يا ريت اتشرف بمالكى عربية هيونداى اتوس اعلم ان العربية مش منتشرة بشكل كبير
بس اتمنى لو حد يملك العربية يدخل معايا فى الرابطة ويقول راية فى العربية وموديل كام
انا عن نفسى معايا اتوس 2011 والعربية ممتازة جداااااا
منتظر مالكى الاتوس
عرض للطباعة
يا ريت اتشرف بمالكى عربية هيونداى اتوس اعلم ان العربية مش منتشرة بشكل كبير
بس اتمنى لو حد يملك العربية يدخل معايا فى الرابطة ويقول راية فى العربية وموديل كام
انا عن نفسى معايا اتوس 2011 والعربية ممتازة جداااااا
منتظر مالكى الاتوس
لو حد لية اى استفسار وحابب يشترى عربية اتوس انا تحت امرة وشكراا
كما توقعت
ربنا يبعت
السلام عليكم ورحمة الله
انا عضو جديد في المنتدي وعضو جديد في عائلة هيونداي اتوس موديل 2008
اتمني التفاعل مع الموضوع من مالكي السيارة الجميلة اللي مخدتش حقها
انا سعيد بجد ان اول مشاركة لحضرتك تكون فى الموضوع بتاعى
وهى فعلا عربية جميلة جدااا ومش واخدة حقها فعلا
كنت عاوز اعرف رأى حضرتك فيها سواء مميزات او عيوب لتبادل الخبرات
أنا شايف انها ممتازة جدا في الحجم والاداء واستهلاك البنزين وشكلها مقبول جدا بالنسبالي وموفية احتياجات اسرتي الصغيرة وعشان اركب i10 اللي هي تقريبا نفس المحرك والامكانيات هدفع فرق فلوس كتير فهي فعلا ممتازة
اللي بس مخوفني هي قطع الغيار هل متوفرة ام لا لاني لسة مدستش في الموضوع ده ياريت تطمني
ايه ده انا مكنتش واخد بالي ان انت كمان من اسكندرية والله ده شيئ رائع
والله انا العربية شايفها كويسة جداا زيك بالظبط والبنزين شئ رائع جدااا وتكييفها حلو على موتور 1100 يعيبها من وجهة نظرى الصاج الضعيف ال ممكن لو اى حد ريح على العربية تطنى اما قطع الغيار انا برضة مدوستش فيها بس ال اسمعة انها مش متوفرة برضة
وانا من سيدى بشر يا ريس ونورت الموضوع
فعلا ملاحظة الصاج دي صحيحة أنا ساعات بخاف عليها من ضغط مياه الغسيل والتكييف ممتاز ولا يؤثر علي الاداء بس مش عارف هل قطع الغيار الميكانيكية اللي مش متوفرة ولا الفوانيس والقطع الخارجية
بس انا لقتها اجدد موديل في حدود سعرها يعني عربية حديثة وسعرها معقول جدا فهو ده اللي شجعني ليها
وانا من محرم بك وعربيتي فضي
ممكن انضم للاعضاء محولتا منى للمساعده فى اى استفسار . مع انى مش راكبها. بس الحمد لله حفظتها من كتر شغلى فيها
طبعا تنور الموضوع وشكرا لمحاولة المساعدة
كنا عايزينك تطمنا علي قطع الغيار هل هي بقت موجودة ولا لسة قليلة
:welcome1:
هى قطع غيار السياره حمداً لله موجوده, المشكله الوحيده انى مش اى واحد بتاع قطع غيار فاهم فيها, هو فيه وجه تشابه كبير بين الكيا والهيونداى , وزى ما انتو طبعاً فهمتو الموضوع ده يعنى مثلاً حساس الكرنك (اللى هو ورا الكاتينه عندكم ) هو هو نفس الحساس بتاع البيكانتو , حساس الأيديال هو بتاع الفيرنا ,
يعنى فيه شوية حاجات لو سألت عليها على انها اتوس ممكن تلاقى معظم تجار قطع الغيار مش فاهمينها, المشكله عندنا فى مصر هنا انى تاجر قطع الغيار واخدها من نسق التجاره فقط, المفروض يكون عنده فكره ولو مبدأيه عن كل جزء بيتاجر فيه , وازاى بيركب ,,,,,
وده المفروض انه مش تاجر فقط, هدفه الأساسى هو الربح وخلاص , فاهمنى
عموماً انا على اتم الأستعداد على استقبال اى استفسار سواء على الصفحه هنا او على الموبيل مباشرةً للسؤال عن اى جزء بالعربيه عندكم . بس فيه رجاء واحد, كل واحد يستفسر عن قطعة غياء سواء منى او من غيرى لازم يكتب تجربته علشان غيره يستفيد فاهمنى
وفى موازين حسناتكم جميعاً انشاء الله
ربنا يكرمك والله طمنتنى انا كنت قلقان علي موضوع قطع الغيار ده لاني معرفتهوش غير بعد ما اشتريت
بس الحمد لله انها متوفرة
ايه هو محادش عنده مشكله فى العربيه
طيب هابتدى انا
بسم الله الرحمن الرحيم
العربيه الاتوس من مشاكلها المتعارف عليها
حساس الكرنك. وده موجود تحت سير الكاتينه . ولازم يتفك السير و البليه علشان يتغير. وده عمله توليد الكهرباء الخارجه للموبينه . و موجود بسعر 190 جم عند نافع شارع دمشق
فيه منه فى شارع جسر السويس عند محلات كتير بس سعره غالى اوى . تقريبا 300 جم.
المهم انه يكون الفيشه بتاعته على شكل مثلث .
والله الموفق
شكرا ليك يا فندم على محاولتك مساعدتنا يمكن احنا الحمد لله لحد دلوقتى لسة مظهرش عندنا مشاكل فى العربية واكيد لو حصل حاجة لا قدر الله حضرتك هتكون اول واحد نستعين بية وبخبرتة بس احنا من اسكندرية هل عند حضرتك مركز خدمة فى اسكندرية ولا القاهرة بس؟؟
ثانيا من كتر تعاملك فى العربية اية رأى حضرتك فيها
واخيرااا احنا بنشكرك جداا على تعاونك معانا ال هنتحتاجة اكيد مع مالكى الاتوس...
هو حساس الكرنك ده لو باظ احس بايه في العربية
والله انا زيك بالظبط يا ريت استاذ محمد يفيدنا
ويقولنا راية فى العربية بصفة عامة
ياريت برضه تنصحونا بأنواع زيت كويسة للموتور والفتيس
والكمية المناسبة لزيت الفتيس عشان انا غيرته فاللي غيره حط كمية زيادة شوية ضرب الاويل سيل وبيسرب زيت ولسة هروح أعمله ان شاء الله
مانيوال موديل 2008
انا فعلا استخدمت شيل للموتور وموبيل للفتيس
ياريت لو حضرتك تقولي كمان مقاس الكاوتش الاصلي للعربية عشان عندي محتاج تغيير
المقاس المناسب لسيارة حضرتك 2008 مانيوال من الواقع للسياره بالخارج, وهو المقاس اللى هايعطيك احساس الثبان المناسب للسياره هو 13-175-60, المقاس ده موجود فى مصر هنا بأنتشار , بس فيه مشكله واحده , حاول تخلى نوعه كومهو لسبب بسيط جداً يافندم
فيه حاجه اسمها Total wheel diameter وديه مهمه جدا فى الكاوتش الخاص بعربية حضرتك لازم يكون وزنها 21.3 - 540 ,
اما عن زيت الموتور والفتيس , فأنت كده بتعمل الصح بالضبط , الفكره مش فى نوع الزيوت , هو لا دعايه ولا حاجه , هو الفكره كلها درجة اللزوجه ووزن الزيت قبل واثناء وبعد الأستخدام , فاهمنى
يارب تكون طريقتى مفيده ليكم بجد , واتمنى انى اكون قادر على مساعدتكم
دى صورة الاتوس بتاعتى موديل 2011 مستنى رأيكم
http://store1.up-00.com/2014-02/1393569057141.jpg
http://store1.up-00.com/2014-02/1393569057492.jpg
ما شاء الله ربنا يحفظهالك ويكفيك شرها
وبشكر أستاذنا الفاضل علي الافادة وفعلا ياريته كان من الاسكندرية
اتمني تفاعل جميع مالكي الاتوس
أنا باغة الفانوس الخلفي عندي مكسورة ياتري دي بتتباع لوحدها ولا لازم فانوس كامل
وياتري ايه سعر الفانوس الامامي والخلفي
لازم الفانوس كامل. وحصرتك هاتلاقى منه نوعين
النوع الصينى هايكون سعره 200 جم مثلا
النوع التايوانى و هايكون سعره حوالى 400 جم
او استيراد. وده افضل علشان اكيد هايكون اصلى مش هايفرق فى الشكل عن الجنب الثانى. ومش هايعمل فرق التقفيل . فاهمنى . وده ثمنه هايكون حوالى 350 او 400 مثلا بدون لمبات
ربنا يجازيك خير والف شكر لسرعة الرد
يا فندم انا تحت امرك. ولو فيه رساله مهمه نزلتها على المنتدى. ممكن نبعنلى على whats app او viber وانا هادخل ارد على طول
الف شكر وياريت كل الناس تتفاعل للافادة
السلام عليكم
لو سمحتم انا كنت سألت علي كاوتش مقاس 13/175/60 كما افدتوني وهو نفس المقاس اللي راكب عندي فلم اجده ووجدت مقاس 13/165/70 فهل ده هيفرق كتير ولا ممكن يمشي
انا ظهر عندي صوت والعربية ممورة وبيروح لما ادوس دبرياج فكشفت والميكانيكي قاللي دي بلية دبرياج رحت اشترتها فاليو كوري زي اللي طالعة من العربية ب ٩٠ جنيه
وكان عندي تسريب زيت تحت الموتور فطلع اويل سيل كرنك خلفي فغيرته بس دوخة في تغييره
انا عايز اسأل سؤال عندي فلتر الهوا الفتحة الجانبية بتاعته مش طالع منها اي وصلة خالص يعني تبص من الفتحة تشوف الفلتر فهل هو الطبيعي بتاعه كده ولا وصلة عندي ناقصة
الوصله عند حضرتك ناقصه . ده اولا
ثانيا البليه الفليو مش قويه اوى فيه بليه كورى تانيه اسمها hsc حديد وسعرها 95 جم. احسن بكتير ومعمره اكتر بكتير. ومبروك عليك الصيانه
طب هل الوصلة دي عبارة عن ايه وهل عدم وجودها فيه مشكلة ولا لأ ولو ضرورية بتتباع بكام
واشكرك دائما علي الافادة والاهتمام
جزاك الله خيرا ربنا يكرمك يارب طمنتني