الموضوع: محتاج رد من الخبراء .. بخصوت التغير من شل المنعدم

المشاركة الأصلية كتبت بواسطة MinaLove_1

اصدقائي الكرام
عندي مشكلة اني مش لاقي زيت شل الاصفر خالص
وكل البنزينات بتقولي مش حينزل والشركة اتباعت لتوتال
طيب انا دلوقتي اغير لاقيه .......
مع العلم ان العربية عاملة 92 ك وكنت بغيره كل 4000 ك
هل اجيب فيسكو 3000 و لا 2000 وانهو فيهم مناسب للعربية
ولا اجيب نوع تاني توتال او موبيل او غيرهم
انا مشواري كل يوم 30 ك تقريبا يعني تقريبا بغيره كل 3 شهور ونص
وموضوع معدني وتخليقي .. ياريت حد فاهم يقولي ايه المناسب

معلش.. انا معايه حوالي كيلو شل اصفر استخدمة ازاي عشان مش عاوز ارميه قبل ما اغير للنوع الجديد
انزل كيلو من الطبه واحط الكيلو ده مكانه عشان يبقي نفس اللزوجه وامشي بيه حتي 500 كيلو بدل ما يترمي ...

منتظر ردودكم المجربة و
شكرا لمساعدتكم مقدما ....

اهلا بيك
مش عارف ابدأ منين ......... اصلي كتبت الكلام ده كتير اوي فى عدة تعليقات وفى عدة مواضيع
للاختصار
انت عربيتك لانوس صح ؟! ياريت تحطلها زيت تصنيعي كامل وبلاش اي زيت معدني

الفرق بينهم .... حاضر
الزيت المعدني: هو الزيت الاصلي المستخرج من تكرار البترول
الزيت التصنيعي: هو الزيت المصنع فى المصنع بدون الاستخراج من البترول او مشتقاته

الزيت التصنيعي افضل بكتير جدا جدا من الزيت المعدني ...... لانه يحتوي علي بعض المركبات (البوليمرز) النافعه للموتور , من سحب الترسبات وتعدد الدرجات للتعامل صيفا وشتاءا وطول عمره

تعرفه الزاي !!! ....... بكل بساطه حتلاقي مكتوب علي العلبه (زيت تخليقي كامل 100%) او حتلاقيه مكتوب عليه درجة اللزوجه متعدده مثل .... 10W-40 او xW-xx ...... وممكن برضو يكون مكتوب عليه كده(xW-xx) ويكون معدني
طيب تفرقه ازاي !!!! ........... بكل بساطه حتلاقي الرقم الاول لايزيد عن 15 (مثل الرقم اللي مكتوب قبل حرف w حتلاقيه اقل من 15) وكمان تعرفه من مستوي الخدمه بيكون اقل حاجه SF
واخر حاجه حتعرفه من سعره .... دايما بيبدأ من 200 وانت طالع

بالنسبة لعربيتك اللانوس ............ لو سمحت شوف الكاتالوج بتاعك مكتوب فيه اللزوجه كام , واختار النوع اللي يعجبك

ياريت تحط لعربيتك دااااائما زيت تصنيعي بدون اي اضافات ..... حيفرق فى عمر الموتور واستهلاك البنزين

دمت فى امان الله

انا عايز ارد عليك
بس طبعا مع كامل الاحترام لصاحب الموضوع زي ما حضرتك طلبت هو اللي يرد

شكرا لذوق حضرتك بس انا معيش الكتالوج
وانا بعرف اني نوع الزيت بيفرق حسب حالة الماتور و الكيلومترات

... معلش معني كده اني الشل اللي بحطه اساسا كان غلط من الاول عشان كان سعره 130 ج
وشكرا لمساعدتك عشان الكل يستفيد

المشاركة الأصلية كتبت بواسطة minalove_1

شكرا لذوق حضرتك بس انا معيش الكتالوج
وانا بعرف اني نوع الزيت بيفرق حسب حالة الماتور و الكيلومترات

... معلش معني كده اني الشل اللي بحطه اساسا كان غلط من الاول عشان كان سعره 130 ج
وشكرا لمساعدتك عشان الكل يستفيد

- فعلا نوع الزيت بيفرق .... ولكن بيفرق من جودة مصنع الي اخر فى نفس درجة اللزوجه ومستوي الخدمه
- الشل بصفة عامه من الانواع الجيده والمعمره .... يعني بيعيش فتره طويله اكتر من اللي ناس بتقول عليه

ياريت لو تحاول تدور علي الكاتالوج عند اي حد من اصدقائك او تخش تجيبه من النت
يفضل تغير من المره الجايه الي اي نوع زيت يكون 5w-40 , ويفضل مايزيدش عن درجة 40
ممكن تحط : شل-ليكوي مولي-فالفولين-.......او اي نوع يكون بنفس الدرجه اللي قولناها ويكون مستوي الخدمه ماتقلش عن sl >>>وحتلاقيها مكتوبه من ضهر العلبه تقريبا كده مثلا sm/cf
حتلاقيها فى الشل sn/cf دي درجة عاليه اوي وعلشان كده سعره غالي

بالتوفيق

المشاركة الأصلية كتبت بواسطة mesaharaty

طيب بعد إذن صاحب الموضوع
أنا عربيتى ماروتى عاملة حوالى 21000 كم
وباحط لها شيل الأصفر فإيه اللى يتناسب لو حبينا نحط حاجة تانية غير شيل ؟؟؟

مع ألف شكر

اعتقد حضرتك بتسألني انا زي ما زميلنا walidzakzok وضحلي ويارب ماكونش غلطان

بالنسبة لعربيتك المارتي .... علشان الموتور صغير
يفضل درجة اللزوجه تكون فى حدود 10W-30 او 5W-30 لو عرفت تلاقيه
حط اي ماركه حضرتك تستريحلها نفسيا وماديا بس ياريت تكون فى نفس رنج درجة اللزوجه دي
بس اعتقد عربيتك جديده مش قديمه .... يعني ممكن تلاقي الكاتالوج بتاعها عندك ....دور عليه ودور فى اخر الصفحات عند "الصيانه" وحتلاقي درجة الزيت المطلوبه ومستوي الخدمه بيكون لازم مكتوب

بالتوفيق ان شاء الله