الموضوع: كلاكيت تانى مرة كاسيت بايونيير 6450

ازيكم يا شباب .. انا النهارده كبرت فدماغى اشترى الكاسيت ده تانى (طبعا انا كنت بيعته لعضو هنا عشان كنت ببيع العربية) و روحت اسال عليه فى فانتازيا لسه موجود ب1250 جنيه طبعا هو موديل 2012 و الى نزل بعده موديل 2013 الى هو 6550 لكن اغلى بحوالى 1400 و هو نفس الاوبشن لكن شكله معجبنيش فان شاء الله هشتريه تانى ..
ده تقرير عنه لما اشتريته من سنه
تقرير كاسيت بايونيير deh-6450bt

دلوقتى انا هركب السماعتين الكينوود 600 وات فهعمل رف خشب و هفتح فالصاج عاوزكوا تقولولى على حد كويس لانى فعربيتى الى فاتت عملتها عند مجدى كلاريون كان الرف مش مضبوط و كان بيتحرك و روحت عند سروجى اداله مسمارين عشان يثبتوه لكن الخشب و الموكيت كان كويس الصراحه و كلفنى 90 جنيه (بس عشان كنت شارى السماعات من عنده) قولولى بقى على حد كويس و الخشب يبقى نوعه ايه
تانى حاجه عاوز حد يكون عنده الدرج الى تحت الكاسيت عشان الى عندى دبل دين فلاقيه فين ؟؟ عالفكرة ادريان جامعه الدول قالى اركبلك الدرج ده فهل اروح عنده و يعملى الرف و لا تنصحونى بايه؟؟