هو التجاهل أحسن حاجة. طالما أنا ماطلبتش منه حاجة أو مش ممنون له لأي سبب
زي ما بيقولوا على النت:
http://lh5.ggpht.com/carlos57775/SCo...he%20troll.jpg
كان في واحد كل ما أركن جنب المستشفى يطلع لي. أول مرة اديته 50 قرش بس كان غسل الكاوتش. بعدها مابقيتش اديله حاجة ولا بقى يطلع لي.
ولا اللي بيطعلوا فجأة في الإشارات و المزلقانات عشان يلمعوا العربية. الواحد يبقى رايق و يضطر ينرفز نفسه عشان يمشي الناس دي
عندي سؤال: آخر مرة كنت في باب اللوق و مش لاقي ركنة تحت، قمت رايح الجراج متعدد الطوابق قلت أريح من السياس و أأمن و المرة دي بدل الكارت اللي عليه الوقت و التاريخ لقيت المكنة بتطلع قرص أخضر بلاستيك زي بتاع محلات العصير وركنت كام ساعة كده و لما جيت أخرج تخيلوا أول كلمة قالها لي اللي على بوابة الخروج؟
قال: "كل سنة و انت طيب يا باشا" !!!!!!!!!
قلت: مش كان في كروت قبل كده. انت هتعرف أنا بقالي قد إيه راكن هنا و هتحاسبني ازاي؟
قال: اللي تشوفه!!!!!!!!
يعني مش يدخل كارت و يشوف حسابي على المونيتور!!!
في الآخر أخد 5 أو 8 جنيه مش فاكر. يعني كان في استهبال و فصال.
هو كله بقى إتاوات كده؟