ارجو النصيحه من اصحاب الاوبل فيكترا

**اشرف السعيد** · 17-01-2014 01:11 AM

السلام عليكم
ارجو الافاده من اصحاب الاوبل فيكترا 1996
عندي اوبل فيكترا اتوميتك ا1996 بي
في مشكله عندي في السياره وارجو الافاده
عداد السرعه مش شغال خالص
وكمان لمبه absاللي في التابلوه دايما منوره ومش بتفصل ونور لمبه abs فيه رعشه تحس انه ممكن هيطفي بي مش بيطفي دايما شغاله
ممكن اعرف ده من اي واي علاجه
ولو في ميكانيكي كويس في الاسكندريه العجمي ممكن اعرف عنوانه
ارجو الرد للاهميه

**yoyomonster** · 17-01-2014 01:59 AM

فيه محمد ابو الحمد قبل بنزينة موبيل بتاعت المطار بشارعين
وفيه ورا قرية عبد الوهاب في السيوف اكتر من تلاتة اربعة ميكانيكية تخصص اوبل بس اشهرهم الحاج عبدالعزيز
المنطقتين بعيد عنك يمكن المطار اقرب بس اكيد فيه حد في العجمي كويس او الحرفيين، استني حد يفيدك اكتر

**Ahmed Saad** · 17-01-2014 05:28 AM

بص بالنسبه للمبه ال abs فك حساسات العجل ونضفهم وركبهم تاني لو لسه منوره يبقي حطها علي جهاز الاعطال وهو يجبلك العطل علي طول وعداد السرعه ممكن العداد او حساس السرعه اللي علي الفتيس اسمه vss

**فادى محمد** · 17-01-2014 10:52 AM

المشكله عندك في حساس الايه بي اس بتاع العجله اللي قدام شمال . هي مسؤله عن الايه بي اس وعداد السرعه .
اكشف عليها ممكن تلاقي فيشتها مخلوعه او طالها ميه محتاجه تتنظف او تتغير حتي استيراد مش غاليه.

**MOHAMEDEBAID75** · 17-01-2014 05:12 PM

برنس يا فادى انت حافظ العربية دى بطريقة غريبة انا حاسس انك شغال فى جى ام المانيا

**اشرف السعيد** · 17-01-2014 09:18 PM

متشكرا جدا لاهتمامك بالرد فعلا ونعم الصحبه
بس معلشي حتقل عليكم شويه
استاذ فادي انا لسه جديد في السواقه وكمان معرفش كتير في السيارات
هم مين اللي ممكن يفك العجله الشمال وينظف الفيش هل ممكن بتاع العشفه ولا مين اللي يعمل ولا في النزينه
ويتنظف باي

**فادى محمد** · 17-01-2014 09:44 PM

ميكانيكي نظيف بتثق في شغله يفك ويشوف الدنيا فيها ايه؟ ولو هينظف يبقي باسبراي wd-40

**اشرف السعيد** · 21-01-2014 01:06 AM

السلام عليكم
متشكر جدا للكل من ساهم وقام بالرد
وشكر خاص للاستاذ فادي
الحمد لله
مشكله abs تم حلها ومشكله عداد السرعه
روحت لميكانيكي بجد محترم جدا والحمد تم علاج المشكله
تم تغير الكابلن الشمال وترس مشرشر وقال الميكانيكي بعد ساعه او تمشي شويه هيظبط وفعلا الظبط abs وانطفت اللمبه مش بتنور الا مع التشغيل والحمد لله وتم تغير حساس السرعه واشتغل العداد
بس لي استفسار صغير
ازاي اعرف ان abs بقي كويس وشغال فعلا مع العلم انه تم تجريب السياره علي الرمل وكانت كويسه
ادعولي ربنا يستر ها معنا
ومتشكر جدا لزوق كل من ساهم في علاج المشكله