الموضوع: غيرت عفشة الجوليت اخيرا

المشاركة الأصلية كتبت بواسطة casper9114

كل عام و انتم و بخير ياشباب, انا بقالى فترة العفشه مش مريحانى العربية فى الشوراع المكسرة كانت بتمرجحنى يمين و شمال و بحس بخبط و دبة فى المطبات و على الدائرى كانت مش راسية على الطريق و بتعلى و تهبط مع الطريق و لا مرجيح مولد النبى, دة غير ان مرة بفادى توكتوك على الدائرى و انا ماشى على 80 و بدوس فرامل العربية لفيت بيا و ربنا ستر معرفش وقفت ازاى
المهم من متبعتى لمواضيع الخاصة بالعفشة فى المنتدى عرفت ان فى واحد بتاع عفشة فى فيصل الطوابق اسمة سمارة و الناس كانت بتشكر فية روحتلة و كشف على العربية و كتبلى الحجات المطلوبة
طقم مساعدين خلفى و امامى
طقم كوبيات
طقم بطحات
و جلب علبة دليكسيون و خدت منوا معاد للتركيب بعد اسبوع خلال الاسبوع دة نزلت ادور على قطع الغيار و اقارن بين الاسعار بحكم شغلى فى مصر الجديدة اولت انزل اشوف شارع دمشق

لقيت ال kyb و ال gm بس و انا كنت مقرر اجيب monroe فخبت بقيت الحاجة :

طقم كوبيات gm عملو 70 جنية
طقم بطحات 130 جنية
و جلب علبة دليكسيون جلب دليكسيون 30 جنية
و نزلت المنيل عند واحد اسمة الماوردى لقيت المنروو عنده طقم الامامى 450 و خلفى نفس السعر و
شاف البطحات الى جبتها قالى دول مش اصلى و اقنعنى بال gm الى عندة جبتهم 250 جنية

روحت عند سمارة الساعة 12 الظهر كان الورشة فيها 3 عربيات فضيلت مستى لاغيت الساعة 4 و دخلت العربية

سمارة عندة 3 عمال و احد اسمة عماد من سورية راجل هادى و فاهم اوى و ولد عندة بتاع 15 سنة نسيت اسمة لاسف بس شغلة نضيف اوى و سمارة بيشرف على التلاتة كل اما يخلصوا حاجة يجى ياكد عليها


المهم الحمد لله المساعدين الامامية ركبت و فك المساعدين اللى ورا و جية يفتح العلبة المساعد الخلفى قالى دول بتوع فيات بنتو طبعا اتحرق دمى و امت مكلم الماوردى فى التليفون قالى الكود الى على العلبة كام كان 3010 قالى انا اسف الكود بتاع اللنوس 3001 و قالى انا مش هقفل غير اما تجي تخدهم و فعلت خطفت رجلى و جبتهم من عندة و ادانى فلتر زيت gm هدية رجعت و ركبتهم و ظبطلى زوايا


النتيجة العربية حسيتها وقفت على حيلها كدة و الثبات على الطريق بقى ممتاز مشاء الله بس الشكوى كانت ان العربية نشفة اوى و الكلام دة قلهولى بتلع قطع الغيار ان المساعد بيبقى ناشف فى الاول عشان غاز على زيت و بعدين بينعم مع الوقت و فعلا بعد تجربة 10 ايام الاحساس بالنشفية قل كتير

ربنا يبارك فيها يا رب
طقم المساعدين ال جى ام كان عامل كام ؟؟؟

مبروك على الشغل يا باشا