استفسار بخصوص ورق الصنى

**ibrahimsaad** · 13-01-2014 09:06 AM

انا اشتريت نيسان صنى 2014 من اسبوع ودفعت فلوسها وبقيت بس 3 الاف جنيه
لحين استلام الورق
والمعرض اباظه اوتوتريد فرع كفرالشيخ ادانى ورقه استلام العربيه امشى بيها لحد مايجى الورق
ولغايه دلوقت لسه مااستلمتش الورق انا بمشى بالعربيه على استحياء استلمتها عامله 11 ك وانا مشيت لغايه دلوقت 60 ك بس ومحتاج ارخص طبعا
روحت امبارح لقيت الورق جه بس قال لى فاضل الفاتوره وقال لى لو عايز تاخد الورق علشان تمشى بيه امضى باستلامه لغايه ماتيجى الفاتوره فقلت له خليه لما تيجى الفاتوره اخدهم مع بعض

فياترى ايه الصح اخد الورق وامضى باستلامه على ماتيجى الفاتوره ولا استنى الفاتوره وايه الصح وايه هو مكونات الورق

**islam.3bada** · 13-01-2014 12:31 PM

مش هتفرق كتير لان المرور هيطلب منك الفاتورة
لو استلمت الورق هتستنى الفاتورة عشان ترخص
بس اللى انا اعرفه ان المرور فى الاقاليم مش بيطلب الفاتورة غير للسيارت المستوردة فقط و ليست المجمعة محليا اسال فى المرور عن الورق المطلوب و لو طلع انهم مش محتاجين الفاتورة استلم الورق و رخص و بعدين ابقى استلم الفاتورة

الورق بتاع العربية هو الافراج الجمركى و شهادة البيانات و المبايعة

**wardet** · 14-01-2014 08:09 AM

اعتقد مش محتاج فاتورة
لان العربية مجمعة محليأ

**ibrahimsaad** · 14-01-2014 04:47 PM

اشكركم جدا

روحت اليوم واستلمت الورق ومضيت انى استلمت الاصل

وروحت البيت براجع على الورق لقيت رقم الشاسيه مضبوط وكل شئ تمام لكن رقم الموتور لقيت فيه خطا رقم ساقط منه

تسلسل الورق هو

من نيسان الى شركه اى فى جى
من اى فى جى الى اباظه
ومن اباظه الى

رقم الموتور صح فى ورقه نيسان
لكن من اى فى جى الى اباظه رقم الموتور وقع منه رقم

فرجعت تانى لشركه اباظه وقلت له فصور لى الورق وادانى نسخه وخد الاصل تانى وقال لى هيبعته الشركه علشان يصلحوا رقم الموتور

ودلوقت انا قلقان جدا

لانى مضيت عندهم باستلام الورق الاصل
وخايف ان الورق يضيع او يفقد لاى سبب من الاسباب وخاصه فى ظل ظروف البلد دى لانهم بيبعتوا مندوب يسافر مصر بالورق للشركه الام فياترى لاقدر الله وحصل شئ هيكون ايه الحل وهل ممكن الحصول على اصل الورق فى حاله لاقدر الله شئ ولامش ممكن

**كمزى** · 14-01-2014 08:55 PM

طبعا لا قدر الله لا قدر الله الورق ضاع هتعمل محضر بالواقعة وهيطلهلك ورق جديد بس هياخد وقت شويه بس موضوع ضياع الورق ده مستبعد جدا جدا دى سمعه تاجر ومش ممكن يفرط فها بالسهوله دى
بس انا ليا ملحوظة صغيرة من اخ مستجد طبعا لحضرتك بلاش تتحرك بالعربية كتير بدون ترخيص لان لو ظابط رخم مسكك حتى لو معاك ورق العربية كامل هقولك لازم تاخد نمر تجارية من المعرض اللى اشتريت منه لحد ما ترخص وممكن ياخد العربية منك فتحرك بالعربية فى اضيق الحدود لحد ماترخص وبعد كده استمتع
ربنا يديك خيرها ويكفيك شرها قولو امين

**wardet** · 16-01-2014 03:11 PM

اباظة معرض محترم ياباشا معتقدش هيعمل مشاكل
خير ان شاء الله

**ibrahimsaad** · 16-01-2014 03:59 PM

الف شكر ياجماعه ليكم

الموضوع: استفسار بخصوص ورق الصنى

LinkBack

أدوات الموضوع

عرض

استفسار بخصوص ورق الصنى - انشر الموضوع فى :

-

-

المواضيع المتشابهه

استفسار بخصوص مفتاح الصنى

استفسار بخصوص الصنى الشكل القديم

ملاحظة و استفسار (2*1 ) بخصوص الصنى الجديدة

استفسار بخصوص الصنى

استفسار بخصوص تكيف الصنى

الكلمات الدلالية لهذا الموضوع

المفضلات

المفضلات

ضوابط المشاركة