مقارنة بين الامجراند و الفيرنا

**M I D O** · 13-01-2014 01:09 AM

المشاركة الأصلية كتبت بواسطة ibizaman

انا برده محتار بين الاتنين عايز حد يقولنا لاول وهله تحس انك سايق ايه لما بتركب الايمي

حضرتك تقصد اية ؟؟
يعني الايمي في سواقتها زي عربية تاني اية ؟؟

**M I D O** · 13-01-2014 01:09 AM

المشاركة الأصلية كتبت بواسطة j a g u a r

مقارنه جميله .. تسلم

تسلم يا باشا ونورت الموضوع

**M I D O** · 13-01-2014 01:12 AM

المشاركة الأصلية كتبت بواسطة saddam

صديقي المواطن
جريمة جريمة جريمة
مكتملة اﻷركان مع سبق اﻹصرار والترصد
لولا إني عارف إنك إنسان وطني وزميل في النضال كنت قلت عليك خاين وعميل وتثير البلابل والقلاقل وتقوم بجريمة تكدير اﻷمن العام والسلم اﻹجتماعي وأظطر أحرمك من الميراث ولكن النهارده نظرا لجهودك في المنتدى حكتفي بلفت نظر وخصم 7 أيام من مرتبك بس إوعاك تعمل كده تاني

فيرنة إيه اللي إنت جاي تقارنها بإمجراند 7 دي إهانة لكل جمهورية الصين الشعبية وإمجراند 7 زعلانة منك
قولا واحدا الفيرنا لا تتفوق على.اﻹمجراند 7 إلا في إنتشار قطع الغيار وسرعة البيع وده مش عشان هي فلته من فلتات العصر عشان هي بقالها 90 سنة شكلها متغيرش وفي كل العالم وقف إنتاجها وإحنه بناكل عيش بيها على الشعب المصري المسكين ده
صديقي المواطن لولا وجود لانوس في قعر السلم لأخذت الفيرنا أسوأ عربية في مصر بإمتياز مع مرتبة الشرف ده طبعا من العربيات اللي ممكن نقول عليها عربيات يعني ال 128 وال 127 والحاجات دي ملهومش تصنيف أصلا
ومع إعتذارنا لكل زملائنا المقاتلين من ملاك فيرنا وبندعيلكم صبح وليل ربنا يوسع رزقكم وتجيبوا حاجة أحسن وأحيانا بقول مع نفسي هم برضو غلطانين بيدفعوا 80 أو 90 ألف في عربية فيرنا أي كلام لمجرد إنها زيرو ويسيب عربيات زي مرسيدس 300 رئاسية والزلموكات والحاجات دي بنفس السعر وأقل بكتير بعد كده في عقل بالي أرجع وأقول لو كل الناس طلعت ناصحة ولمت العربيات الكويسة من السوق فمصر مفيهاش عربيات كويسة كفاية تسد مكان العربية الجريمة لانوس وأختها اﻷكبر واﻷقل إجراما واﻷكثر منها قبولا اﻷخت فيرنا العنتبلي وبعدين أنا والناس بتوع المزاج مش حيبقالنا عيش في البلد دي لو كل العربيات الكويسة الخالدة راحت مننا يعني عمرك شفت واحد معاه فلوس شبح مثلا 120 ألف ويروح يجيب صني
نسأل الله الثبات
يا مثبت العقل والدين
ولا يحدث إلا في مصر

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

هههههههههههههههههه كلة الا الخصم يا باشا الحالو واقعة لوحدها اليومين دول

انا بس كنت بجرب الفيرنا لان ناس كتير كانت بتقلي هات فيرنا وبلاش صيني بس الحمد لله علي النعمة الي انا فيها وربنا يديمها نعمة ويحفظها من الزوال

**M I D O** · 13-01-2014 01:12 AM

المشاركة الأصلية كتبت بواسطة midooo_119

انا من زمان مقتنع ان الفيرنا دى عربيه فاشلة و انتشارها ده عشان قطع الغيار الرخيصه وبتجرى ... واحد صاحبى معاه ركبت مره جنبه كنا احنا الاتنين فالملفات كتفنا يخبط فبعض ضيقه جدا و هى 128 الشكل الجديد .. كنت جرب بقى ياميدو الفرامل كنت هتلاقى فضائح فالفيرنا .. الحمد لله على نعمه الايمى

جربت يا باشا الفرامل .. مشوارها اطول من الامجراند بس مش بكتير ودة نظرا لاني معدتش سرعة 70 و الفرامل متبانش الا علي 100 وانت طالع

**M I D O** · 13-01-2014 01:14 AM

المشاركة الأصلية كتبت بواسطة dedi

صدقنى ياميدو لا يوجد و جهة مقارنة خالص بس نعمل اية فى غبور وصدماتة للناس يعنى موضوع الصد دة بصراحة صدمنى ربنا يسترها على الناس التى دفعت شقى عمرها واشمعنى دة ظهر بس فى الايمى بس كانة عاوز يدمر سمعتها عن قصد

غبور عشان منزل العربية بسعر مغري لازم يعمل معادلة الربح بانة يوفر في المصروفات زي مقاومة الصدء و الرش و الحجات دي يبقي اي كلام عشان يوفر بس ان شاء الله الملاك قريبا هيدولة خابور محترم في حماية المستهلك

**M I D O** · 13-01-2014 01:15 AM

المشاركة الأصلية كتبت بواسطة الكاشف

مش لازم تعملوا حساب ان في ناس مش هتشتري مستعمل و تفضل الزيرو حتي لو فيرنا او لانوس لمجرد انهم عايشين في بلد بيضحك عليك فيها في اتفه الحاجات يعني اللي ميعرفش ميكانيكي او سمكري او او او هيضحك عليه .. تاني نقطة الفيرنا كعربية عملية جدا جدا و الدليل انها اكتر عربية بتبيع حاليا .. انا متفق معاكم انها ينقصها عوامل امان كتير جدا و لكن مع ذلك عربية عملية جدا و ممتازة .. ثالثا في شباب بتحب الجري و السرعة "علي الرغم من ان ده مش حاجة كويسة" لكن الفيرنا شديدة جدا في التسارع و اقصي سرعة توصل 210 .. حبيت اوضح بس :)

الفيرنا محرك و تكييف بس غير كدة تعتبر 128 حديثة معا احترامي لكل ملاكها .. العربية مفيهاش اي عوامل امان . دة الباب و انا بفتحة كان هيطير في ايدي مش محمل خالص و العربية في المجمل خفيفة اوي اوي اوي

**midooo_119** · 13-01-2014 01:59 AM

المشاركة الأصلية كتبت بواسطة M I D O

جربت يا باشا الفرامل .. مشوارها اطول من الامجراند بس مش بكتير ودة نظرا لاني معدتش سرعة 70 و الفرامل متبانش الا علي 100 وانت طالع

لا ياباشا انا قصدى ال abs كنت جرب و شوف الزحف على اصوله

**M I D O** · 13-01-2014 01:28 PM

المشاركة الأصلية كتبت بواسطة midooo_119

لا ياباشا انا قصدى ال abs كنت جرب و شوف الزحف على اصوله

لا abs اية بس انت عاوز ابن خالي يضربني ويقلي هتبوظلي العربية

**M I D O** · 13-01-2014 01:29 PM

المشاركة الأصلية كتبت بواسطة mr a7med

مفيش وجه مقارنه بين الأتنين
الأيمى افضل طبعااااا
بس فى حاجتين بس تتفوق فيها الفيرنا

انا امبارح كنت فى غبور فى شرم الشيخ وركبت الأيمى صراحه كراسيها ناشفه اوى دا لو منجد بلدى مش هيطلعها بالنشوفيه دى مش عارف ليه انما على الناحيه التانيه الفيرنا الكراسى مريحه ولا تصل لدرجه امتياز لكن مريحه

سحب الفيرنا افضل طبعا

اخر حاجه بقى مشاكل الأيمى كان امبارح فى كذا عربيه فيها مشاكل وموجوده فى التوكيل للتصليح وماعداش عاليهم شهر من الشراء

تحياتى للجميع

الامجراند تتفوق في كل حاجة و مشاكل التقفيل للاسف هية النقطة السودة في ملف العربية دي

الموضوع: مقارنة بين الامجراند و الفيرنا

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

مقارنة مهمة قوى بين الكيا شوما والنوبيرا و الفيرنا

مقارنة حصرية بين (الساجا و اللوجان و اللانوس و الفيرنا)

مقارنة بين محرك الانفي و الامجراند

مقارنة بين الفيرنا و بى واى دى

مقارنة بين الفيرنا & الافيو

الكلمات الدلالية لهذا الموضوع

المفضلات

المفضلات

ضوابط المشاركة