إنت بجد حببتنى فى الأوبترا تانى بعد ما كنت مش طايقها علشان شكلها التقلييييييييدى جدااااااااا
عرض للطباعة
إنت بجد حببتنى فى الأوبترا تانى بعد ما كنت مش طايقها علشان شكلها التقلييييييييدى جدااااااااا
هيا صحيح شكلها دلوقتى بقى تقليدى بس أنا فاكر أول منزلت واشتريتها مكانش فيه عربية فى شكلها ودى حاجة طبيعية كل مبتقدم بتبقى تقليدية أكتر.
يعنى دلوقتى بتلقى ال النترا والكرولا والسيراتو الجديدة والكروز بتحسهم كلهم فيهم حاجة متشابهة من ورا كلهم نفس الظهر مفيش جديد حتى البى ام اللى كانت متميزة بشكلها الجديد منها دلوقتى بقيت حاسسوه تقليدى موت.:shyy:
بسم الله ماشاء الله ربنا يباركلك فيها ويحميك منها واقرا المعوذتين والفاتحة بجد بسم الله ماشاء الله حاجة جميلة جدا وذوقك عااااالى
لو سمحت انا عندى افيو ونفسى اركب ليها بودى كيت جامد كده عايز اعرف ايه النظلم هعمل ايه فى الاصلى بتاعها والتكلفة للجديد اد ايه وفى شروط معينة ولا ياريت الرد
مشاء الله ربنا يباركلك فيها ويكفيك شرها مكنتش بحب اللون ده بس والله انت حببتنى فيه
..سؤال صغير هى الطاره
الاسبورmomo اى واحده تركب فى الابترا عندى ولا بتبقى مقاسات مثلا وشكراhttp://www.nilemotors.net/Nile/nile/misc/progress.gif
ربنا يكرمك ويخليك ليا يا مودى,والله أنا بقرأ عليها كل حاجة أول مبتحرك بيها وربنا هوا الحافظ.وألف شكر ليك تانى:s1[1]:
بص يا مودى بالنسبة للشغل ده أنا عملته عند بســام فى الحرفيين وهوا عنده شويت اختيارات:
1- اكصدام كامل ( يعنى تلات ارباع الاكصدام الأصلى) وده طبع هيقص فيه تلات ارباع الاكصدام الأصلى ويحط الجزء ده مكانه وطبعا ده مكلف يعنى بتاع 500-800 حسب الشغل اللى فى الاكصدام وحسب الفتحات كل فتحة من 80- 150 جنيه حسب الحجم والشكل
2- الزوائد(الكساحات): وديه بتيقى حتة كمالة على الكصدام الأصلى ومش بتبان انها زيادة وبتعما من 150-300 حسب الشكل لو جديد أو قديم.
فطبعا انت حر تختار اللى انت عايزه وممكن تعمل حاجة كمان تجيب اكصدام مستعمل ب 200 جنيه وتقصه وتكمل عليه 3/4 الاكصدام.
3-العتب: ده طبعا الزيادة اللى بتتحط على الجناب وبتعمل 200-500 حسب الشكل والأجدد بردو.ودى بتتركب على العربية على طول.
كل الكلام ده بيتثبت فى العربية ب (بنط) اللى هيا بيضربوها بالمسدس فى الحاجات الألومنيوم(أكيد عارفها).
الله يبارك فيك ياجميل ويكرمك.
ربنا يخليك ليا,أنا بردو مكنتش حابب اللون ده أوى بس لما جربته مع الاسود لقيته تحفة( وبينى وبينك أنا بعشق الاسود وكان نفسى فيه من زمان )
بص يا جيدو أى طارة بتركب على أى عربية بس المهم هيا حاجة اسمها الزور وده لازم يكون بيركب على عربيتك وبالنسبة للأماكن اللى ممكن تشترى منها :
أرابكوم عند طارات أوريجنال زى االمومو ديه وبتعمل من 1200-1600 حسب ألوانها وشكلها وحجمها.
التوفيقية ودى فيها تلات أربع محلات جنب بعض تتووووه فى الطارات اللى عندهم بس لما تشترى اشترى حاجة مفهاش جلد أو مكسية جلد عشان ده بيتشال مغ الاستخدام وحاول تجيب حاجة صب وبتعنل فى حدود 150-250 وهتلاقى عندهم كل أنواع الأزوار والزور ب 40 جنيه على حسب منا فاكر.
شكرا على المعلومات دى وهبقى اصورل عربيتى وتقولى رأيك
متشكرين على المعلومات الجميلة دى يعنى الواحد ممكن يظبط العربية فل اوى بحوالى 5 الاف مثلامن بره ومن جوه من غير تغيير مكن ولا الكلام ده كله مجرد اكسسوارات
ما شاء الله ربنا يباركلك فيها
الله يباركلكم جميعا ويكرمكم و كل سنة وانتم جميعا بصحة وخير وسلامة
حلوه ياباشا ربنا يباركلك فيها بس ياريت لو تغير العجل تجيب الشجره ... وتجيب صالون ريكارو او كرسى واحد ليك حتى ... وتغير الكشافات
ربنا يكفيك شر الطريق يحسنلك فيها
بسم الله ماشاء الله
بس ياباشا أنا حاليا غيرت حاجات كتير فى العربية زى الجنوط بقت مومو 17 والكراسى سباركو (أزرق *اسود) أصلى والكشافات بقيت سوداء ولينسات وووو........
الله يكفينا جميعا شر الطريق ويكرمكك
ربنا يبارك فيك ياطارق
مشاء الله ربنا يبركلك فيها
بسم الله مشاء الله
العربية بجد تحفة ربنا يباركلك فيها
ما شاء الله .. العربية تحفة فنية .. تسلم ايديك
انت مرخص لونين
ولا سواد الكبوت والسقف دع عادي؟؟
ربنا يحفظهالك يا بوب
الله يبارك فيك ياشيكو ويباركلك
ربنا يخليك يارامى
ربنا يحفظك يا سمسم ويباركلك
ربنا يخليك يا جوست :(
بص يأبو حميد السواد مش عادى خالص دلوقتى حتى لو الكبوت بس وأنا فعلا مرخصها لونين من زمان
الله يحفظك ويكرمك ياباشا:satelite:
الله اكبر على العرببية ماشاء الله تحفة ربنا يباركللك فيها ويكفيك شرها
بجد ذوقك حلو جدااااااااااا
لا بجد body kit روعة ومتزبط صح
ربنا يباركلك فيها
صور ممتازة ربنا يبارك لك فيها
يا سلام بقى يا باشا لو الفوانيس سموك وفيها رينجات وعدسات تبقى تحفة
ربنا يباركلك فيها ويبعد عنك العين بس عندي استفسار هي فتحة السقف دي انت عملها
وياسلام ولا مرايات فيلدنج زي بتاعت bmw m3 تبقي اجمد
بسم الله ماشاء الله جميلة
ربنا يباركلك فيها
ماشاء الله العربيه تحفه
ربنا يباركلك فيها جميلة جدا وتحفة فنية رائعة
ربنا يبارك فيك يادوكتور وألف شكر على مرورك
والله ياباشا هيا حاليا اختلفت كتير عن الأول وهبقى أنزل صور بتعديلاتى الجديدة :
فوانيس سموك + رينجات
كابوت بفتحتين تهوية مع تغيرات تانية
جنوط مومو 17
وشوية شغل داخلى
:M_yes[1]:
أستفسر براحتك,أيوه أنا عاملها عند أرابكوم من سنة ونص وكلفتنى 3800 ومفيهاش أى مشاكل نهائياااااااااااااااا
والله أن فعلا بدور على مرايات حاليا بس خايف أفقد أوبشن الكهربة؟
الله يكرمك ويبارك فيك يابشمهندس
الله يخليك ويكرمك وشكرا على مرورك
ربنا يخليك يا ميجو وشكرا على الاطراء والمرور
انتظرو قنبلة 2010 THE ONLY SPORTS OPTRA IN EGYPT PART TWO WITH 2.0L Engine
الشغل جامد فحت موت بس بعد ازنك لو تيشل الجريد اللى تحت الابواب تبقى ملهاش حل
عربية روعة فعلا بسم الله ماشاء الله
انا كنت عايز اسئل على موضوع فتحة السقف ده
في اشكال تاني مثلا بانوراما وكده وفين بالظبط ياريت شوية تفاصيل عن الموضوع ده plzzzz
ربنا يباركلك فيها و يكفيك شرها
الله يبارك فيك يا محمد.هاها حلوة فكرة التجسسية,ثم أنا دسما فى مصر الجديدة بس يوم الخميس فقط وباقى الاسبوع بيكون للشغل ولمراتى وبنتى.
ربنا يكرمك يارب,بص هما حجمين عند أرابكوم(كبيرة زى دى زى بتاعت الكوبيه-وصغيرة زى بتاعت الانسر) وفى كهربه زى دى ومانيوال والفرق بينهم بتاع 500 جنيه.
السعر من أكتر من سنتين ونص 3800 بالتركيب.أكيد دلوقتى أرخص.
بتاخد ساعة واحدة بس والتركيب باحترااااف جدا.ومفيش ليها أى عيوب بس أهم حاجة الصيانة الدورية يعنى كل اسبوع مثلا وانت بتغسل العربية تبقى تفتحها وتخليهم يضربوها بخرطوم الهوا عشان التراب بيتجمع تحت الشفة بتاعتها وده بيخليها متتقفلش 100%.وبالتالى ممكن تعمل صوت هوا وهيا مقفولة + تسريب ميه .والموضوع ده بيحصل فى أى فتحة حتى لو أوريجنال فى مرسيدس.:w6266d:w6266d
المكان من أرابكوم 2000 - الشارع اللى قدام سيتى ستارز - على ناصيته الشبراوى.
الله يباركلك ويكفينا جميعا شر عربياتنا.