الموضوع: مقارنة بين الامجراند و الفيرنا

بسم الله الرحمن الرحيم

من اسبوع تقريبا كنت عند خالي و ابن خالي اشتري فيرنا موديل 2014 فقلتلة تعالي يلا فرجني علي الفيرنا وانا هفرجك علي الجيلي قالي ماشي وبعدين واحنا بندردش قالي انا كنت محتار بين الفيرنا و الجيلي بس اشتريت الفيرنا عشان اسعار قطع الغيار و سهولة الصيانة قلتلة ياسيدي ربنا يباركلك فيها ويحفظهالك ويلا ناخد لفة بالعربية قالي ماشي الاول فرجتة علي الجيلي و دور العربية ورجع بيها بتاع 5 متر وطلع قدام تاني وبعدين قالي يلا نجرب الفيرنا ركبنا هوة الي سايق لحد مكان فاضي قلتلة تعالي هاتني مكانك عاوز اسوقها قالي تعالي ركبتها قلتلة هقرص عليها قالي لا بلاش مبحبش اقرص قلتلة مفيش مشاكل مشيت بالعربية و انطباعي عنها العربية خفيفة اووووووووي وباين في الطلعة السحب افضل شوية من الامجراند بس انا توقعت الاقي طيارة بصراحة تحت رجلي لاكني لاقيت الفارق مش كبير اوي وممكن دة بسبب ان ابن خالي مبيقرصش علي العربية مشيت بيها بتاع 100 متر وبعدين كان في ملف قوي كنت ماشي علي 60 فقالي هدي السرعة عشان الملف قلتلة عادي دي السرعة مش عالية قالي هدي بس قلتلة اصبر اخدت الملف لاقيت العربية خفيفة اوي علي الملف وحاسس ان الثبات مش حلو قوي قمت مهدي السرعة شوية وبعدين لفيت ورجعت تاني وجربت التكييف و الكاسيت وبعدين رجعنا البيت وقلتلة تعالي نجرب الجيلي بقي و خليتة يسوق وبعدين نزل قلتلة هسوق تاني الحتة دي عشان اوريك ثبات الجيلي اخدت الملف علي 60 برضو وهوة بيقلي هدي قلتلة لا و العربية بسم الله ما شاء الله ثبات ممتاز وقمت ضاحك وقلتلة رايك اية بقي مين احسن قام ساكت و روحنا البيت ..
والله العظيم انا لما ركبت الفيرنا قلت الحمد لله علي نعمة الجيلي و اللهم دمها نعمة و احفظها من الزوال ..
انطباعي عن العربيتين خصوصا انهم في نفس الفئة السعرية
الشكل و الاتساع و الاوبشن و الامان و الثبات و الفرامل تتفوق الامجراند
سحب المحرك و التكييف تتميز الفيرنا .
انا كنت عاوز اعمل الموضوع دة من زمان بس قلت مش مهم ولما لاقيت المنتدي نايم خالص قلت اعملة نعمل شوية نشاط في القسم
ومعلش طولت عليكم يا شباب