تكيف 301 Allure و ال Settings

**maxx** · 11-01-2014 03:18 PM

السلام عليكم

يا رب تكونوا بخير

قريت كذا مشاركة عن تكيف ال 301 الهايلاين ...

ان في مشكلة مع ال settings انها مش بتعمل Save ! و كل مرة لازم تظبط التكيف من الأول!

امبارح كنت فى التوكيل بدفع باقي المقدم ... و قولت اجرب ... دورت العربية ... فتحت التكيف (المفروض ما يتفتحش غير و العربية ماشية على 30 حسب الكتالوج بس ده للتجربة فقط) غيرت ال settings بتاعة تدوير الهوا و الفتحات و سرعة المروحة ...

بطلت العربية

دورت تاني

شغلت التكيف ... زي ما كنت عامله.

يمكن انا مش فاهم !!! او يمكن السوفت وير في الدفعة الجديدة افضل؟!

يا ريت Steps to reproduce the problem من الناس اللي لاحظوها

علشان ندور على حل مع بعض :)

شكرا لكل اللي بيشاركونا بخبراتهم ... اعتقد ان قسم بيجو من انشط اقسام المنتدي المتخصصة فى الماركات. ان مكانش انشطهم.

شكرا مرة تانية

**nonalaziza** · 11-01-2014 05:48 PM

هي الناس كانت بتقول تنها مش بتحتفظ بأخر ضبط و بيتم ضبط التكييف كل مره. وان التكييف التاتش بيطلع هوا من الهوايات او بمعني اصح بيدخل هوا من بره حتي لو كان الضبط انه مش يدخل هوا من بره.
علي فكرة انا مش ملاك العربية بس متابعه الأخبار

**Akram.Gamal** · 11-01-2014 06:25 PM

المشاركة الأصلية كتبت بواسطة nonalaziza

هي الناس كانت بتقول تنها مش بتحتفظ بأخر ضبط و بيتم ضبط التكييف كل مره. وان التكييف التاتش بيطلع هوا من الهوايات او بمعني اصح بيدخل هوا من بره حتي لو كان الضبط انه مش يدخل هوا من بره.
علي فكرة انا مش ملاك العربية بس متابعه الأخبار

لا موضوع الهوايات ده عرفت الحل بتاعه وهو انك تضغطى على زرار تدوير الهواء
الزرار ده بيقفل الهوايات الكترونى
[IMG=http://imagizer.imageshack.us/v2/800x600q90/542/rjvz.jpg][/IMG]

بالنسبه لموضوع التكيف الفكره معايا ان طريقة قفل و فتح التكيف نفسها بتضيع الضبط
بمعنى ايه .. فى التوكيل قالى لما تفتح التكييف اول حاجه افتح المروحه و بعد كده اضغ\ على زرار ac او ac max و لما تيجى تقفله اعمل نفس الخطوات بالعكس

مش عارف بقا حضرتك عملت كده ولا قفلت و فتحت ازاي ؟.

**Akram.Gamal** · 11-01-2014 11:38 PM

المشاركة الأصلية كتبت بواسطة maxx

اه انا كده فهمتك يا استاذ اكرم ...

التكيف ده لا هو مانيوال ولا هو اوتوماتيك ... و علشان كده بيحصل كده

اللي هتفضل مظبوطة هي اختيارك لفتحات التكيف انا كنت فاكر ان دي اللي بتطير d:

اللي انا عملته اني قفلت التكيف و سبت المروحة شغالة و بطلت العربية ... دورت العربية اشتغلت علي نفس اللي كنت سايبها عليه نفس درجة المروحة و نفس فتحات التكيف.

"هو تكيف مانيوال عامل فيها اوتوماتيك"

الجملة دي كانت فى تقرير واحد من زمايلنا على المنتدي ... و ما فهمتش غير دلوقتي و علشان كده كل مرة لازم تظبط المروحة من الأول

بالظبط كده و بعدين عايز اقولك حاجه
هو اسمه تاتش محدش قال انه اوتوماتيك

فبالتالى هو تكييف مانوال عادى بس بدل البكر زراير و تاتش