشاركة الأصلية كتبت بواسطة 3mr Farrag
يا راجل ده مجتمع بيعقد الدنيا حتى فى الأحلام، يعنى الى جانب معاناتنا اليومية فى كل كبيرة وصغيرة حتى لما الواحد يحلم بحاجة يلاقى اللى طالعه يفلسفهاله ويقول له صح وغلط وقيم ومثل، يعنى حتى الحلم فى هذا المجتمع تجد فيه معاناه، يبقى مش بذمتك ده مجتمع بصير اجتنابه طموحا يتمنى المرء تحقيقه؟
لا اعتقد اننا نستطيع الانعزال عن هذا المجتمع يا صديقى وقد حاولت بالفعل من قبل ولكننى فشلت فشل ذريع فانا لن استطيع ان اصنع طعامى وشرابى ودوائى وبالتالى ساظل فى احتياج للتعامل مع البشر ومع المجتمع , فلماذا انعزل اذن ؟؟؟
الحل الوحيد هو التاقلم وتجنب وجع الدماغ بمعنى انى بدل ما كنت بنزل 10 مرات فى اليوم بقيت بنزل 3 بس واقعد فى البيت احسن من انى امشى فى الشارع واحك فى دة واسب فى دة وكله علشان الناس معدش عندها احترام او مبادىء وكله بيهبش وبيجرى.
عن نفسي سأحاول بقدر المستطاع البعد عن المجتمع كما قال سبعاوي - و العزلة في بعض الأزمنة خير من الأختلاط لبعض الناس و الذي أعتقد إنني منهم كما إن الأختلاط لبعض الناس -ذوي القدرات الخاصة - أفضل لهم و للمجتمع الذي لا يستغني عن مثلهم - و أنا لا أعتقد إنني منهم-
مع البعد عن شبهه البنوك يعني ممكن بنك أسلامي
و ما فيش مانع أشتغلي سنة كدة شغل غناوة و أطلع عين المدير بتاعي :) و برضه أدي كام واحد من الزملاء المسنودين علي دماغه :twisted: و بعدين أسيب الشغل 8)
مفيش أجدع من :
الواحد يمتلك أرض كبيره جدا ( وياسلام لو جزيرة ) يعمل فيها مزرعه ضخمة فيها من كل الحيوانات من الفرخة للنعامة و الخيــل و يزرع من كل الأنواع و يكون قريب أوى من البحر عشان يعيش على خير الزراعه و خير البحر من الفسفور :)و الذى منه و كمان يعيش وسط الطبيعه الجميله و بعيد عن الهم كله :)
وفى نفس الوقت يكون عنده كل المفيد من التكنولوجى يعنى مش معزول بالعكس عنده إتصال بالعالم الخارجى برده و يقضيها خيــل و سباحة و غوص و أكل طبيعى من غير هرمونات و هواء نضيف :) ..... يظهر إنى بحلم بالجنه :)
بس طبعا ده بعيد عن رقم المليون المذكور لأن ده هايحتاج أكثر من مليون دينار كويتى :)
[quote="memo_hefnawy"]مفيش أجدع من :
الواحد يمتلك أرض كبيره جدا ( وياسلام لو جزيرة ) يعمل فيها مزرعه ضخمة فيها من كل الحيوانات من الفرخة للنعامة و الخيــل و يزرع من كل الأنواع و يكون قريب أوى من البحر عشان يعيش على خير الزراعه و خير البحر من الفسفور :)و الذى منه و كمان يعيش وسط الطبيعه الجميله و بعيد عن الهم كله :)
وفى نفس الوقت يكون عنده كل المفيد من التكنولوجى يعنى مش معزول بالعكس عنده إتصال بالعالم الخارجى برده و يقضيها خيــل و سباحة و غوص و أكل طبيعى من غير هرمونات و هواء نضيف :) ..... يظهر إنى بحلم بالجنه :)
طبعا أنت بتحلم بالجنة - بس ممكن دي تكون أقل درجاتها - بالأضافة إلي أن الجنة داااااااااااااااااااااااا ااااااااااااااااااااااااا اااااااااائمة... :D
يا بشمهندس سبعاوي انا ولا بعقد الامور ولا حاجه .....دا مافيش احسن من الراحه يا باشا :lol:اقتباس:
المشاركة الأصلية كتبت بواسطة sab3aawy
صحيح كل واحد وليه وجهه نظر كيفيه صرف المليون جينه ...الا كانت الناس عايشه ذي بعض.....
وانا اسف اني عكننت علي حلم حضرتك :(
ليه يا أستاذ سبعاوى لم تحضر المقابلة ولم ............ ؟؟
سبعاوى كان فعلا جاى المقابله لكنه تعرض لإصابة أثناء تصليح المرش إللى علق فجأة فى عربيته الريجاتا
والإصابة كانت فى الركبة إللى عنده فيها رباط صليبى و كان يوم صعب جدا عليه شفاه الله و عافاه
هو كان نفسه يجى بس مكنش ليه نصيب قدر الله و ما شاء فعل
أعمل مشروع يستفيد منه أكبر عدد من الشباب الجاد