اقتباس المشاركة الأصلية كتبت بواسطة محمد بدر مشاهدة المشاركة
حبيبى يا أبو ليلى وحشنى جدا جدا
أخيرا أخير
انا نفسى اشوفكوا والله نفسى فى مقابلة والناس كلها مشتاقة ليوم يخرجنا من الضغط إللى احنا فيه
حبيبى يا أبو سمرة والله فكرة رائعة و اختيار المكان رائع وان شاء الله التوقيت يكون مناسب للجميع
وياريت يكون بعد صلاة الجمعة والناس تصلى فى مساجد قريبة من المكان علشان اعتقد فيه ناس هتبقى من خارج القاهرة كثير المرة دية
واسمح لى حبايبنا بتوع قسم نيسان إللى كانوا بيفتكرونى فى اجتماعتهم دائما ياريت يشرفونا
وحبايب قلبى الأعضاء الجدد وخاصتا مالكى الغالية السبورتاج والمقبلين على امتلاكها الجدد والدائمين على الإتصال بى ياريت نشفهم فى المقابله دية
علشان معظمهم من خارج القاهرة ودي فرصة كويسة واخص بالذكر مع حفظ الألقاب / حسن عبدالحليم يارب يكون استقر على سبورتاج أو ix35 وابن دمياط أحمد عطا يارب يكون رجع من نيجيريا وأشرف محمد و حبايب قلبى محمد من طنطا و محمد سيد بورسعيد هشام من السويس
وأعذرونى لو نسيت حد من حبابيبنا والله كانت الإتصالات كثير الفترة دية والواحد دماغه مبقتش حاضرة
وانا متوقع ان المقابله دية هتكسر الدنيا
وفقكم الله
أستاذ / محمد

شرف كبير لنا أنك تكون موجود معانا في المقابلة دي و فعلا حضرتك من الشخصيات المحترمة جدا اللي عرفناها من المنتدي و هأكون سعيد جدا بلقائك مرة أخري

بالنسبة لموعد المقابلة فهي بعد صلاة الجمعة فعلا و ممكن حضرتك تشرفني في الرحاب قبل صلاة الجمعة و نصلي سوا و بعدين نطلع المقابلة مع بعض أن شاء الله

طبعا المكان فيه عدد من المساجد و لعل أشهرهم أكبرهم مسجد أبو بكر الصديق بشارع المشير أحمد أسماعيل لمن يرغب في الصلاة قبل موعد المقابلة مباشرة