العفشجي قالي حاجة جديدة عن شيري a11 ... هل صح ولا غلط؟

**askarfeps84** · 15-01-2014 06:09 PM

انا الحمد لله بعد استشارة المنتدى قررت اجيب مساعدين امامي ساكس الماني جولف 2 لكن انا روحت اخلي العفشجي يطمن على المقصات عشان لو بايظة اجيبها بالمرة وبالفعل قد كان بايظة وهاجبلها جديد لكن هو قال 3 حاجات جديدة بالنسبة ليا

ان المساعدين الخلفي " اكرر الخلفي" ايضا مساعدين جولف 2 واجيب معاهم 2 صدادات ... هل ده صح لأن الاعضاء الافاضل قالوا ان مساعدينها الخلفي سيات توليدو 96 ومسمعتش عن انها جولف 2 خالص؟ هل ده صح ولا غلط

ثانيا كنت بسأله عن الفرامل الامامية وقالي ان التيل بتاع "أبيزا" التركي ينفع على الشيري وهيكون كويس فهل ده صح ولا ايه؟

ثالثا بعد اذن حضراتكم ايه هو "برت سكترا" جولف 2 دي وتمنها تقريبا لو حد عارف لأنه قالي انها محتاجة برضوا تتغير
شاكر جدا لحضراتكم ومنتظر ردكم عشان اتوكل على الله اشتري

**arwah** · 15-01-2014 11:04 PM

بالنسبه للمساعدين الخلفيين انا معرفش ان كانوا جولف 2 او لأ بس انا لسه جايب امبارح جوز مساعدين خلفيين توليدو 96 ماركه مايا او مايل (الماني )في الغالب بتبقى اتحاد اوروبي المهم احسن من الصيني بتوعها والمساعدين هما هما بالملي الاتنين ب500جنيه ومفصلتش معاه ومدورتش على انواع تانيه.......وبالنسبه لتيل الفرامل الامامي انا جبت بتاع الباسات وكان الطقم الامامي 4فرده يعني ب200جنيه تقريبا وبالنسبه لبرت الاسكاترا انا معرفش حاجه اسمها برت اسكاترا لكن عموما انا جيبتلها اسكاترا باور استيراد خلعتها بايدي من نص بولوا ب400جنيه تقريبا وممكن تيجي ااقل من كده شويه ...والله معك بس اما تركب الحاجات دي صح عند صنايعي صح مش حتندم ان شاء الله وربنا يكفيك شرها

**askarfeps84** · 16-01-2014 08:41 AM

المشاركة الأصلية كتبت بواسطة arwah

بالنسبه للمساعدين الخلفيين انا معرفش ان كانوا جولف 2 او لأ بس انا لسه جايب امبارح جوز مساعدين خلفيين توليدو 96 ماركه مايا او مايل (الماني )في الغالب بتبقى اتحاد اوروبي المهم احسن من الصيني بتوعها والمساعدين هما هما بالملي الاتنين ب500جنيه ومفصلتش معاه ومدورتش على انواع تانيه.......وبالنسبه لتيل الفرامل الامامي انا جبت بتاع الباسات وكان الطقم الامامي 4فرده يعني ب200جنيه تقريبا وبالنسبه لبرت الاسكاترا انا معرفش حاجه اسمها برت اسكاترا لكن عموما انا جيبتلها اسكاترا باور استيراد خلعتها بايدي من نص بولوا ب400جنيه تقريبا وممكن تيجي ااقل من كده شويه ...والله معك بس اما تركب الحاجات دي صح عند صنايعي صح مش حتندم ان شاء الله وربنا يكفيك شرها

شكرا على الرد وبعد اذن حضرتك ممكن اعرف مكان شراء المساعدين التوليدو 96 ومكان ايضا شراء تيل الفرامل ... مع الشكر