مقدار الزيت

**طاهرع الوهاب** · 15-01-2014 11:07 PM

يا جماعه انا جبت زيت شيل الاصفر والميكانيكي حطلي مش كل الكميه بقي منها شويه كدا والكلام دا من يومين بس بقيس النهارده الزيت لاقيته ناقص مش عارف لانه محطش كل الكميه ولا ايه مع العلم اني العربيه مش بتنقص زيت ابدا فهل العيب في زيت شيل دا اللي معضم الناس في المنتدي هنا نصحتني بيه لاني كنت بستعمل موبيل ولا ايه الحكايه حد يعرف يفيدني

**أحمد عثمان** · 16-01-2014 09:38 PM

هو الشوية اللي باقيين معاك؟؟؟
شوف مقاسهم كام على الجركن, المفروض اللانوس بتاخد 3.75 لتر , طبعاً في كتير بيحطوا ال4 لتر كلهم في زيوت زي الموبيل مثلاً , لأن الجركن 4 لتر , و ده طبعاً مش صح أوي على الموتور بس الحمد لله إنها بتيجي في ربع لتر مش أكتر , و الحقيقة أنا مش عارف زيت شل ده كام لتر , فشوف كده لو الجركن 5 لتر يبقى المفروض معاك بالكتير أوي 1.25 لتر , أكتر من كده يبقى الراجل حطلك أقل من المطلوب.
أتمنى أكون ساعدتك في حاجة.

**طاهرع الوهاب** · 16-01-2014 10:01 PM

شكرا لك اخي الكريم وشكراً لهذا المنتدي العظيم انا روحت للميكانيكي اللي غيرت عنده وقال دا المقاس الطبيعي للعربيه ومفيش اي مشكله عندك والحمد لله المشكله اتحلت النهارده