الله يحليكى ويخليكى يابوسى وألف شكر على ردك
وائل
عرض للطباعة
شوفتك يعم عندنا فمدينة نصر كنت ماشي ف امتداد الطيران عند مصر والسودان
كنت عايز اشوفكاسلم عليك بس كنت ماشي ف الطريق اللي العكسي ليك
مرة تانية بقا
بس انا عايز استفسر استفسار صغير العدادت اللي على الجمب
ال3 بتوع ايه بالظبط وبالترتيب وايه الوان الاضائة بتاعتها المتوفرة ليها
ومين يركبهم وتكلفتهم بالتركيب كام ؟
استفسار صغير مش كدا :)
حلوه عجباني ما شاء الله
رقيقه والبدي كيت الي فيها شيك
ربنا يباركلك فيها يا باشا
بس ايه المكان الوحش الي انت مصور فيه ده
بحر ويخت وفيلل حاجه وحشه اخر حاجه يعني :biggrin24:
بسم الله ما شاء الله
صور جميلة جدا
ربنا يباركلك فيها يا رب :)
بس انت مصور فين فعلا ؟؟ :biggrin24:
المكان حلو اوى ماشاء الله
ربنا يباركلك فيها يارب
ان شاء الله نتقابل المرة الجاية ياميدو ثم أنا بردو ساكن عندكو فى زهراء مدينة نصر:D
بص ياسيدى العدادات بالترتيب ( اربى ام - ضغط زيت - حرارة ) بس انا غيرت الترتيب الى ( ضغط زيت - حرارة - ار بى ام ) وهيا ليها سبع ألوان مختلفين وانت بتختار اللون اللى انت عايزو منهم وتثبتو.
كنت مركبهم عند أرابكوم من سنتين بحوالى 650 بس دلوقتى هما موجودين عند مكتبة ابراهيم اللى فى شارع دمشق ويعملو حوالى 350 الى 400 بالكتير.
وعند مكتبة دمشق فى واحد اسمه أيمن بيركب الكلام ده وبالتوفيق
معليش على التأخير فى الرد ياميدو .
بص ياسيدى التركيب بحوالى 30 بالكثير أوى وزى مقولت قبل كده هوا عنده ولد اسمه أيمن اسأل عليه وهوا هيركبهوملك فى نص ساعة بالكتيروقولو انك من طرف وائل بتاع الأوبترا السماوى فى اسود وهوا هيظبطك.
بس أنا عن نفسى موصلتش غير الر بى ام بس لأن العداد بتاع ضغط الزيت بيجى معاه طرمبة صغيرة بتتوصل فى حاجة فى الماتور وأنا خفت فقلتلوه بلاش وكمان أنا مش موصل الاربى ام على الماتور لأ ده أنا خدت وصلة من البوردة بتاعت العدادات وعملت كده مع الحرارة بردو عشان كده الاربى ام ماشى معا الاربى ام بتاع العربية مش واحد عالى وواحد واطى.
والميزة ان العربية لو مفيهاش أربى ام أصلا بيتوصل على الماتور وبيشتغل 100/100 لأنى ركبته لةاحد صحبى فى لادا(مفيهاش اربىام) وشغال حلاوة :err:
ربنا يخليك يوائل والله مش عارف اشكرك ازاي
ومعلش هتقل عليك فطلب غتت شوية واحد صحبي معاه اوبترا مانيوال فول اوبشن
وعايز يركب قوجات سأل عليها ف التوكيل قالولوه ب 1000 جنيه وهيغيرو الدراع بتاع النور وقصة كدا
هل فعلا مينفعش يعملها غير كدا ولا هتشتغل عالدراع العادي ويركبها عند اي حد بدون مشاكل ؟؟؟
معلش انا داوشك معايا اخر حاجة
Nice Car ya pop
لا شكر على واجب ياميدو
بص هوا ينزل سوق التوفيقية اللى فى وسط البلد ويروح يسأل فى المحلات بتاعت قطع غيار شيفرولية أو جى ام وهيلاقى الشابورة الواحدة بحوالى 200 ل 250 لأانها بتتباع عندهم بالواحدة بس لما هيركبها خليه يوصلها على الشمعة بتاعت العربية وبعدين يعملها زرار خارجى لواحدها وممكن يحطوه فى الحتة اللى جنب البكرة اللى بتتحكم فى قوة النور ( هوا أكيد عارف مكانها) وده مكان جامد جدا.
لأنها مش هينفع تتوصل على الذراع بتاع النور لأنه لازم يتغير كله زى مالتوكيل قال وهوا ده اللى عامل فرق فى السعر
3la fekra ya wael 3arabya tohfa..besm allah masha2 allah......rabna ybareklk feha ...we yeb3ed 3ank ashab el 3en el wehsha .
ماشاء الله ربنا يبارك لك فيها
ما شاء الله
جامدة مووووووووت
ربنا يباركلك فيها
بس ليا تعليق بس
انا شايف انك لو جبت side pumpers اكبر من دول هتبقى جامدة اكتر و هتمشي مع الاكصدامات العريضة
بس هي مشكلتها انها ممكن تحك في مطبات شوارعنا الجميلة
انا ليا سؤال
هو انت جبت منين الأكصدامات العريضة دة عشان انا بحب الشغل دة و بفكر اعملة في العربية
و لا دة بيتعمل في الحرفيين بيتصب ؟
ماشاء الله لاقوة الا بالله ده كل اللى اقوله
ما شاء الله عامل كل حاجه بجد
بس 12 الف كتير برضو على ساوند سيستم .......... ربنا يكفيك شرها
جامدة جدا ربنا يباركلك فيها
ماشاء الله عليها بجد ربنا يديلك خيرها ويبعد عنك شرها
انا قولت اظبتلك فيها شويه كمان على قد مااقدر
http://www7.0zz0.com/2008/11/20/06/825311615.jpg
http://www7.0zz0.com/2008/11/20/06/101702861.jpg
اووووووووووووه
شغل عالى يامان
اللهم صلى على النبى بجد زى الفل
خللى بالك منها بقى
بس مادام بتصرف عليها كده يبقى ماتستخسرش فيها طقم جنط نيكل وياسلام لو امريكانى
اسف ماخدتش بالى من الجنط
الصور كانت تقيله
الله يباركلك ياباشا
ما شاء الله العربية حلوة اوي
والتعديل جامد ما شاء الله
انا اظن كده شفتها امبارح الساعة 11 بليل في الشيراتون
ما شاء الله العربية على الطبيعة احلى لسه من الصور
ربنا يديلك خيرها ويبعد عنك شرها
جامدة جدااااااااااااااااااااااا ااااااااااااااااااااااااا ااااااااااااا