الموضوع: ولما شيل يروح هنعمل إيه ؟؟

السلام عليكم جميعا
يا جماعة
دلوقتى زيت شيل الاصفر اللى احنا بنحطه وكنا مستريحين معاه بقى مختفى وبلغنا من البنزينات إنه مش حيتواجد تانى لوجود شراكة بين شيل وتوتال أو شىء من هذا القبيل ستؤدى إلى عدم تواجده وبالتالى يتوجب علينا إننا نعرف البديل إيه علشان نبقى عارفين غيار الزيت القادم حيبقى ماركة إيه ومواصفات إيه .
الزيت الحالى المستخدم من شيل هو Shell Helix HX5 15W50

وأعتقد أن البديل حيكون إما :
موبيل XHP
توتال Quartz 5000
بى بى فيسكو 2000

وده على أساس إنها زيوت معدنية زى شيل الأصفر .
طيب لو حبينا نغير من شيل الأصفر إلى توتال حيبقى توتال إيه مواصفاته ورموزه .
لو أى حد عنده تعديل على الكلام ده أو تصحيح فلا يبخل به علينا لأن الموضوع مهم جدا .
وبرضه لو فيه أى إقتراحات تانية أهلا وسهلا

وللجميع الشكر والإعتزاز