مشكلة في كورولا 2014

**waelgeorge** · 11-01-2014 10:06 PM

انا كنت في صيانة ال٥٠٠٠ وسالتهم بخصوص الارتفاع عن الارض قالولي ان الشركة هتنزل تعديل وهنتصل بكم والدفعة الجديده اعلي حاجات بسيطة بس غليت عشرة الاف جنيه
سؤال بقي فيه شكوتين انا بشتكي منهم من ساعة ماجبت العربية هل هما عند كل الناس ولا انا بس
الاولي هي ان فيه صوت تزييق في العفشة الامامية لما بكون طالع مطب ونازل بس المطبات الرفيعة اللي هي واطية وتاخدها وانت ماشي بس مهدي
الثاني هو فيه رعشة خفيفة في الدركسيون ودواسة الفرامل بالذات لما بكون واقف وعلي d او ماشي في زحمة هي رعشة خفيفة بس رخمة بنزل من العربية احس ان جسمي منمل

**hugan** · 11-01-2014 10:11 PM

حلو التعديل ابو 10000 جنيه
يعني يرفعوا العربيه 2سم ب10 الاف جنيه
يابلاش

**abofandy** · 11-01-2014 10:37 PM

ياجماعة العربية مزادتش علشان تعديل الارتفاع
التعديل كدة كدة هيتعمل

ثانيا . العربية زادت 4 الاف للفئة التانية
و5 الاف الهاى لاين

مفيش زيادة رسمية غير كدة

ثالثا الكورولا مهاش عوار يا صديقى علشان تقول ب 200 الاف لية
الالمانى سعرع دلوقتى سافر .. الاوكاافيا الى هى فيها مشكلة لبفتيس وصلت 270 الف
وبعدين بص ع اسعار الكورى وساعتها اتحدك تقول ازاى الكورولا تجيب 200 الف

**abofandy** · 11-01-2014 11:03 PM

العيوب دى تلافت اخى ... الاولى ربط عفشة والدنيا هتظبط
الرعشة دى لازم تزور التوكيل
وانا رديت عليك ف موضوع سابق عرضت انت فية المشكلة

**abofandy** · 11-01-2014 11:04 PM

بس انت بخيل
علشا مقولتش معلومات لينا بخصوص صيانة 5000
عملوا اية .. غيروا اية .... دفعت كام .. التفاصيل يعنى !!!!!

**Mohamed.Hany** · 11-01-2014 11:52 PM

في رعشة خفيفة بتحصل في كل العربيات لما بتحمل حاجة علي كهربة العربية و بتبان اكتر لو ممور او جايب نقلة و مفرمل تيجي بقا تدوس علي زرار الزجاج تحس بيها او لو نورت النور و تلاحظ كمان الار بي ام وطي شوية .
دى حاجة طبيعية جدا و كانت في كل العربيات اللي ركبتها فبل كدة.
التزييق ده حاجة انت ناسيها في العربية مكنش كده يبقي حاجة في العفشة.
التعديل مش ب 10000 جنيه، و العربية زادت مش عشان التعديل و زادت 4000 بس وده عشان اسعار السنة الجديدة و تغيير سعر الدولار و مش في الكوروﻻ بس ده في كل العربيات.
و بالنسبة لسعر ااكوروﻻ 200 الف فهي مش ب 200 الف هيا الفئة الرابحة ب 185 و بقت ب 189 الف و هي تستاهل اكتر من كدة بكتيير و ده بالمقارنة و التجربة، اما الالماني بالجولف ب 225 الف و الاكتافيا ب 270 الف و زيها البيجو 508. و انا في رأي لا تقل شئ عنهم بل تزيد و كفاية ان مفيش فتيس dsg و العياذ بالله.