اولا الف مبروك على الميجان ٣
ثانيا ال CVT ده نوع الجيربوكس ( الفتيس) مش الموتور
فعلا زى ما حضرتك وصفت الجيربوكس الCVT مفهوش تروس و ال RPM بيفضل يزيد تصاعدى طول ما انت دايس لغاية لما دوستك تثبت و ساعتها يبتدى ينزل
وقت الصعود ال rPM ده هو بيظبط نسب التعشيق من جوه علشان يناسب العزم اللى انت عايزه من السياره لحظيا
يعنى طول ما انت دايس هو فاهم انك عايز سحب و عزم اعلى و علشان كده بيغير فى نسبه الداخلية علشان يديك العزم المطلوب
اول ما رجل حضرتك تثبت على الدواسه بيفهم ان العزم كده تمام و يبتدى يريح الموتور مع انسب نسبة تعشيق موجوده لهذه السرعة
كون انك تشيل رجلك و تدوس تانى ده صح جدا و مفهوش مشاكل و بيفهم الجيربوكس انك عايز عزم عالى لحظى او كانك بتعمل " كيك داون" و مفهوش اى غلط على الموتور او الجيربوكس
بالنسبة لفرامل ال aBS هى موجودة و مش محتاجة تتفعل
علشان تحسها امشى بسرعة و اكبس فرامل مرة واحدة كبسة جامدة هتلاقى تخبيط جامد فى دواسة الفرامل ....هنا هتتأكد ان ال abs شغالة تمام...تخبيط فى بدال الفرامل ملحوظ جدا عند الفرامل الفجائية
مبروك مرة اخرى
المفضلات