غداً.. إغلاق محور الدائرى أعلى طريق مصر إسكندرية الصحراوى

**kokowasfy** · 11-01-2014 03:17 PM

أكد مصدر أمنى أنه سيتم البدء فى إصلاح وتجديد فواصل الطريق الدائرى "القوس الغربى" بمنطقة أعلى طريق مصر- إسكندرية الصحراوى، غداً "الأحد" فى تمام الساعة 12 ظهراً لمدة 60 يوما، حيث تقرر غلق الوصلة للقادم من طريق مصر- الواحات اتجاه الطريق الدائرى "القوس الغربى"، وكذلك غلق تلك الوصلة من جهة القادم من الطريق الدائرى "محور المنيب"، على أن يكون خط سير المركبات على النحو التالى :-

القادم من مدينة 6 أكتوبر بطريق مصر- الواحات وطريق مصر- الفيوم اتجاه الطريق الدائرى " القوس الغربى " يسلك طريق مصر- الفيوم، ثم ميدان الرماية، فإذا كان يرغب فى التوجه للطريق الدائرى الزراعى عليه أن يسلك شارع الأهرام يساراً طريق المنصورية يميناً شارع الملك فيصل – يساراً طريق ترعة المريوطية فمطلع الطريق الدائرى " القوس الغربى ".

القادم من الدائرى " محور المنيب " اتجاه مدينة 6 أكتوبر يسلك مسطح المريوطية – طريق المريوطية أول المنصورية – طريق المنصورية – ميدان الرماية – طريق مصر الفيوم يمين طريق الواحات.

تم إعداد اللوحات الإرشادية وتعيين الخدمات المرورية اللازمة أمام التقاطعات لإرشاد المواطنين لتحقيق السيولة المرورية، حيث تقوم الأجهزة الأمنية بتعين الخدمات المرورية فى تلك المناطق.

وهناك اتجاه قوى أنه فى حال تكدس الحالة المرورية بسبب غلق الطريق الدائرى سيتم فتح الطريق مرة أخرى، وسيتم إعداد خطة بديلة لإصلاح الطريق الدائرى
الموضوع منقول الافادة

**hugan** · 11-01-2014 03:20 PM

انا حاسس ان اغلاق الدائري ليه هدف تاني غير اصلاح الفواصل
فواصل ايه اللي عايزه 60 يوم اصلاح والطريق يتقفل
طول عمرهم بيشغلوا نصف الطريق ويشتغلوا في النص التاني
البلد اصلا الطرق فيها مصابه بالشلل الرباعي
مش ناقصه الدائري كمان
اكيد في سبب تاني

**kokowasfy** · 11-01-2014 04:34 PM

متابع نشوف اراء الاعضاء

**kazamodia** · 11-01-2014 04:46 PM

المشاركة الأصلية كتبت بواسطة hugan

انا حاسس ان اغلاق الدائري ليه هدف تاني غير اصلاح الفواصل
فواصل ايه اللي عايزه 60 يوم اصلاح والطريق يتقفل
طول عمرهم بيشغلوا نصف الطريق ويشتغلوا في النص التاني
البلد اصلا الطرق فيها مصابه بالشلل الرباعي
مش ناقصه الدائري كمان
اكيد في سبب تاني

الشعب كله عنده اعتقاد اننا عايشين في مؤامرة
سبحان الله حتى في دي ؟

**kokowasfy** · 11-01-2014 05:21 PM

المشاركة الأصلية كتبت بواسطة kazamodia

الشعب كله عنده اعتقاد اننا عايشين في مؤامرة
سبحان الله حتى في دي ؟

يا استاذ هوة احنا منقصدش مقامرة ولا حاجة لا بس غريبة شمعنا يقفلوا الطرق فى الاوقات دى بذات ؟

**fourseasons** · 11-01-2014 05:47 PM

طب رأى حضرتك ممكن يقفلوه امتى؟

**hossam_elwani** · 11-01-2014 08:22 PM

المشاركة الأصلية كتبت بواسطة fourseasons

طب رأى حضرتك ممكن يقفلوه امتى؟

على فترات زمنيه مختلفه ومدروسه + انهم يشتغلو بالليل

**rompo10** · 12-01-2014 12:58 AM

حتي دوله متخلفه في الاصلاح ما طول عمرهم بيقفلوا المكان اللي بيصلحوا فيه بس كده القاهره هاتتصاب بشلل مروري تاااااااااااااااااااااااا ااااااااااااااام ولازم توافق عشان كله يرجع زي ما كان