حسب الاسلوب
لو نضف العربية ولا لأ
بيساعدك تلاقي ركنه في مكان صعب ويطلعك منها
عرض للطباعة
حسب الاسلوب
لو نضف العربية ولا لأ
بيساعدك تلاقي ركنه في مكان صعب ويطلعك منها
بادفع بس لو جابلى ركنه فى مكان زحمه
انا مرة في مدينة نصر وقفت علي جنب أركب واحد صاحبي كان مستنيني .. وقفت و علي بال ما فتحت السنترال لوك لقيت واحد بيمسح الإزاز و بيقولي ألف سلامة يا باشا!
باراشوتااااااااااااااااات يا جدعان نفسي أعرف بيطلعوا منين
عامة انا مبديش فلوس لحد إلا لو عمل حاجة بالفلوس دي .. فا علي حسب الأسلوب فعلا إنما باراشوت .. ولا مليم
انا بشوف الموضوع ده من منطلق تاني
دي اسمها سرقه بالاكراه
و في حديث شريف بيقول:
قال رسول الله صلي الله عليه و سلم: ما اخذ بسيف الحياء فهو سحت
صدق رسول الله صلي الله عليه و سلم
الناس دي بتتعامل من منطلق رمي الجته و البلطجه و لو انت مدفعتش ممكن يتشاكل معاك و الموضوع يقلب بخناقه
فهما بيلجئو انهم يرمو جتتهم و ممكن من كل 10 اشخاص 8 يدفعو
و الاتنين التانيين ميدفعوش او يتخانقو
العيب مش عليهم العيب علي المستوي المتدني لاداء الامن العام (مش هو ده تعريف الامن العام اللي هو الامن اللي الواحد يلاقيه في الشارع ؟!!)
مش عايز اقعد احسب الناس دي بتكسب كام بس لو الواحد حط حسابات تقديريه هيلاقيهوم بيكسبو كويس جدا جدا من ورا الموضوع ده خصوصا ان مصاريف المشروع ده لا تتجاوز فوطه صفرا و طاقيه و كام كوبايه شاي و علبه سجاير
عن نفسي بحاول مدفعش و ساعات بدفع متضطر بس بكون مش راضي عن الفلوس دي, اضعف الايمان
كله كوم والناس اللي عند سيتي ستار دول كوم تاني
لو جيت تدي الواحد جنيه... يقولك 3 جنيه يا باشا
وهم تحس ان هم عصابه كبيره وعددهم كبير
رينا ياخدهم
اصلا الحوار اللفاشل ده مش موجود غير في مصر
المشكله ان المصريين ابتدوا يعملوه في السعوديه والامارت
تلاقي عند المولات الكبيره في دبي زي سيتي سنتر والجوميرا برضه شوية مصريين بيعملوا الحركات دي !!!
مابدفعش نهائيا للسايس في أي حال من الأحوال ولو فتح بؤه ولا شتم بنزل أتخانق معاه
يعني من الآخر شغلة السايس دي بأت شغلة من لا شغلة له.. او بمعنى أصح طريقة تانية للشحاتة:wicked:
انما أرجع و أقول البلد فيها داخلية و الداخلية فيها ظباط و الظباط تحتهم أمناء شرطة وعساكر و كل دول مهمتهم حفظ الأمن و حماية المواطن العادي من الأشكال دي.. تصوروا؟ :flirt:
انا خالي علمني حركه حلوه قوي في المواقف اللي زي دي كل مايجي سايس
ياما اقوله
1-انا ماكنتش عايز امسح العربيه شكلها كان عاجبني الاول
2- يا اما اقوله احنا شرطه يابني ما بندفعش فلوس(طبعا انا لا شرطه ولا حتي جيش:jimlad:
لو جابلي مكان اركن فية والدنيا زحمة ومفيش اماكن اديلة فلوس
لو جابلي مكان والدنيا فاضية والاماكن كتير وبيستهبل اديلة على دماغة!
مش بحب الاستهبال اصلي ويقولك عجلة للامام وعجلة للخلف بخش فية على طول.