9اسئله بسيطه لانسر بومه 2009

**bassem_sams** · 15-01-2014 11:19 AM

بسم الله الرحمن الرحيم

كل عام و انتم بخير و يارب تكون مصر بخير و امنه ان شاء الله

انا معايا لانسر بومه و بحاول على قد ما اقدر انى احافظ عليها و مع مرور سنين و استخدام حصلت حاجات بسيطه جدا فى اللى عملته و فى اللى عايز اعمله بس محتاج نصح و ارشاد منكم نتيجه خبراتكم متميزه هما كام سؤال نتوكل على الله و نبتدى

1-انا قربت على 30000 و ممكن على 31000 او اقل اروح اعمل صيانه هل ده فيه مشاكل نتيجه ظروف شغل

2- انا من مدينه نصر فكرت اروح مركز صيانه جديد فى معادى اوتوستراد قلت اقرب بدل ابو رواش هل فيه حد جربه

3-انتم عارفين انا شتاء سنه دى غريب بسبب انصهار حرارى اللى بيحدث فى كون المهم بنزل صبح الاقى سقف و شنطه و احيانا كبوت عليه ماء كأنها ممطرة او تنديه لو مستحتها بتلطخ فبسببها و انا رايح شغل مع سرعه تنشف بس بيبقى فى اماكن فيها شمس خفيف و قت بيبقى ساعه 9:30 الى 10 هل شمس بسيطه دى بتنشف ماء طبعا و يبان ان عربيه متربه هل ده يؤثر على بويه عربيه و يخليها تجرب و لا عادى و ايه تصرف صحيح

4-انا محتاج كلبسه للاكصدام امامى و 2 كلبسه لفرش شنطه من جوة اجيبهم منين و تكلفه كام و مس عارف سبب تأكلهم ايه

5-كفر لمبه صالون ابيض فجأة لأقيتوا وقع سبب ان كلبساته اتكسرت مش عارف ليه رغم انى مش مقربلها خالص قلت يمكن شمس حاولت تأكلها الزقها بدبل فيس مش نفع وقع بتباع فين او فى حل لها هى مش مأثرة معايا او فى دبل فيس نظيف

6سوسته تانك بنزين عامل استعجل و شد باب و هى بتفتح فكسر كلبسه عرفت من اعضاء انها فى توكيل عنده ب 70 جنيه هل فى اماكن ارخص روحت الحى سابع و سألت عليها مش لأقتها

7-كنت لازق على عربيه اول ما اشترتها باكتات لأكصدام و مع وقت ابتدت اطراف تقع حاولت الزقها بدبل فيس بردوا ضعيف رغم زمان جبت دبل فيس و عملتها بس مش عارف انواع بقت سيئه المهم زهقت و خلعتها لأنها زادات مع وقت بس لزقها على اكصدام حاولت اشيها معلم و بيتشال بصعوبه هلى فى ماده او طريقه اشيل أثارها من اكصدام

8-و انت ماشى فى طرق مش مستفلت كويس تسمع صوت تكته من تابلوه او باب ناحيه سواق تقريبا ده من ساعه ما اشترتها نفسى اعرف سبب ايه و امنع صوت ده

9-اخر سؤال اسف على اطاله عايز اجيب اريال عربيه عندى حديد فوق سواق بيتشد باليد فى ناس فى شارع قطموه اجيبه منين مش لأقيته فى الحى السابع و لا ديموند موتورز لكن كان فى رواس تقريبا ب 375 جنيه كتير بصراحه

شاكر لكم و فى انتظار ارائكم شكرا

**bassem_sams** · 15-01-2014 06:29 PM

10-المساحه يمين عايز اغيرها سعرها فى توكيل كام و برة بكام و انظف نوع منها

**amro0000** · 15-01-2014 07:57 PM

الحجات الي حضرتك بتتكلم فيها بسيطة وسهله مش محتاجة وعربية حضرتك لسة 30الف كيلو دي لسة بتلين المفروض متبدأش صيانه فيها قبل ال 40 ول 80الف كيلو طبعا مع مراعاة تغير زيت وفلتر كل 10الاف وتربيط عفشة لاكن انا شايف ان المشاكل بتاعتك سهله انتة ممكن تروح لواحد بتاع اكسسوارات عربيات يزبطلك الدنيا دي كلها عندك مثلا go car في مساكن شيراتون وهيعتبر جمبك لانك من مدينه نصر عندة اكسسوارات يعملك الدبل فيس بتاع الاكصدامات مثلا وكلبسة الاكصدام دي ممكن تلاقيها في شارع دمشق او الحرفيين والمساحة اي محطة بنزينه نضيفة هتشتري منها طقم مساحات وسوسته تانك البنزين دي ليها حل تاني اتكلمنا فية قبل كدة هبقي اجبلك الرابط بتاعة او ممكن تعمل زي منا عامل بخلي العامل بتاع البنزينه يضغط ضغطة كدة والتانك بيفتح علي طول مش محتاجة تشتريلها سوسته من التوكيل ولو عاوز تحافظ علي البوية انصحك تجبلك مفرش غطا يعني وتر بروف من التوفيقية مثلا ودة هيحميلك العربية من الشمس والشبورة المائية وكل الكلام دا وهيحافظلك علي البوية اتمني اكون افادتك بلي اقدر علية بس مشاكلك بسيطة اوي الحمد لله متحطش في بالك