الموضوع: جد جرب مراتب يانسن؟وايه الارتفاع المريح أكتر؟

المشاركة الأصلية كتبت بواسطة أبو آسر

أنا بعد بحث طويل على الإنترنت اشتريت 3 مراتب lilaflex تركي 100% الواحدة ب1100 جنيه مقاس 120 × 200
هي مش سوست ولكن اسفنج طبي مضغوط وقرأت أن النوع ده هو مستقبل المراتب حاليا وأفضل من السوست وبالفعل اشتريتهم وشايفهم كويسين جدا ومريحين لكن بصراحة أنا مجربتش الأنواع التانية علشان أجزم إن نوع أحسن من نوع
http://www.nilemotors.net/nile/384505-a.html

لكن لو حضرتك مصرة على يانسن أو إنجلندر فالاتنين فعلا نفس المصنع ومكانه مدينة العبور أمام كارفور خلف مصنع عبور لاند للجبنة أنا روحتلهم من كام يوم اشتريت منهم 3 مخدات فايبر الواحدة ب60 جنيه فمش عارف هل ممكن تلاقي الأسعار هناك أرخص من الموزعين ولا لأ ممكن تتصلي بيهم وتسأليهم عن السعر من المصنع وتقارني بأسعار الموزعين

الاسفنج الطبى المضغوط ينصج بها للى عندهم مشاكل فى الغضروف أو فقرات الضهر لأنها بتبقى ناشفة أكتر مش بتطبع مع الجسم..ودايما اللى عندهم مشاكل فى الضهر يقولوا لهم ناموا على حاجة ناشفة

لو عاوزة الخلاصة فالموضوع دة ... مراتب يانسن قعدت عندى فى بيت والدى 10 سنين وجبت زيها فى شقتى ومعايا من اول ماتجوزت من 8 سنين مفيش واحدة فيهم هبطت سنتيمتر واحد ... ايام ما جبتها كان كله نوع واحد دلوقتى يانسن فى منها نوعين بسعرين ... الرخيصة جبتها فى اوضة الولاد ومش بتهبط بردو بس مش مريحة اوى زى التانية لكن الأغلى بصراحة تححححفة جدا ومريجة جدا