الموضوع: بريطانيا مدينة لمصر بـ 92 مليار استرليني********************************** ******** **

المشاركة الأصلية كتبت بواسطة Mido80

ولو الحكومة المصرية طلبت المبلغ دة وبريطانيا دفعتة بشياكة واحترام (اولاد العم سام بقي) تفتكر اننا كشعب فقير ومسكين ممكن نحصل علي ربع جنية استرليني من هذا المبلغ؟؟؟؟؟؟؟؟؟

+ + + + + + + ++

المشاركة الأصلية كتبت بواسطة Ramy_Ali

على كدا عصر الملكية كنا اغنى من عصرنا الان
وكانت مصر افضل حالا من الان

و انت لسه عارف الكلام ده دلوقت؟؟؟؟؟؟؟؟؟؟؟؟

يا اخونا مبدئياً الوثيقة بتقول 3مليون استرليني في وقت الحرب العالمية وبالحسابات البنكية على حسابات اليوم اصبح المبلغ 29مليار استرليني .
تم نقل الخبر للموقع واعتقدت ان الاستاذ / رامي على أخطأ وقلب الرقم بدل 29 كتب 92 ولكني رأيت تعليق آخر له حول 92 الى 95 وحول الاسترليني الى مصري واصبح الرقم 950مليار جنيه مصري .
اما بالنسبة للموضوع فهو شئ عادي جداً وغير متوقع من مثل هذه الحكومة أن تفعل أي شئ تجاه هذا الموضوع ، وسوف يوضع بجوار اصدقاؤه من الملفات الشائكة التي تمثل حقل ألغام لكل مستكين ، خائف ، ضعيف ، جبان ،....،....،....، وقل ما شئت ولك الأمثلة .
- تعويضات عن أسرى 67 وما فعله الصهاينة ببدو سيناء أو أي اسرى على مدى الحروب معهم .
- تعويضات عن حقول الألغام وعن ضحاياها حتى الان وعن المساحات المعطلة بسببها في الحروب العالمية التي لم نكن طرفاً فيها وتسليمنا الخرائط الخاصة بها وان كانت معطلة لحين وجود مستثمر ؟؟؟؟؟؟ .
- تعويضات عن من يقتلون على الحدود مع ( فلسطين ) بأيدي الملاعين الكفرة الخنازير القرود .
- منع التدخل الاجنبي من القاصي والداني في شئون مصر الداخلية واثارة الفتن .
- منع تلويح امريكا لنا كل عام بخفض المعونات عن مصر ( علماً بأن المعونة الأمريكية لمصر هي حق لمصر بموجب اتفاقية ( كامب ديفيد 1978 ) والا يكون اخلال بنص الاتفاقية و بذلك يحق لمصر عدم الالتزام بها ايضاً .
- حماية ارض مصر من بيعها لغير المصريين مثلما حدث في فلسطين قبل حرب 48 وبعدها ولكن بشكل اخر ( استثمار أجنبي ).
- حماية الصناعة الداخلية من الإحتلال الأجنبي .
والأمثلة كثيرة وأنتم أعلم بها مني .
وشكراً أحسن أنا عندي السكر وبدأت أشعر بدوخة .
والسلام عليكم ورحمة الله وبركاته .

اه فعلا انا سمعت ان ليبيا بتاخد تعويضات عن فترة الاحتلال من الجانب الايطالى!!!
عملوها ازاى دى !!!!
الف سلامة عليك يا استاذ نصر والرقم انا ناقل الموضوع كوبى وبست
عشان كدا زمان الجنية يعملة اكتر من دولار مش العكس
معنى كدا ان اقتصاد مصر اثناء الملكية + الاحتلال كان اوفر حظا من الجمهورية والحرية والزعامة المطلقة للشرق الاوسط والامة العربية والمهلبية والملوخية

فعلا شئ يكسف

مصر كانت من اغنى دول العالم ايام الملكيه وهذا يشهد بذلك حيث كانت قيمه الجنيه المصرى اعلى بكثير جدا من الجنيه الاسترلينى

ويكفى ماكان يحكيه لنا الاباء والاجدادا من كثره الخير رغم كل المساوئ الا انه كان افضل بكثير اقتصاديا وحتى سياسيا

لكن الان نحن وصل بنا الحال الى الشحاته من السفير القطرى فى طابور طويل مع الضرب بالهراوات لتنظيمه

للاسف الحكومه المصريه ضيعت كل شئ حلو فى بلدنا واصبحنا اسوأ وافقر الشعوب رغم اننا من اغناها ولكن نقول ايه ونعيد ايه ماحنا عارفين كل حاجه

ولو حكومتنا لسه عندها شويه بتاع من الاحمر ده ماتفرطش فى هذا الدين والمطالبه به

لكن برده هنقول ايه ونعيد ايه على رأى الاخ نصر الدين

هى اصلا فرطت فى الغالى والرخيص يبقى مش منتظر انها تطالب بحقنا ولو حصل وطالبت به هيكون من نصيب رجال الاعمال المسعورين

وحسبنا الله ونعم الوكيل وانا شخصيا سوف اطالب بحقى من الحكومه يوم الحساب الاكبر يوم لاينفع مال ولابنون يوم الزلزله يوم القيامه

واكيد طبعا الحكومه مش هتقدر تسد يبقى بقى تاخذ شويه من سيئاتنا علشان توصل قعر جهنم بسرعه الصاروخ