الموضوع: اتفرجو علي الفضيحة

المشاركة الأصلية كتبت بواسطة engherc

انا بس عايز أضيف حاجة بالنسبة ان الناس اللي شايفة ان غبور نقطة قوة لصالح العربية يبقوا بيهرجو ، انا كنت رايح اعمل صيانة ال ٦٠٠٠٠ لعربية المدام i10 في توكيل كرافان اللي في الرحاب معتمد من هيونداي ، قلي بص أحنا هنعمل كل حاجة ماعده السيور !!!! قلتله اصلا الاساسي في ال٦٠٠٠٠ السيور اللي اصلها مش موجودة و ممكن تيجي بعد أسبوع اصل حاجة ال i10 قليلة!!!!!!! عدات عليه بعد أسبوع قللي لسه مجتش قلت أكيد بيهرجو و قمت رايح علي توكيل ابو رواش افهم في إيه لقيته بيقولي لا مش موجود بس في واحد مش سير كاتينة مش عارف في فرع كذا ممكن ابعت اجيبوا قولتلوا طيب و الباقي قلي كمان أسبوع ممكن يوصلوا معلش اصل حاجة الهيونداى الi10 قليلة!!!! وهنا انفجرت فيه انتوا بتهرجوا انا اعرف ان قطع غيار قليلة تبقى علبة دركسيون مش موجودة ، فتيس لكن أساسيات العربية السيور يبقى انتوا فاتحين بتهرجوا هو ده بقى غبور يا أساتذة منزل عربية مستخسر يجيب لها سيور اللي هيا مستحيل تخسروا في حاجة قمة الاستهانة بمصالح الناس و اللامبالاة

اهلاااااا
الله يطمنك
انا برضه جايب i10 للمدام
طب بعد اذنك سيور ايه اللي بتتغير او بمعني هما كام سير
انا لسه بدري بس الاحتياط واجب احاول اتصرف و اجيبهم

المشاركة الأصلية كتبت بواسطة engherc

٣ سيور يا باشا كاتينة و دينامو و تكيف

شكرا يا زعيم
طب مسالتش في توكيل كيا
المفروض متور ال i10 هو هو متور البيكانتو القديمه